Паруснікі (матылі)

Паруснікі або Кавалеры (Papilionidae) — сямейства лускакрылых.

Паруснікі (матылі)
Махаон (Papilio machaon)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Papilionoidea Серыя:  Papilioniformes Сямейства:  Паруснікі
Міжнародная навуковая назва
Papilionidae Latreille, 1802
Сістэматыка на Віківідах Выявы на Вікісховішчы ITIS   117268 NCBI   7143 EOL   884 FW   134830

Апісанне

Сярэднія, буйныя і вельмі буйныя матылі з найбагацейшай разнастайнасцю афарбоўкі і малюнка крылаў, асабліва ў трапічных рэгіёнах. Размах крылаў да 28 см (самка Ornithoptera alexandrae), у большасці відаў — 50-130 мм. Самыя буйныя і разнастайныя па форме і афарбоўцы паруснікі сустракаюцца ў тропіках. Але і сярод іх сваёй прыгажосцю і яркасцю вылучаецца род: Ornithoptera.

Распаўсюджанне

Налічваюць да 700 відаў. Пашыраны ўсюды, акрамя палярных абласцей; асабліва шматлікія і разнастайныя ў тропіках.

У гарах прадстаўнікі сямейства сустракаюцца да мяжы вечных снягоў і льдоў, напрыклад, ля палярнага круга на паўночным усходзе Якуціі на вышыні каля 1500 метраў над узроўнем мора сустракаецца Parnassius arcticus. У Непале Bhutanitis lidderdalii жыве ў гарах на вышыні да 2800 метраў. У Гімалаях, у наваколлях гары Эверэст, Parnassius hanningtoni жыве яшчэ вышэй — на вышыні да 6000 метраў над узроўнем мора. На Беларусі 4 віды: апалон, махаон, падалірый і апалон чорны, або мнемазіна; усе занесены ў Чырвоную кнігу.

Літаратура

• Максімава С. Паруснікі // БЭ ў 18 т. Т. 12. Мн., 2001.