Бальзамін

Бальзамі́н^[1][2] (Impatiens) — род кветкавых раслін сямейства Бальзамінавыя (Balsaminaceae).

Бальзамін
Бальзамін дробнакветны (Impatiens parviflora)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Бальзамінавыя Род:  Бальзамін
Міжнародная навуковая назва
Impatiens L., 1753
Сістэматыка на Віківідах Выявы на Вікісховішчы ITIS   29181 NCBI   35939 EOL   61712 IPNI   325983-2

Батанічнае апісанне

Бальзамін звычайны (Impatiens noli-tangere)Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Аднагадовыя і шматгадовыя травяністыя расліны. Сцябло сакаўное, паўпразрыстае, зеленаватага, часам чырванаватага колеру. Карані валасістыя. Лісце простае, тонкае, авальнай формы, з зубчастым краем, без прылісткаў. Кветкі ярка афарбаваныя, са шпоркай і буйным пярэднім пялёсткам. Плод — сакаўная шматнасенная каробачка, якая пасля высыхання рассыпаецца нават пры нязначным дотыку ці страсенні.

Распаўсюджанне

Расліны роду сустракаюцца ў трапічных зонах Азіі і Афрыкі, радзей — на тэрыторыі Еўропы і Амерыкі.

Віды

Род налічвае больш за 400 відаў (487 відаў^[3]). Некаторыя з іх:

• Impatiens balsamina L., 1753 — Бальзамін бальзамінавы, ці Бальзамін садовы
• Impatiens noli-tangere L., 1753 — Бальзамін звычайны, ці Бальзамін, ці Бальсаміна, ці Пстрыкаўка, ці Прыгаўка, ці Бельсаміна, ці Бельсаміна лесаваяtypus
• Impatiens parviflora DC., 1824 — Бальзамін дробнакветны, ці Бальзамін дробнакветкавы
• Impatiens walleriana Hook.f., 1868 — Бальзамін Уолера, ці Ванька мокры

Выкарыстанне

Лекавыя, фарбавальныя і дэкаратыўныя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 68. — 160 с. — 2 350 экз.
2. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
3. Impatiens Архівавана 6 верасня 2017. (англ.) // The Plant List