Віталь Аляксандравіч Дрожжа

Віта́ль Алякса́ндравіч Дро́жжа (нар. 1978, Карэлічы Гродзенскай вобласці) — беларускі дзяржаўны дзеяч, міністр лясной гаспадаркі Рэспублікі Беларусь (2018—2022).

Віталь Дрожжа
Міністр лясной гаспадаркі Рэспублікі Беларусь 5 красавіка 2018 — 5 мая 2022
Прэзідэнт	Аляксандр Лукашэнка
Кіраўнік урада	Андрэй Кабякоў Сяргей Румас Раман Галоўчанка
Папярэднік	Міхаіл Амельяновіч
Пераемнік	Аляксандр Кулік
Нараджэнне	20 чэрвеня 1978(1978-06-20) (47 гадоў) Карэлічы, Карэліцкі раён, Гродзенская вобласць, Беларуская ССР, СССР
Адукацыя	Беларускі дзяржаўны тэхналагічны ўніверсітэт (2000) Акадэмія кіравання пры Прэзідэнце Рэспублікі Беларусь (2011)
Месца працы	Браслаўскія азёры (нацыянальны парк)

Біяграфія

У 2000 годзе скончыў Беларускі дзяржаўны тэхналагічны ўніверсітэт, у 2011 годзе — Акадэмію кіравання пры Прэзідэнце Рэспублікі Беларусь.

Працоўную дзейнасць Віталь Дрожжа пачынаў у Лагойскім лясгасе на пасадзе рабочага.

У 2000—2001 гадах служыў у органах унутраных спраў.

2001—2006 — ляснічы Чырвона-Швабскага лясніцтва Лагойскага лясгаса.

2006—2008 — галоўны інспектар аддзела кантрольна-рэвізійнай работы і дзяржаўнага кантролю за лесам Міністэрства лясной гаспадаркі Беларусі.

2008—2013 — дырэктар Бабруйскага лясгаса Магілёўскай вобласці.

З 2013 года — генеральны дырэктар дзяржаўнай прыродаахоўнай установы «Нацыянальны парк „Браслаўскія азёры“».

12 красавіка 2018 года ўказам прэзідэнта Рэспублікі Беларусь прызначаны міністрам лясной гаспадаркі Рэспублікі Беларусь.

5 мая 2022 Аляксандр Лукашэнка звольніў міністра лясной гаспадаркі Віталя Дрожжу «ў сувязі са здзяйсненнем правіны, несумяшчальнай са знаходжаннем на дзяржаўнай службе»^[1]. 25 красавіка паведамлялася пра затрыманне міністра супрацоўнікамі ГУБАЗіК^[2].

Судовая калегія па крымінальных справах Мінскага гарадскога суда за атрыманне хабару ў асабліва буйным памеры асудзіла яго да 7 гадоў 6 месяцаў калоніі ўзмоцненага рэжыму. Разам з тым да яго прымянілі амністыю, вызваліўшы на 1 год ад пазбаўлення свабоды^[3].

У верасні 2023 года з’явілася інфармацыя, што Віталь Дрожжа выйшаў на волю. Неўзабаве стала вядома, што ён узначаліў лесапаляўнічую гаспадарку «Выганаўскае» ў Белавежскай пушчы^[4].

Зноскі

1. Лукашэнка звольніў міністра лясной гаспадаркі Дрожжу (нявызн.). Еўрапейскае радыё для Беларусі.
2. Затрыманы міністр лясной гаспадаркі? (нявызн.). Еўрапейскае радыё для Беларусі.
3. Экс-министр лесного хозяйства Виталий Дрожжа приговорен к 7,5 года колонии (руск.)  (нявызн.) ?. www.belta.by (12 студзеня 2023). Праверана 14 кастрычніка 2023.
4. Досрочно освобожденного экс-министра Дрожжу отправили работать в топкие болота (руск.). Reform.news (9 лістапада 2023).