Ілья Сяргеевіч Галюза
украінскі футбаліст From Wikipedia, the free encyclopedia
Remove ads
Ілья Галюза (нар. 16 лістапада 1979, Архангельск, РСФСР) — украінскі футбаліст, паўабаронца.
Малодшы брат Ільі, Сяргей Галюза, таксама з’яўляецца прафесійным футбалістам. З 2008 па 2014 год браты праводзілі штогадовы дзіцячы турнір па футболе «Кубак мары»[3].
Remove ads
Клубная кар’ера
Выхаванец дзіцячай школы луганскай «Зары». Першыя трэнеры — Аляксандр Шакун і Валерый Галустаў[4].
Пачаў кар’еру ў «Зары», пазней перайшоў у адэскі «Чарнаморац». З 2003 па 2005 (з невялікім перапынкам) гуляў у чэмпіянаце Беларусі за магілёўскі «Дняпро-Трансмаш».
У 2006 годзе выступаў за літоўскі «Шаўляй». У складзе каманды забіў у чэмпіянаце Літвы 16 мячоў, стаў другім бамбардзірам першынства, стаў лепшым асістэнтам A Лігі і быў прызнаны лепшым легіянерам па версіі сайта Futbolas.lt.
«Таўрыя»
З сярэдзіны сезону 2006/07 выступаў за сімферопальскую «Таўрыю». Разам з камандай стаў уладальнікам Кубка Украіны 2009/10. Усяго за «Таўрыю» ў чэмпіянаце Украіны правёў 123 матчы і забіў 6 мячоў. Пасля таго як віцэ-прэзідэнтам «Таўрыі» стаў Дзмітрый Сялюк Галюза разарваў кантракт з клубам і пакінуў яго ў статусе свабоднага агента[5].
«Зара»
У сярэдзіне сезону 2011/12 падпісаў двухгадовы кантракт з луганскай «Зарой»[6]. У снежні 2013 года пакінуў луганскі клуб[7].
«Шахцёр»
У сакавіку 2014 года пасля прагляду падпісаў кантракт з салігорскім «Шахцёрам»[8]. У салігорскім клубе замацаваўся ў якасці асноўнага апорнага паўабаронцы. Па выніках сезону 2014 быў прызнаны аматарамі «Шахцёра» лепшым іграком каманды[9].
У студзені 2015 года стала вядома, што Ілья пакіне «Шахцёр»[10]. 27 студзеня было афіцыйна абвешчана аб раставанні з гарнякамі[11].
«Белшына»
У сакавіку 2015 года прыбыў на прагляд у бабруйскую «Белшыну»[12] і ў выніку пачаў сезон 2015 у складзе гэтага клуба. У сезоне 2015 перастаў лічыцца легіянерам у чэмпіянаце Беларусі[13]. Здолеў замацавацца на пазіцыі атакуючага паўабаронцы, стаў адным з лідараў каманды, якой дапамог заняць высокае чацвёртае месца ў чэмпіянаце Беларусі 2015.
У студзені 2016 года стала вядома, што новае кіраўніцтва «Белшыны» не будзе падаўжаць кантракт з большай часткай ігракоў, у тым ліку і Галюзам[14].
«Дняпро»
У лютым 2016 года Ілья стаў трэніравацца разам з магілёўскім «Дняпро» і неўзабаве падпісаў кантракт з клубам[15]. У «Дняпро» Галюза стаў капітанам каманды і дапамог ёй па выніках сезону 2016 вярнуцца ў Вышэйшую лігу, аднак сам пакінуў каманду.
У студзені 2018 года, завяршыўшы кар’еру, стаў працаваць дзіцячым трэнерам у структуры магілёўскага клуба[16].
Remove ads
Дасягненні
Уладальнік Кубка Украіны: 2010
Бронзавы прызёр чэмпіянату Беларусі: 2014- Уладальнік Кубка Беларусі: 2014
Крыніцы
Wikiwand - on
Seamless Wikipedia browsing. On steroids.
Remove ads