Рыгор Васілевіч Канавалаў

У Вікіпедыі ёсць артыкулы пра іншых людзей з прозвішчам Канавалаў.

Рыгор Васі́левіч Канава́лаў (5 (18) жніўня 1912, в. Лагуны Гомельскага павета Магілёўскай губерні, цяпер Добрушскі раён Гомельскай вобласці — 22 красавіка 1979) — дзяржаўны дзеяч БССР.

Рыгор Васілевіч Канавалаў
Старшыня Дзяржаўнага камітэта па справах выдавецтваў, паліграфіі і кніжнага гандлю БССР 1963 — 1975
Кіраўнік урада	Ціхан Кісялёў
Нараджэнне	5 (18) жніўня 1912 Лагуны, Насовіцкая воласць[d], Гомельскі павет, Магілёўская губерня, Расійская імперыя
Смерць	22 красавіка 1979(1979-04-22) (66 гадоў)
Адукацыя	Камуністычны інстытут журналістыкі імя С. М. Кірава (1939) Вышэйшая партыйная школа пры ЦК КПСС (1956)
Узнагароды

Біяграфія

З сялян. Член КПСС (1938).

Скончыў Камуністычны інстытут журналістыкі імя Кірава ў Мінску (1939), ВПШ пры ЦК КПСС (1956).

Працаваў у газеце «Чырвоная Полаччына» (1933—1934), Дзяржаўным выдавецтве БССР (1938—1941). У Вялікую Айчынную вайну на Паўднёва-Заходнім, Сталінградскім, 1-м Украінскім франтах. З 1946 года ў апараце ЦК КПБ: інструктар, загадчык сектара, намеснік загадчыка аддзела прапаганды і агітацыі. З 1960 года намеснік старшыні Дзяржаўнага камітэта па радыёвяшчанні і тэлебачанні пры Савеце Міністраў БССР, з 1963 да 1975 года старшыня Дзяржаўнага камітэта Савета Міністраў БССР па друку.

Узнагароджаны 4 ордэнамі, медалямі.

Літаратура

• Канавалаў Рыгор Васілевіч // Беларуская Савецкая Энцыклапедыя. У 12 т. Т. 5. Зуйкі — Кішы / Рэдкал.: П. У. Броўка (гал. рэд.) і інш. — Мн.: БелСЭ, 1972. — С. 364. — 616 с.: іл., карты.

Спасылкі

• Інфармацыя з уліковай карткі ўзнагароджанага у электронным банку дакументаў «Подзвіг Народа»