Мікалай Мікалаевіч Кашэўскі

Мікалай Кашэўскі (нар. 5 кастрычніка 1980, Жодзіна) — беларускі футбаліст (абаронца) і трэнер.

Мікалай Кашэўскі
Агульная інфармацыя
Поўнае імя	Мікалай Мікалаевіч Кашэўскі
Нарадзіўся	5 кастрычніка 1980(1980-10-05)[1][2] (44 гады) Жодзіна, Мінская вобласць, Беларуская ССР, СССР
Грамадзянства	Беларусь
Рост	190 см
Вага	81 кг
Пазіцыя	абаронца, паўабаронца
Клубная кар’ера[* 1]
1998 Рэал (Мінск) 4 (0) 1999 Тарпеда (Жодзіна) 29 (8) 2000 Акадэм-Славія (Мінск) 28 (5) 2001 Дарыда (Ждановічы) 21 (3) 2002—2003 Лакаматыў (Мінск) 37 (12) 2003 Металург (Запарожжа) 6 (1) 2003 →  Металург-2 (Запарожжа) 3 (1) 2004—2006 Крыўбас (Крывы Рог) 62 (8) 2006—2008 Металург (Запарожжа) 52 (2) 2008—2010 Ільічовец (Марыупаль) 50 (6) 2010 Таўрыя (Сімферопаль) 2 (0) 2011—2012 Гомель 58 (13) 2013—2014 Шахцёр (Салігорск) 51 (0) 2015 Віцебск 24 (1) 2016 Спартак (Юрмала) 5 (0)
Нацыянальная зборная[* 2]
2006—2009 Беларусь 13 (0)
Трэнерская кар’ера
2017 Шахцёр (Салігорск) трэнер 2018 Тарпеда-БелАЗ (Жодзіна) трэнер 2019—2020 Елгава трэнер 2021—2022 Крыўбас (Крывы Рог) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец жодзінскага футбола, з 2003 года доўгі час гуляў ва Украіне за розныя клубы. У пачатку 2011 года перайшоў у «Гомель», дзе ў пачатку 2012 года атрымаў месца асноўнага цэнтральнага абаронцы і капітана каманды пасля Сяргея Канцавога. У «Гомелі» вызначыўся выдатнымі бамбрардзірскімі паказчыкамі: за два гады забіў 13 галоў у чэмпіянаце.

У студзені 2013 года перайшоў у салігорскі «Шахцёр»^[3]. У салігорскім клубе стаў асноўным левым абаронцам, але часам выступаў і ў цэнтры.

У снежні 2013 года падоўжыў кантракт з гарнякамі^[4]. У сезоне 2014 стаў выступаць на пазіцыі цэнтральнага абаронцы. У жніўні 2014 года атрымаў траўму, вярнуўся ў строй у лістападзе таго ж года. У студзені 2015 года па заканчэнні кантракта пакінуў салігорскі клуб^[5].

У студзені 2015 года цікавасць да Кашэўскага праяўляла малдаўская «Дачыя», але кантракт так і не быў заключаны^[6]. У выніку ў лютым 2015 года стаў іграком «Віцебска»^[7] і быў прызначаны капітанам каманды.

У студзені 2016 года прыбыў у латвійскі «Спартак», які ўзначаліў беларускі спецыяліст Алег Кубараў^[8] і ў выніку пачаў у гэтым клубе сезон 2016. Разам са «Спартаком» стаў чэмпіёнам Латвіі, хоць большую частку сезона быў вымушаны прапусціць з-за траўмы.

Міжнародная кар’ера

Згуляў у некалькіх матчах за нацыянальную зборную на працягу 2006—2009.

Трэнерская кар’ера

У студзені 2017 года, пасля таго як Кубараў узначаліў салігорскі «Шахцёр», Кашэўскі ўвайшоў у трэнерскі штаб гарнякоў^[9], дзе адказваў за абарону. У ліпені 2017 года разам з усім трэнерскім штабам «Шахцёра» быў адпраўлены ў адстаўку^[10].

У студзені 2018 года ўвайшоў у трэнерскі штаб Кубарава ў жодзінскім «Тарпеда-БелАЗ»^[11]. У канцы 2018 года ўслед за Кубаравым пакінуў жодзінскі клуб^[12].

З 2019 года быў памочнікам Кубарава ў латвійскай «Елгаве», у жніўні 2020 года разам з ім пакінуў клуб^[13].

У пачатку 2021 года далучыўся да трэнерскага штаба крыварожскага «Крыўбаса»^[14]. У 2022 годзе пасля выхаду «Крыўбаса» ў Прэм’ер-лігу перайшоў на працу з юнацкімі камандамі клуба.

Дасягненні

• 02 Срэбраны прызёр чэмпіянату Беларусі: 2013
• 03 Бронзавы прызёр чэмпіянату Беларусі (2): 2011, 2014
• Уладальнік Кубка Беларусі (2): 2011, 2014
• Уладальнік Суперкубка Беларусі: 2012
• 01 Чэмпіён Латвіі: 2016
• Найлепшы абаронца чэмпіянату Беларусі: 2012
• У складзе 22 найлепшых ігракоў чэмпіянату Беларусі: 2012, 2013