Стаклішкі

Стаклішкі^[1], часам Ста́клішкес^[2] (літ.: Stakliškės) — вёска ў Прэнскім раёне Ковенскага павета Літвы. Цэнтр Стаклішкаўскай сянюніі. Месціцца на ўсход ад Прэнаў, на аўтамабільнай дарозе Прэны — Трокі.

Вёска Стаклішкі літ.: Stakliškės Герб Касцёл Краіна  Літва Павет Ковенскі Раён Прыенайскі Сянюнія Стаклішкаўская Каардынаты 54°35′30″ пн. ш. 24°19′10″ у. д.HGЯO Вышыня цэнтра 108 м Насельніцтва 747 чал. (2011) Часавы пояс UTC+2, летам UTC+3 Стаклішкі на карце Літвы

Медыяфайлы на Вікісховішчы

Гісторыя

Вялікае Княства Літоўскае

Гарадскі герб, 1792 г.

Першы пісьмовы ўспамін пра Стаклішкі датуецца 1375 годам. У 1413 годзе яны ўвайшлі ў склад Троцкага павета Троцкага ваяводства.

У 1513 годзе Стаклішкі сталі мястэчкам. У 1586 годзе тут збудавалі першы касцёл. 16 студзеня 1792 года кароль і вялікі князь Станіслаў Аўгуст Панятоўскі надаў Стаклішкам Магдэбургскае права і герб.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Стаклішкі апынуліся ў складзе Расійскай імперыі, у Троцкім павеце Віленскай губерні.

На 1866 год у Стаклішках было 272 будынкі.

Найноўшы час

Пасля польска-літоўскіх баёў і падпісання пагаднення паміж Польшчай і Літвой у 1919 годзе Стаклішкі апынуліся ў складзе Літвы. З 1940 года ў Літоўскай ССР. У часы Другой сусветнай вайны з чэрвеня 1941 да 1944 года мястэчка было пад акупацыяй Германіі.

Насельніцтва

• XIX стагоддзе: 1866 год — 1644 чал., з іх 936 каталікоў, 41 праваслаўны, 5 евангелістаў, 355 іўдзеяў і 7 мусульман^[3]

Дынаміка насельніцтва з 1738 па 2021
1738	1789	1833	1868*[4]	1897пер.	1901*[5]	1905[6]	1923пер.[7]	1959пер.[8]
17	63	336	1 305	2 200	1 869	2 570	1 787	1 690
1970пер.[9]	1979пер.[10]	1982[11]	1987[12]	1989пер.[13]	2001пер.[14]	2011пер.[15]	2021[16]	-
1 410	1 167	1 160	945	997	940	747	562	-
* гады выдання энцыклапедыі. Год, за які падаюцца звесткі, у энцыклапедыі не пазначаны.
Гістаграма дынамікі насельніцтва

Славутасці

Капліца

• Капліца
• Касцёл Найсвяцейшай Тройцы (1776) у стылі віленскага барока