Ганусішкі

Ганусішкі^[1], часам Ганушышкі, таксама О́нушкіс^[2] (літ.: Onuškis) — мястэчка ў Троцкім раёне Віленскага павета Літвы. Цэнтр Ганусішаўскай сянюніі. Размешчана на беразе Ганусішкаўскага возера^[lt], за 30 км на паўднёвы захад ад Трокаў.

Мястэчка
Ганусішкі
літ.: Onuškis
Герб[d]
54°29′10″ пн. ш. 24°35′30″ у. д.HGЯO
Краіна	Літва
Павет	Віленскі
Раён	Троцкі
Сянюнія	Ганусішкаўская
Гісторыя і геаграфія
Вышыня цэнтра	147 м
Часавы пояс	UTC+2, летам UTC+3
Насельніцтва
Насельніцтва	519 чал. (2011)
Паказаць/схаваць карты
Ганусішкі
Медыяфайлы на Вікісховішчы

Назва

Назва паходзіць ад распаўсюджанага ў літоўскіх баяраў імя Ганус (Hanus)^[3].

Гісторыя

Вялікае Княства Літоўскае

Першы пісьмовы ўспамін пра Ганусішкі датуецца 1503 годам, старабеларускай мовай: Ганусишки^[4]. У гэты час яны ўваходзілі ў склад Троцкага павета Троцкага ваяводства. У 1511 годзе ў Ганусішках збудавалі першы касцёл. У 1524 годзе тут заснавалі мястэчка.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Ганусішкі апынуліся ў складзе Расійскай імперыі, у Троцкім павеце Віленскай губерні.

У XIX ст. у Ганусішках працавалі школа, вінакурня і млын.

За часамі Першай сусветнай вайны ў 1915 годзе Ганусішкі былі заняты войскамі Германскай імперыі.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Ганусішкі апынуліся ў складзе Літвы. З 1940 года ў Літоўскай ССР. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Германіі.

Насельніцтва

• XIX стагоддзе: 1879 год — 197 чал.^[5]
• XXI стагоддзе: 2011 год — 519 чал.

Славутасці

• Касцёл Святых Апосталаў Піліпа і Якуба (1829)