Перыкаліі

Перыкаліі (Pericallia) — род матылькоў падсямейства Мядзведзіцы. Адзіным прадстаўніком роду з’яўляецца Мядзведзіца-гаспадыня ці Вялікая мядзведзіца (Pericallia matronula).

Перыкаліі
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Noctuoidea Сямейства:  Erebidae Падсямейства:  Мядзведзіцы Трыба:  Arctiini Падтрыба:  Arctiina Род:  Перыкаліі (Pericallia) Від:  Перыкаліі
Міжнародная навуковая назва
Pericallia matronula Linnaeus, 1758
Падвіды
Pericallia matronula helena Pericallia matronula matronula Pericallia matronula sachalinensis
Сістэматыка на Віківідах Выявы на Вікісховішчы NCBI   337084 EOL   862453

Вялікі, яркі, прыгожы матыль. Размах крылаў 70—80 мм. Пярэднія крылы цёмна-бура-карычневыя, уздоўж пярэдняга краю крылаў 4—5 вялікіх і маленькіх жоўтых плям, такія ж плямы каля ўнутранага вугла. Заднія крылы жоўтыя ці аранжавыя з 2 радамі вялікіх чорных плям, якія часцей за ўсё зліваюцца. Паміж гэтымі радамі асобная чорная пляма. Брушка чырвонае з чорнымі папярочнымі плямамі на кожным сегменце.

Мядзведзіца-гаспадыня на паштовай марцы Беларусі, 2004

Від водзіцца ў Цэнтральнай Еўропе, Паўднёвай Сібіры, Іркуцку, Забайкаллі, на сярэднім Амуры, у Прымор’і, на паўднёвым Сахаліне, у Паўночнай Манголіі, Карэі і Японіі^[1].

Лічынкі харчуюцца відамі радоў бружмель (Lonicera), ястрабок (Hieracium), ягаднік (Vaccinium), ясень (Fraxinus), ляшчына (Corylus), дуб (Quercus), а таксама чаромхай звычайнай (Prunus padus).

Зноскі

1. Markku Savela (June 28, 2004). «Pericallia genus». funet.fi. «Pericallia genus». Retrieved 2009-03-25.