Тумінічы

Ту́мінічы^[3] (трансліт.: Tuminičy, руск.: Туминичи) — вёска ў Аршанскім раёне Віцебскай вобласці. Уваходзіць у склад Зубрэвіцкага сельсавета.

Вёска Тумінічы Краіна Беларусь Вобласць Віцебская Раён Аршанскі Сельсавет Зубрэвіцкі Каардынаты 54°27′ пн. ш. 30°11′ у. д.HGЯO Насельніцтва ▼107 чал. (2009) Часавы пояс UTC+3 Тэлефонны код +375 216[1] Паштовы індэкс 211007[2] Аўтамабільны код 2 Тумінічы Тумінічы

Гісторыя

Згадваецца ў 1643 як вёска ў складзе Шклоўскай воласці ў Аршанскім павеце Вялікага Княства Літоўскага^[4]. З 1772 г. у складзе Баранскай воласці Аршанскага павета Магілёўскай губерні^[5]. Затым у складзе Беларускай і Віцебскай губерняў Расійскай імперыі.

У пачатку ХХ стагоддзя ў складзе Коханаўскай воласці Аршанскага павета. У гэты час у Тумінічах налічвалася 28 двароў і 246 жыхароў, вёсцы належала 207 дзесяцін зямлі. У 1923 годзе у населенным пункце пражывала 420 жыхароў. У 1924—28 гадах — цэнтр сельсавета. У 1938 годзе ў вёску сселены хутар Русанаў. У 1979 годзе з Тумінічамі злілася вёска Аляксандрава. Па стане на 1 студзеня 1998 года ў Тумінічах налічвалася 80 двароў і 147 жыхароў. Каля вёскі знаходзяцца археалагічныя помнікі: два курганныя могільнікі (па два насыпы), якія ў 1981 годзе выявіў і абследаваў Міхаіл Іванавіч Лашанкоў. Па стане на 1 студзеня 1998 года — 37 двароў і 60 жыхароў^[6].

Да 27 снежня 1962 года вёска ўваходзіла ў склад Тумініцкага сельсавета^[7], дзе ў 1924—1928 гадах з’яўлялася яго цэнтрам. Да 22 студзеня 1963 года вёска знаходзілася ў адміністрацыйным падпарадкаванні Баранскага пассавета^[8], да 8 красавіка 2004 года ўваходзіла ў склад Першамайскага сельсавета^[9].

Зноскі

1. Белтэлекам (руск.)
2. Белпошта (руск.)
3. Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).. Сустракаецца таксама варыянт Тумі́нічы
4. Biblioteka Czartoryskich w Krakowie, sygn. 9233, ark. 151.
5. Списки землевладельцев и имений Могилевской губернии. Форум. (руск.)
6. Памяць. Гісторыка-дакументальная хроніка Оршы і Аршанскага раёна. У 2 кнігах. Кн.2. Мінск: Беларуская Энцыклапедыя, 2000. C.518. ISBN 985-11-0170-2.
7. Рашэнне выканкома Віцебскага абласнога Савета дэпутатаў працоўных ад 27 снежня 1962 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 9 (1009).
8. Рашэнне выканкома Віцебскага абласнога (сельскага) Савета дэпутатаў працоўных ад 22 студзеня 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 9 (1009).
9. Решение Витебского областного Совета депутатов от 8 апреля 2004 г. № 55 Об изменении административно-территориального устройства районов Витебской области Архівавана 5 кастрычніка 2021.