Сяргей Валер’евіч Цвяцінскі

Сяргей Цвяцінскі (нар. 22 лютага 1984, Маладзечна) — беларускі футбаліст, абаронца.

Хуткія факты Сяргей Цвяцінскі, Поўнае імя ...

Выхаванец маладзечанскай ДЮСШ-2, у маладым узросце трапіў у структуру мінскага «Дынама». У 2004 годзе стаў іграком дэбютанта Вышэйшай лігі — мінскага МТЗ-РІПА, але на наступны год страціў месца ў аснове. У 2006—2008 гадах гуляў у Вышэйшай лізе за «Нафтан», «Смаргонь» і «Савіт».

У 2009 годзе разам з «Белшынай» выйграў Першую лігу, але сам не пайшоў на павышэнне, стаўшы іграком «Граніта». Пасля сезона ў «Гарадзеі» ў 2012 годзе стаў іграком «Слуцка». У 2013 годзе разам са слуцкім клубам перамог у Першай лізе, а з сезона 2014 у якасці асноўнага цэнтральнага абаронцы гуляў за «цукровых» у Вышэйшай лізе.

У студзені 2015 года падоўжыў кантракт са «Слуцкам»^[2]. Улетку 2015 года стаў капітанам каманды пасля таго, як Вячаслаў Грыгараў перайшоў на трэнерскую працу. Сезон 2016 таксама пачаў асноўным іграком случан, але ў чэрвені 2016 года разарваў кантракт са «Слуцкам»^[3].

У ліпені 2016 года папоўніў склад аўтсайдара латвійскай Вірслігі — клуба «Даўгаўпілс»^[4], які не здолеў выратаваць ад вылету ў другі дывізіён. У лютым 2017 года далучыўся да мінскага «Тарпеда» і неўзабаве падпісаў кантракт з клубам^[5].

У студзені 2018 года пакінуў сталічную каманду^[6] і неўзабаве перайшоў у «Ліду»^[7], дзе замацаваўся ў аснове.

У студзені 2019 года стаў іграком жыткавіцкага ЮАС^[8], аднак ужо ў сакавіку пакінуў клуб і далучыўся да «Маладзечна». У чэрвені 2019 года перабраўся ў «Андэрдог», але не згуляў за яго і хутка вярнуўся ў маладзечанскую каманду. У ліпені 2019 года стаў іграком «Смаргоні»^[9], дзе рэгулярна гуляў у аснове.

У студзені 2020 года па справе аб дагаварных матчах быў дыскваліфікаваны АБФФ на адзін год^[10]. У ліпені 2020 года па выніках крымінальнай справы быў прысуджаны да 1 года выпраўленчых работ^[11].

Сяргей Валер’евіч Цвяцінскі

Клубная кар’ера

Міжнародная кар’ера

Дасягненні

Крыніцы

Спасылкі

Wikiwand - on