Tamar Novas

Tamar Novas Pita, nado en Santiago de Compostela o 3 de outubro de 1986, é un actor galego.

Tamar Novas

(2025)
Biografía
Nacemento	(es) Tamar Novas Pita 3 de outubro de 1986 (38 anos) Santiago de Compostela, España
Actividade
Ocupación	actor
Período de actividade	1999 -
Profesores	Juan Carlos Corazza
Familia
Parella	Belén Cuesta
Premios
(2023)  Premio Mestre Mateo á mellor interpretación masculina protagonista, premiado polo traballo Salta! (2022)  Premio Mestre Mateo á mellor interpretación masculina protagonista, premiado polo traballo O corpo aberto (2005)  Premio Goya ó mellor actor revelación, premiado polo traballo Mar adentro

Traxectoria

A súa familia é de Figueiroa (Arzúa) e Melide^[1]. Estudou Ciencias da Comunicación na Universidade de Santiago de Compostela.

A súa primeira experiencia interpretativa foi no ano 1999, na película A lingua das bolboretas, ás ordes de José Luis Cuerda. Pero o verdadeiro éxito e recoñecemento chegaríalle en 2004, da man de Alejandro Amenábar e a súa película Mar adentro. O seu papel nesta cinta, o de sobriño de Ramón Sampedro, valeulle un Premio Goya ó Mellor Actor Revelación, así coma o premio da Unión de Actores na mesma categoría.

A raíz da popularidade adquirida grazas a Mar adentro fixo un cameo na popular serie Siete Vidas (Telecinco) e máis recentemente fixo outra aparición capitular en Mesa para cinco (La Sexta). Tamén formou parte do elenco principal da primeira temporada da serie da TVG A vida por diante.

En 2008 colaborou nas serie Cuenta Atrás (Cuatro) e La Señora (TVE), participando en varios episodios desta última.

En 2009 rodouse a película Los abrazos rotos, protagonizada por Penélope Cruz e dirixida por Pedro Almodóvar, na que interveu.

En 2010 participou na segunda tempada de Acusados (Telecinco), no papel de Jaime Holgado.

Vida persoal

Vive en Madrid desde mediados da década dos 2000^[1].

Desde o ano 2012 é a parella da actriz Belén Cuesta, a quen coñeceu durante a rodaxe de Bandolera^[2].

Filmografía

Cine

• A lingua das bolboretas (José Luis Cuerda, 1999). Como Roque.
• Mar Adentro (Alejandro Amenábar, 2004). Como Javi.
• Retrato (Jairo Iglesias, 2005). Como Óscar.
• Los fantasmas de Goya (Miloš Forman, 2006). Como Aprendiz 1.
• Una mujer invisible (Gerardo Herrero, 2007). Como Javier.
• ¡Maldito bastardo! (Javi Camino, 2008). Como Fonsiño.
• Los abrazos rotos (Pedro Almodóvar, 2009). Como Diego.
• A cicatriz branca (Margarita Ledo, 2013).
• La playa de los ahogados (Gerardo Herrero, 2014). Como Carpinteiro.
• Elisa e Marcela (Isabel Coixet, 2019). Como Andrés.
• Quen a ferro mata (Paco Plaza, 2019). Como Mario.
• El asesino de los caprichos (Gerardo Herrero, 2019). Como Iván Santaolalla.
• Salta! (Olga Osorio, 2023). Como Óscar.

Televisión

Fixo

• A vida por diante (2006-2007). TVG. Como Quique Beiro.
• La ira (2009). Telefilme - Telecinco. como Julián.
• Acusados (2010). Telecinco. Como Jaime Holgado.
• Bandolera (2012). Antena 3. Como Alejandro de la Serna.
• La memoria del agua (2012). La 1. Como Lucas.
• Códice (2014). Miniserie TVG. Como Esteban.
• Carlos, rey emperador (2015-2016). Como Xoán III de Portugal.
• La zona (2017). Movistar+. Como Ricardo.
• Fariña (2018). Antena 3. Como Roque.
• Allí abajo (2018). Antena 3. Como Yago Castro.
• Alta mar (2019). Netflix. Como Sebastián de la Cuesta.
• Veneno (2020). Atresmedia. Como Miguel.
• A desorde que deixas (2020). Netflix. Como Germán.
• Clanes (2024). Netflix. Como Daniel Padín.

Episódico

• 7 vidas (2004). Telecinco. Como Adolfo 'Fito'.
• Mesa para cinco (2006). La Sexta. Como Nacho.
• La Señora (2008). TVE. Como Fernando.
• Cuenta atrás (2008). Cuatro. Como Iván Iglesias.
• El ministerio del tiempo (2017). TVE. Como Gustavo Adolfo Bécquer.
• Apaches (2017). Antena 3. Como El Flaco.

Premios e nomeamentos

Premios Goya

Ano	Categoría	Filme	Resultado
2004	Mellor actor revelación	Mar adentro	Gañador

Premios da Unión de Actores

Ano	Categoría	Filme	Resultado
2004	Mellor actor revelación	Mar adentro	Gañador

Premios Mestre Mateo

Ano	Categoría	Filme	Resultado
2020	Mellor interpretación masculina secundaria	A desorde que deixas	Nomeado
2023	Mellor interpretación masculina	O corpo aberto	Gañador
2024	Mellor interpretación masculina	Salta!	Gañador[3]

Festival Internacional de Cine de Venecia

Ano	Categoría	Película	Resultado
2004	Copa Volpi ó mellor actor	Mar adentro	Candidato

Festival Internacional de Cine de Cannes

Ano	Categoría	Película	Resultado
2009	Premio de interpretación masculina ó mellor actor	Los abrazos rotos	Candidato