Камароўская (станцыя метро, Мінск)

Камароўская (трансліт.: Kamaroŭskaja) — запраектаваная станцыя трэцяй чаргі Зеленалужскай лініі Мінскага метрапалітэна, якую плануюць размясціць на скрыжаванні вуліц Максіма Багдановіча і Веры Харужай^[1][2].

Перспектывы будаўніцтва

«Камароўская» Kamaroŭskaja
Зеленалужская лінія
Мінскі метрапалітэн
Меркаваная дата адкрыцця:	2028
Ранейшыя назвы	Веры Харужай
Раён	Савецкі
Код станцыі	319
Суседнія станцыі	Парк Дружбы Народаў і Пярэспа

Зеленалужская лінія
умоўныя абазначэнні
Лагойская (праект) Зялёны Луг (праект) Івана Мележа (праект) Парк Дружбы Народаў (праект) Камароўская (праект) Пярэспа (праект) Прафсаюзная (праект) Юбілейная плошча Плошча Францішка Багушэвіча Вакзальная Кавальская Слабада Аэрадромная Немаршанскі Сад ЦЧ-3 «Слуцкае» Слуцкі Гасцінец

Назву станцыя атрымала ад гістарычна раёна Камароўка. Першапачатковая праектная назва — Веры Харужай. Увогуле трэцяя чарга Зеленалужскай лініі будзе складацца з 4 станцый: «Прафсаюзная», «Пярэспа», «Камароўская» і «Парк Дружбы Народаў». Паводле планаў, будаўніцтва павінна быць скончана да 2028-2029 года^[3].

Праект

Праект «Камароўскай» будзе нагадваць станцыі «Міхалова» і «Немаршанскі Сад», а таксама падобны на праекты «Прафсаюзнай» і «Пярэспы». Шматпавярховая, кампактная, эскалатары па цэнтры станцыі. Вестыбюль будзе таксама адзін. Праект спадабаўся метрабудаўнікам за сваю кампактнасць, адносную таннасць і хуткасць будаўніцтва. Глыбіня — таксама каля 12 метраў. Выхадаў з падземнага пераходу будзе чатыры — па аднаму на кожны з бакоў скрыжавання.

Станцыю пачнуць будаваць пасля праходкі тунэляў Парк Дружбы Народаў — Прафсаюзная^[4].

Зноскі

1. Мінгарвыканкам прысвоіў назвы станцыям трэцяй і чацвёртай ліній Мінскага метрапалітэна
2. Занько, Настасья. «Профсоюзная», «Вяснянка», «Друкарская». Мингорисполком утвердил названия станций третьей и четвертой линий метрополитена - Недвижимость Onlíner (руск.). Onlíner (30 ліпеня 2016). Праверана 21 жніўня 2023.
3. Третью ветку метро потянут к Бангалор. Стало известно, как будут выглядеть четыре новые станции (руск.). realt.by. Праверана 21 жніўня 2023.
4. Трэцяя Лінія ідзе на поўнач! Дзе і калі з’явяцца новыя станцыі? (англ.). Medium (20 сакавіка 2023). Праверана 21 жніўня 2023.