Стараселле (Александрыйскі сельсавет)

У гэтага тапоніма ёсць і іншыя значэнні, гл. Стараселле.

Старасе́лле^[1] — аграгарадок у Шклоўскім раёне Магілёўскай вобласці Беларусі. Уваходзіць у склад Александрыйскага сельсавета.

Аграгарадок Стараселле Касцёл Найсвяцейшай Тройцы Краіна Беларусь Вобласць Магілёўская Раён Шклоўскі Сельсавет Александрыйскі Каардынаты 54°19′08″ пн. ш. 30°06′13″ у. д.HGЯO Насельніцтва 423 чалавекі (2010) Часавы пояс UTC+3 Тэлефонны код +375 2239 Паштовыя індэксы 213026 Аўтамабільны код 6 Стараселле Стараселле

Стараселле на Вікісховішчы

Геаграфія

Знаходзіцца за 19 (20^[1]) км на паўночны захад ад горада Шклоў, за 12^[1] км ад чыгуначнай станцыі Копысь, за 50^[1] км ад Магілёва; на аўтамабільнай дарозе Н11584, за 4 км ад аўтамабільнай дарогі Р76. Каля аграгарадка працякае рака Бярозаўка.

Гісторыя

Упершыню Стараселле згадваецца ў XVI стагоддзі як маёнтак у Аршанскім павеце Віцебскага ваяводства, уладанне Сапегаў. У 1606 годзе тут існаваў касцёл. 3 1656 года мясціна перайшла ў валоданне Нарушэвічаў, потым пратэстанцкай царквы. У Трынаццацігадовую вайну (1654—1667) мястэчка спалілі маскоўскія захопнікі.

Праект царквы

У выніку першага падзелу Рэчы Паспалітай (1772) Стараселле апынулася ў складзе Расійскай імперыі, у Аршанскім павеце Магілёўскай губерні. Тут працавала смалакурна-шкіпінарнае прадпрыемства (1859), дзейнічалі Траецкая царква і царкоўна-прыходская школа (1862). У 1868 годзе мястэчка было ў валоданні Л. Цітова; 2 крупадзёрныя, вінакурны і цагельны заводы, сукнавальня, 2 млыны, карчма. Станам на 1886 год — 33 двары, валасная і мяшчанская ўправы, 2 царквы, касцёл, сінагога, вадзяны млын, карчма, 11 крамаў, 2 кірмашы. На 1909  год — 88 двароў.

З 1919 года Стараселле ў Гомельскай, з 1920 года — у Віцебскай губерні, з 1924 года — у БССР, адміністрацыйны цэнтр Старасельскага сельсавета Копыскага, Талачынскага, Шклоўскага раёнаў^[1].

Да 2013 года Стараселле ўваходзіла ў склад Старасельскага сельсавета^[2], у 1924—1963 гадах яго цэнтр^[3].

Насельніцтва

• 1886 год — 242 жыхары, 33 двары^[1]
• 1909 год — 450 жыхароў, 88 двароў^[1]
• 2002 год — 478 жыхароў, 192 двары^[1]
• 2010 год — 423 жыхары

Славутасці

• Праваслаўная капліца на могілках.
• Старыя каталіцкія могілкі.
• Гарадзішча (1-е тысячагоддзе н.э.), на паўночна-ўсходняй ускраіне аграгарадка, на правым беразе р. Бярозаўка —  Гісторыка-культурная каштоўнасць Беларусі, шыфр 513В000648шыфр 513В000648.
• Курган (ІХ–ХІІ стагоддзі), 0,3 км на паўночны захад ад аграгарадка, на правым беразе р. Мар’янка —  Гісторыка-культурная каштоўнасць Беларусі, шыфр 513В000649шыфр 513В000649.
• Брацкая магіла (1944 год) —  Гісторыка-культурная каштоўнасць Беларусі, шыфр 513Д000579шыфр 513Д000579.

Страчаная спадчына

• Касцёл Найсвяцейшай Тройцы XVIII стагоддзя. Знішчаны савецкай уладай у 1939 годзе.
• Яўрэйскія могілкі.

Зноскі

1. БелЭн 2002.
2. Решение Могилевского областного Совета депутатов от 20 ноября 2013 г. № 23-1 Об изменении административно-территориального устройства некоторых административно-территориальных единиц Могилевской области(недаступная спасылка)
3. Рашэнне выканкома Магілёўскага абласнога (сельскага) Савета дэпутатаў працоўных ад 22 лістапада 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 6 (1046).