Раўданы

Раўданы^[1], таксама Раўдоне (літ.: Raudonė) — мястэчка ў Літве, у Юрбаркаскім раёне Таўрагскага павета, на Нёмане ля вусця Раўдоны.

Хуткія факты Раўданы, Краіна ...

У 1337 годзе экспедыцыя тэўтонскіх братоў-рыцараў і крыжакоў пад камандаваннем багемскага караля Яна Сляпога і ніжнебаварскага герцага Генрыха XIV заснавала драўляна-земляны замак на Нёмане супроць рэшткаў Хрыстмемеля. У гонар герцага Генрыха замак назвалі па-нямецку Баербург (ням.: Bayerburg — замак баварцаў). Замак выкарыстоўвалі як ваенную базу і цэнтр забеспячэння экспедыцый у Літву або на поўнач у Жамойць.

У 1338 годзе замак беспаспяхова 22 дні трымаў у аблозе вялікі князь літоўскі Гедзімін. У 1341 годзе Гедзімін зноў аблажыў Баербург і памёр падчас гэтай аблогі. Паводле народнай легенды, дуб Гедзіміна ў парку вырас на месцы, дзе князь быў смяротна паранены. Пасля яго смерці сыны ўрэшце ўзялі Баербург.

У старабеларускай мове пісаўся як Равдоны^[1].

У XVI стагоддзі замак належаў вялікаму князю літоўскаму і польскаму каралю Жыгімонту II Аўгусту. Новы замак пабудаваны на руінах старога нямецкім рыцарам Геранімам Крышпін-Кіршэнштэйнам. З таго часу замак неаднаразова перабудоўваўся. У XVIII стагоддзі ўладальнікі маёнтка Раўданы шляхціцы Алендскія герба «Равіч» нанялі літоўскага архітэктара Лаўрына Гуцэвіча для рэканструкцыі замка.

Пасля трэцяга падзелу Рэчы Паспалітай у 1795 годзе ў складзе Расійскай імперыі.

Наступны ўладальнік, князь Платон Зубаў, атрымаў маёнтак у першай палове XIX стагоддзя і яго сям’я зноў перабудавала замак, наняўшы архітэктара Чэзарэ Анікіні (Cezaris Anikinis). Будынак набыў рысы псеўдагатычнай архітэктуры. Апошняй уладальніцай была Сафія Уоксел (Зубава) і яе партугальскі муж з Мадэйры, Хасэ Карлас дэ Фарыя і Кастра.

Гісторыя

У культуры

Крыніцы

Літаратура

Спасылкі

Wikiwand - on