Радахразіт

Радахразі́т, марганцавы шпат^[2] — мінерал класа карбанатаў, карбанат марганцу, MnCO₃.

Радахразіт
Формула	MnCO3
Прымесь	Fe, Mg, Ca, Zn, Co
Статус IMA	approved mineral and/or valid name (A)[d][1]
Фізічныя ўласцівасці
Колер	ружовы, шаравата-белы, зеленавата-шэры, жаўтавата-шэры, белы
Колер рысы	белы
Бляск	шкляны з перламутравым адценнем
Празрыстасць	паўпразрысты да празрыстага
Цвёрдасць	3,5—4,5
Спайнасць	дасканалая па {1011}
Злом	ракавісты, няроўны
Шчыльнасць	3,7 г/см³
Сінгонія	трыганальная
Крышталічная рашотка	a = 4,777, c = 15,67
Аптычныя ўласцівасці
Паказчык пераламлення	nω = 1,81—1,816; nε = 1,596—1,598
Медыяфайлы на Вікісховішчы

Мае ў сабе да 61,7^[2] % аксіду марганцу, дамешкі жалеза, магнію, кальцыю, цынку, кобальту.

Уласцівасці

Крышталізуецца ў трыганальнай сінгоніі. Утварае зярністыя, агрэгаты ныркападобнай формы, зямлістыя масы, сфераліты, канкрэцыі, нацёчныя масы, даволі рэдка — ромбаэдрычныя крышталі. Колер ружовы, шаравата-белы, зеленавата-шэры, жаўтавата-шэры, белы. Паўпразрысты, часам да празрыстага. Бляск шкляны з перламутравым адлівам. Цвёрдасць 3,5—4,5^[3] па шкале Моаса. Шчыльнасць — 3,7 г/см³. Крохкі. У гарачай салянай кіслаце хутка раствараецца з бурным кіпеннем^[3].

Паходжанне і радовішчы

Мае асадкавае, гідратэрмальнае, кантактна-метасаматычнае паходжанне. На зямной паверхні даволі хутка пераходзіць у магматыт і піралюзіт^[3]. Радовішчы ў Германіі, Румыніі, Расіі (Заходняе Забайкалле), Францыі, ЗША, ПАР, таксама ў Крыме, Высокіх Пірынеях^[3].

Выкарыстоўваецца ў якасці дэкаратыўнага каменя і ў ювелірнай справе. Уваходзіць у склад марганцавых руд. У Манголіі гэты камень здабываецца ў чыстым ружовым колеры, носіць назву «камень кахання» і ім упрыгожаны Палац шлюбу ва Улан-Батары^[3].

Зноскі

1. International Mineralogical Association - Commission on new minerals, nomenclature and classification The IMA List of Minerals (February 2013) — 2013.

   <a href='https://wikidata.org/wiki/Track:Q26224004'></a><a href='https://wikidata.org/wiki/Track:Q13651104'></a>
2. БелЭн 2001.
3. Родохрозит // Каталог минералов (руск.)