Jan Lammers
From Wikipedia, the free encyclopedia
Remove ads
Johannes "Jan" Lammers nado en Zandvoort o 2 de xuño de 1956 é un piloto de carreiras e director de equipo dos Países Baixos. En 1979, Lammers fixo o seu debut na Fórmula 1 pilotando para Shadow trasladouse a ATS en 1980. Pasou a Ensign a metade da tempada, pero reincorporouse a ATS para catro carreiras en 1981. Uniuse a Theodore en 1982. Dez anos máis tarde regresou á Fórmula 1 nas dúas últimas carreiras da tempada de 1992.
Gañou as 24 Horas de Le Mans de 1988 e participou máis adiante na carreira co seu propio equipo Racing for Holland. Tamén foi o piloto principal do equipo Dutch A1 Grand Prix team.
Remove ads
Primeiros anos
Lammers creceu de neno lavando coches nunha escola de derrapes en Zandvoort. Aos 12 anos de idade, comezou a mostrar aos clientes como derrapar con seguridade, alentado polo propietario da escola de derrapes e piloto de carreiras Rob Slotemaker que rapidamente recoñeceu o talento de Lammers. Cando tiña 16 anos, participou na súa primeira carreira na pista de carreiras local. Nos anos seguintes protagonizó carreiras de coches de turismo holandesas e na Fórmula Ford antes de subir á Fórmula 3 en 1977. Non obtivo bos resultados co seu Hawke e para a súa segunda tempada uniuse a Racing Team Holland dirixido por Alan Docking.[1] Os outros pilotos do equipo foron futuros compañeiros na Fórmula 1 Huub Rothengatter e máis tarde o gañador das 500 Millas de Indianápolis Arie Luyendijk. Foi unha decisión exitosa, xa que Lammers gañou o Campionato de Fórmula 3 de 1978 logo dunha estreita batalla co sueco Anders Olofsson.[2]
Remove ads
Carreira
Fórmula Un e CART
Lammers comezou a súa carreira na Fórmula 1 con Shadow Racing Team en 1979 con Elio de Angelis como o seu compañeiro de equipo. Non tivo un gran debut xa que de Angelis era o piloto número un do equipo. O seu mellor resultado foi un noveno lugar en Canadá.
.jpg)
En 1980 trasladouse ao equipo ATS de Günther Schmidt. Nas tres primeiras carreiras non puido cualificarse, pero no Gran Premio dos Estados Unidos de 1980, en Long Beach, cualificou nun gran cuarto posto. Este sería o punto culminante da súa carreira na F1. Máis tarde ese ano trasladouse ao equipo Ensign Team pero alí só logrou cualificar tres veces. En 1981 regresou a ATS, pero só correu as primeiras catro carreiras do ano. En 1982, trasladouse a Theodore, pero a súa tempada foi un desastre. Amañouse para comezar na súa carreira de casa. Non logrou ningún punto de campionato durante a súa carreira na F1.
En 1985 e 1986, Lammers disputou 10 carreiras da Serie Mundial de Champ Car para catro equipos diferentes. O seu mellor final foi quinto no circuíto de Laguna Seca en 1985 para Forsythe Racing. Intentouno nas 500 Millas de Indianápolis de 1986, pero non cualificou. Terminou 26º e 22º nas súas dúas tempadas, respectivamente. Logo diso, volveu a súa atención ás carreiras de autos deportivos.
Le Mans
En 1988, Lammers, xunto con Andy Wallace e Johnny Dumfries, gañou Le Mans co equipo Silk Cut Jaguar/TWR. Lammers pilotou 13 das 24 horas, e venceu ao equipo Porsche que se mantiña invicto desde 1981. Lammers e o equipo lograron terminar primeiros malia ter a caixa de cambios rota. Foi a primeira vitoria de Jaguar desde 1957.
Por esta fazaña, Jan Lammers recibiu o título Membro honorario do BRDC, un título rara vez outorgado aos residentes non británicos. Enzo Ferrari e Juan Manuel Fangio tamén recibiron o premio.
En 1990 Lammers gañou a 24 Horas de Daytona pilotando un Jaguar XJR-12 xunto con Davy Jones e Andy Wallace.
Lammers regresou ás 24 horas de Le Mans en 2011 con Hope Racing na categoría LMP1.
Regreso á Fórmula Un
En 1992, Lammers regresou para disputar dúas carreiras na Fórmula Un para March, en Xapón e Australia. Estas carreiras marcaron a súa primeira aparición na Fórmula Un desde 1982, que é a diferenza máis longa entre sucesivos Grandes Premios da historia da Fórmula Un. Renovou co equipo para 1993 xunto ao piloto francés Jean-Marc Gounon pero o equipo declarouse en bancarrota antes de que comezase a tempada.[3]
BTCC
En 1994, Lammers uniuse a TWR para competir no British Touring Car Championship (BTCC) pilotando un Volvo 850.
Director de Equipo
En 1999 Jan Lammers fundou o seu propio equipo, Racing for Holland. Competiu no Campionato da FIA Sportscar xunto co seu compañeiro de equipo e alumno Val Hillebrand. En 2002 e 2003 gañou os FIA Awards polos seus campionatos do mundo na serie de Sportscar.
Desde xaneiro de 2005, Jan Lammers dirixiu o equipo holandés A1 Grandprix team nas series A1 Grand Prix, con pilotos como Jos Verstappen (2005/6), Jeroen Bleekemolen e Renger van der Zande(2006/7).
Lammers participou nas tres carreiras do Grand Prix Masters. Un sétimo lugar na carreira de Qatar foi o seu mellor resultado.
Remove ads
Rexistro de carreiras
Resultados Completos na Fórmula Un
(Chave) As carreiras en letra grosa indican pole position; as carreiras en cursiva indican volta rápida.
Resultados nas 24 Horas de Le Mans
24 Horas de Daytona
(clave)
PPG Indycar Series
(clave) (Carreiras en grosa indican pole position)
Resultados completos do campionato de Europa de Fórmula 2
(clave) (Carreiras en grosa indican pole position; carreiras en cursiva indica volta rápida)
Resultados completos na Fórmula 3000 Internacional
(clave) (Carreiras en grosa indica pole position; carreiras en cursiva indican volta rápida.)
Resultados completos da Fórmula 3000 do Xapón
(clave) (Carreiras en grosa indican pole position) (Carreiras en cursiva indican volta rápida)
Resultados completos no campionato británico de Touring Car
(clave) (Carreiras en grosa indican pole position) (Carreiras en cursiva indican volta rápida)
Remove ads
Notas
Véxase tamén
Wikiwand - on
Seamless Wikipedia browsing. On steroids.
Remove ads