Прэзідэнцкія выбары ў Малдове (2020)

Чарговыя прэзідэнцкія выбары 2020 года ў Рэспубліцы Малдова адбыліся 1 лістапада (першы тур; паколькі ні адзін з кандыдатаў не атрымаў у ім больш за 50 % галасоў — 15 лістапада быў праведзены другі тур)^[1]. Гэта чацвёртыя прамыя выбары Прэзідэнта Малдовы за ўсю гісторыю незалежнасці Рэспублікі Малдова.

< 2016   2024 >
Прэзідэнцкія выбары ў Малдове

1 лістапада 2020 (першы тур) 15 лістапада 2020 (другі тур)
Яўка:	42,76% (першы тур) 52,78% (другі тур)
Кандыдат:	Мая Санду	Ігар Дадон
Партыя:	Дзеянне і салідарнасць	беспартыйны, падтрыманы ПСРМ
Галасоў у першым туры:	487 635 (36,16 %)	439 866 (32,61 %)
Галасоў у другім туры:	943 006 (57,72 %)	690 615 (42,28 %)
Вынікі другога тура паводле тэрытарыяльных выбарчых камісій.
Вынік выбараў:	Мая Санду здабыла перамогу ў другім туры

У снежні 2019 года Прэзідэнт Рэспублікі Малдова Ігар Дадон прапанаваў прызначыць выбары прэзідэнта Рэспублікі Малдова на 8 лістапада 2020 года. Адначасова ён заявіў, што яшчэ не прыняў рашэння балатавацца на наступны тэрмін. Тым не менш, Партыя сацыялістаў Рэспублікі Малдова (ПСРМ) ужо заявіла аб падтрымцы яго кандыдатуры. 11 мая 2020 года Дадон прапанаваў правесці прэзідэнцкія выбары 1 лістапада^[2][3]. Пазней Парламент Рэспублікі Малдова зацвердзіў 1 лістапада датай выбараў прэзідэнта ў 2020 годзе^[4].

Вылучаныя кандыдаты

1 сакавіка 2020 года Партыя «Платформа Годнасць і праўда» вылучыла Андрэя Нэстасэ кандыдатам у прэзідэнты на будучых усенародных выбарах^[5].

29 чэрвеня 2020 года было афіцыйна абвешчана, што экс-генеральны прымар (мэр) сталіцы і дзеючы лідар Ліберальнай партыі Дарын Кіртаакэ будзе балатавацца на прэзідэнцкіх выбарах 2020 года ад палітычнага руху «UNIREA»^[6].

18 ліпеня 2020 года партыя «Дзеянне і салідарнасць» вылучыла Маю Санду кандыдатам у прэзідэнты на будучых выбарах^[7].

25 ліпеня 2020 года Партыя нацыянальнага адзінства вылучыла Актавіяна Цыку кандыдатам у прэзідэнты на наступных выбарах^[8].

27 жніўня 2020 года было абвешчана, што кандыдатам на пасаду прэзідэнта стаў лідар «Нашай партыі» Рэната Вусаты^[9].

28 жніўня 2020 года Ліберал-дэмакратычная партыя Малдовы вылучыла Тудара Дэліу кандыдатам у прэзідэнты на наступных усенародных выбарах^[10].

1 верасня 2020 года Партыя «Пра-Малдова» вылучыла Андрыяна Канду кандыдатам у прэзідэнты на будучых прэзідэнцкіх выбарах^[11].

6 верасня 2020 года партыя «Шор» вылучыла Віялету Іваноў кандыдатам у прэзідэнты на асенніх усеагульных выбарах^[12].

9 верасня 2020 года дзеючы прэзідэнт Ігар Дадон абвясціў аб сваім рашэнні ўдзельнічаць у выбарах у якасці незалежнага кандыдата пры падтрымцы ПСРМ^[13].

Зарэгістраваныя кандыдаты

• Мая Санду — кандыдат партыі «Дзеянне і салідарнасць»
• Ігар Дадон — незалежны кандыдат (падтрымліваецца ПСРМ)
• Рэната Вусаты — кандыдат «Нашай партыі»
• Андрэй Нэстасэ — кандыдат Партыі «Платформа Годнасць і Праўда»
• Віялета Іваноў — кандыдат партыі «Шор»
• Тудар Дэліу — кандыдат Ліберал-дэмакратычнай партыі Малдовы
• Актавіян Цыку — кандыдат Партыі нацыянальнага адзінства
• Дарын Кіртаакэ — кандыдат Выбарчага блока «UNIREA»

Сацыялагічныя апытанні

Перыяд правядзення	Арганізацыя	Ігар Дадон	Мая Санду	Рэната Вусаты	Андрэй Нэстасэ	Віялета Іваноў [заўв 1]	Актавіян Цыку	Разрыў
1 лістапада 2020	Прэзідэнцкія выбары ў Малдове (2020)
2-9 кастрычніка 2020	Intellect Group	32,0	18,6	6,2	8,9	5,2	1,9	13,4
21 верасня-3 кастрычніка 2020	iData	38,2	29,7	12,8	4,7	8,4	1,7	8,5
6-22 верасня 2020	ASDM	41,6	26,0	9,0	9,2	7,4	1,9	15,6
16 ліпеня-23 жніўня 2020	IRI	27,3	30,3	10,6	4,5	3,0	1,5	3,0
5-20 жніўня 2020	ASDM	43,3	26,9	7,2	5,3	5,9	1,5	16,4
14-24 ліпеня 2020	ASDM	46,1	25,5	6,8	10,0		1,5	20,6
14-27 чэрвеня 2020	IMAS	36,3	27,7	11,0	4,0		3,2	8,6
13-23 чэрвеня 2020	BOP	22,4	11,0	2,4	1,3	1,5		11,4

Вынікі

Вынікі прэзідэнцкіх выбараў у Малдове 2020 года. На левай карце паказаны пераможца першага тура па тэрытарыяльных выбарчых камісіях. Правая карта паказвае пераможцу другога тура па тэрытарыяльных выбарчых камісіях

Кандыдат		Суб’ект вылучэння	Першы тур		Другі тур
			Галасоў	%	Галасоў	%
	Мая Санду	Партыя «Дзеянне і салідарнасць»	487 635	36,16	943 006	57,72
	Ігар Дадон	Партыя сацыялістаў	439 866	32,61	690615	42,28
	Рэната Вусаты	Наша партыя	227 939	16,90
	Віялета Іваноў	ШОР	87 542	6,49
	Андрэй Нэстасэ	Платформа «Годнасць і праўда»	43 924	3,26
	Актавіян Цыку	Партыя нацыянальнага адзінства	27 170	2,01
	Тудар Дэліу	Ліберал-дэмакратычная партыя Малдовы	18 486	1,37
	Дарын Кіртаакэ	Саюзны палітычны рух	16 157	1,20
Агулам			1 348 719	100,00	1 633 621	100,00
Сапраўдных бюлетэняў			1 348 719	98,55	1 633 621	98,76
Несапраўдных бюлетэняў			19 797	1,45	20 529	1,24
Агулам бюлетэняў			1 368 516	100,00	1 654 150	100,00
Яўка выбаршчыкаў			2 995 891	45,68	3 135 474	52,76

Заўвагі

1. Ва ўсіх апытаннях згадваліся або Ілан Шор, або кандыдат ад Палітычнай Партыі «ШОР»