Прафсаюзная (станцыя метро, Мінск)

У паняцця ёсць і іншыя значэнні, гл. Прафсаюзная.

Прафсаюзная (трансліт.: Prafsajuznaja) — станцыя трэцяй чаргі, якую планавалі пабудаваць на Зеленалужскай лініі Мінскага метрапалітэна^[1]. Станцыю планавалі размясціць на скрыжаванні праспекта Пераможцаў і вуліцы Мельнікайтэ^[2].

«Прафсаюзная»
Зеленалужская лінія
Мінскі метрапалітэн
Ранейшыя назвы	Праспект Пераможцаў
Раён	Цэнтральны
Код станцыі	317
Суседнія станцыі	Пярэспа і Юбілейная плошча

Зеленалужская лінія
умоўныя абазначэнні
Лагойская (праект) Зялёны Луг (праект) Івана Мележа (праект) Парк Дружбы Народаў (праект) Камароўская (праект) Пярэспа (праект) Прафсаюзная (праект) Юбілейная плошча Плошча Францішка Багушэвіча Вакзальная Кавальская Слабада Аэрадромная Немаршанскі Сад ЦЧ-3 «Слуцкае» Слуцкі Гасцінец

Станцыя размяшчалася на планах лініі з 4 станцый: «Прафсаюзная», «Пярэспа», «Камароўская» і «Парк Дружбы Народаў». Будаўніцтва планавалі скончыць да 2028—2029 гадоў^[3]

У жніўні 2025 года, прааналізаваўшы пасажырапаток, ад будаўніцтва станцыі адмовіліся.^[4]

Перспектывы будаўніцтва

Назва

Назва паходзіць ад будынка Дома прафсаюзаў паблізу, а не ад гістарычнай мясцовасці (нягледзячы на тое, што станцыю праектавалі ў гістарычным раёне Татарская Слабада). Першапачатковая праектная назва — Праспект Пераможцаў.

Праект

Праект «Прафсаюзнай» нагадваў станцыі «Міхалова» і «Немаршанскі Сад», а таксама падобны на праекты «Пярэспы» і «Камароўскай». Шматпавярховая, кампактная, з эскалатарамі па цэнтры станцыі. Вестыбюль быў таксама адзін. Праект падабаўся метрабудаўнікам за сваю кампактнасць, адносную таннасць і хуткасць будаўніцтва. Праектная глыбіня — таксама каля 12 метраў. Выхадаў з падземнага пераходу павінна было быць тры: адзін да цэнтральнага ўваходу Дома прафсаюзаў, два другія — на іншы бок вуліцы Мельнікайтэ^[5].

Зноскі

1. Мінгарвыканкам прысвоіў назвы станцыям трэцяй і чацвёртай ліній Мінскага метрапалітэна
2. https://realt.onliner.by/2016/07/30/metro-115
3. https://realt.by/news/article/31932/
4. «Был пересмотрен проект». Теперь официально: станцию метро «Профсоюзная» строить не будут (руск.). Onliner.by (22 жніўня 2025).
5. https://metro-3d-line.medium.com/трэцяя-лінія-ідзе-на-поўнач-дзе-і-калі-зявяцца-новыя-станцыі-92a60a22cbd1