Сяргей Аляксандравіч Волкаў

У Вікіпедыі ёсць артыкулы пра іншых людзей з прозвішчам Волкаў.

Сяргей Волкаў (нар. 27 студзеня 1999) — беларускі футбаліст, паўабаронца казахстанскага клуба «Жэніс» з Астаны.

Сяргей Волкаў
Поўнае імя	Сяргей Аляксандравіч Волкаў
Нарадзіўся	27 студзеня 1999(1999-01-27)[1][2] (26 гадоў) Полацк, Віцебская вобласць, Беларусь[3]
Грамадзянства	Беларусь
Рост	183 см[4]
Вага	77 кг[4]
Пазіцыя	паўабаронца
Інфармацыя пра клуб
Клуб	Жэніс
Нумар	5
Клубная кар’ера[* 1]
2016—2020 Віцебск 45 (3) 2017 →  Орша 5 (0) 2021—2023 БАТЭ (Барысаў) 35 (1) 2022 →  Віцебск 28 (0) 2024— Жэніс (Астана)
Нацыянальная зборная[* 2]
2019—2020 Беларусь (да 21) 8 (0) 2020 Беларусь 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 лютага 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 20 лістапада 2020

Клубная кар’ера

Выхаванец полацкай ДЮСШ, пачынаў кар’еру ў «Віцебску», у 2016 годзе пачаў выступаць за дубль клуба. У ліпені 2017 года быў аддадзены ў арэнду ў «Оршу»^[5], дзе да канца сезона згуляў у пяці матчах Першай лігі. У снежні 2017 года вярнуўся ў «Віцебск».

У сезоне 2018 зноў стаў выступаць за дубль «Віцебска», а са жніўня 2018 года стаў трапляць у заяўку асноўнай каманды. Дэбютаваў у Вышэйшай лізе 30 верасня 2018 года ў матчы супраць «Тарпеда-БелАЗ» (0:2), выйшаўшы на замену ў канцы сустрэчы. У сезоне 2019 трывала прыцягваўся да асноўнай каманды, спачатку звычайна выхадзіў на замену, пазней стаў з’яўляцца і ў стартавым складзе.

У сезоне 2020 стаў адным з асноўных ігракоў віцебскага клуба. У ліпені 2020 года было абвешчана аб пераходзе Волкава ў барысаўскі БАТЭ, кантракт пачаў дзейнічаць з 1 студзеня 2021 года^[6]. Не здолеў замацавацца ў аснове барысаўчан, выкарыстоўваўся як ігрок ратацыі. У лютым 2022 года на правах арэнды вярнуўся ў «Віцебск»^[7]. Рэгулярна гуляў у стартавым складзе, але не выратаваў віцебскі клуб ад вылету ў Першую лігу.

У пачатку 2023 года, пасля вяртання з арэнды, стаў шукаць варыянты працягу кар’еры, аднак у выніку пачаў сезон у складзе БАТЭ. Пакінуў барысаўскі клуб у снежні 2023 года^[8].

У лютым 2024 года стаў іграком казахстанскага «Жэніса»^[9].

Міжнародная кар’ера

10 верасня 2019 года дэбютаваў у моладзевай зборнай Беларусі, калі выйшаў у стартавым складзе ў адборачным матчы чэмпіянату Еўропы супраць Партугаліі (0:2) і быў заменены ў другім тайме. У далейшым стаў трывала прыцягвацца да моладзевай зборнай.

26 лютага 2020 года дэбютаваў за нацыянальную зборную Беларусі ў таварыскім матчы супраць Балгарыі (1:0), выйшаўшы на замену ў другім тайме.

Дасягненні

• 02 Срэбраны прызёр чэмпіянату Беларусі: 2021
• Уладальнік Кубка Беларусі: 2021

Статыстыка выступленняў

Сезон	Дывізіён	Клуб	Краіна	Матчы	Галы
2016	дубль	Віцебск		22	6
2017 (1)	дубль	Віцебск		7	1
2017 (2)	Д2	Орша		5	0
2018	Д1	Віцебск		2	0
2019	Д1	Віцебск		17	1
2020	Д1	Віцебск		26	2
2021	Д1	БАТЭ		16	0
2022	Д1	Віцебск		28	0
2023	Д1	БАТЭ		19	1