រដ្ឋសភាកម្ពុជា

រដ្ឋសភានៃព្រះរាជាណាចក្រកម្ពុជា គឺជាសភាជាន់ទាប នៃសភាតំណាងរាស្រ្ត ដែលមានសមាជិកចំនួន ១២៥ រូប ជ្រើសតាំងតាមប្រព័ន្ធសមាមាត្រ ដោយការបោះឆ្នោតជាសកល។ សមាជិករដ្ឋសភានីមួយៗ ត្រូវបានជ្រើសតាំង ក្នុងអាណត្តិ ៥ ឆ្នាំម្តង ដែលចែកជាតំណាងខេត្ត-រាជធានីទាំង ២៥ ពី ១ ទៅ ១៨ អាសនៈ។ គណបក្សនយោបាយសំលេងភាគច្រើនដែលមានអាសនៈយ៉ាងហោច ៦២ អាចមានសិទ្ធិក្នុងការបង្កើតជារដ្ឋាភិបាលថ្មីមួយ។

រដ្ឋសភា
នីតិកាលទី៧
ប្រភេទ
ប្រភេទ	សភាជាន់ទាបនៃសភាតំណាងរាស្ត្រកម្ពុជា
ថ្នាក់ដឹកនាំ
ប្រធាន	ឃួន សុដារី, (គបក) ចាប់តាំងពី ២២ សីហា ២០២៣
អនុប្រធានទី១	ជាម យៀប, (គបក) ចាប់តាំងពី ២៥ វិច្ឆិកា​ ២០២១
អនុប្រធានទី២	វង សូត, (គបក) ចាប់តាំងពី ២២ សីហា ២០២៣
នាយករដ្ឋមន្ត្រី	ហ៊ុន ម៉ាណែត, (គបក) ចាប់តាំងពី ២២ សីហា ២០២៣
រចនាសម្ព័ន្ធ
អសនៈ	១២៥
ក្រុមនយោបាយ	រដ្ឋាភិបាល      គបក (១២០) ទំនុកចិត្ត និងការផ្គត់ផ្គង់      ហ៊្វុនស៊ិនប៉ិច (៥) [lower-alpha ១]
ការបោះឆ្នោត
ការបោះឆ្នោតចុងក្រោយ	២៣ កក្កដា ២០២៣
ការបោះឆ្នោតបន្ទាប់	២៣/៣០ កក្កដា ២០២៨
ទីប្រជុំ
គេហទំព័រ
national-assembly.org.kh

រដ្ឋសភានីតិកាលទី៧ បានបើកសម័យប្រជុំដំបូងក្រោមព្រះរាជាធិបតីភាព ដ៏ខ្ពង់ខ្ពស់របស់ ព្រះករុណា ព្រះបាទសម្តេច​ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅថ្ងៃទី២១ ខែសីហា ឆ្នាំ២០២៣។ តំណាងរាស្រ្ត​បានធ្វើសច្ចាប្រណិធាន នៅព្រះបរមរាជវាំង មុនចូលកាន់តំណែងនៅរសៀលថ្ងៃដដែរ។ ប្រធានរដ្ឋសភាបច្ចុប្បន្នគឺ លោកជំទាវ កិត្តិសង្គហបណ្ឌិត ឃួន សុដារី។

ប្រវត្តិរបស់រដ្ឋសភា

ព្រះរាជាណាចក្រម្ពុជាត្រូវបានអាណានិគមនិយមបារាំងត្រួតត្រាពីឆ្នាំ១៨៦៣ ដល់ ឆ្នាំ១៩៥៣ ។ ក្នុងរជ្ជកាលព្រះបាទ ស៊ីសុវត្ថិ មានព្រះរាជបញ្ញត្តិមួយ ចុះថ្ងៃទី ១៨ ខែ មីនា ឆ្នាំ ១៩១៣ សម្រេចបង្កើតសភាពិគ្រោះយោបល់ដែលមាន សមាជិក ៣៩ រូប តំណាងឱ្យ ១០ ខេត្ត-ក្រុង ។ នេះជាសញ្ញាដំបូង នៃការកកើតសភា ។

• ថ្ងៃទី ១០ ខែ មេសា ឆ្នាំ ១៩៤០ សភាពិគ្រោះយោបល់បានកែប្រែទៅជាសភាតំណាងប្រជាជនកម្ពុជា ក្រោម រជ្ជកាលព្រះបាទ ស៊ីសុវត្ថិ មុនីវង្ស ។
• ថ្ងៃទី ២៩ ខែ មីនា ឆ្នាំ ១៩៤៥ ការបង្កើតសភាពិគ្រោះយោបល់ ដែលមានសមាជិក ៣៣ រូប តំណាងឱ្យ ១៤ ខេត្ត-ក្រុង ។
• ខែ វិច្ឆិកា ឆ្នាំ ១៩៤៥ ការបង្កើតគណៈកម្មការបារាំង-ខ្មែរមួយ ដើម្បីរៀបរៀងសេចក្តីព្រាង រដ្ឋធម្មនុញ្ញដំបូង ។
• ឆ្នាំ ១៩៤៦ មានព្រះរាជក្រម ៤ សម្រេចផ្តល់សេរីភាពសារព័ត៌មាន សេរីភាពបង្កើតសមាគម សេរីភាពបង្កើត គណបក្សនយោបាយ និងឱ្យប្រើច្បាប់បោះឆ្នោតសាកលជ្រើសតាំងរដ្ឋសភាបណ្តោះអាសន្ន (សភាធម្មនុញ្ញ) ។
• ថ្ងៃទី ០១ ខែ កញ្ញា ឆ្នាំ ១៩៤៦ ការបោះឆ្នោតសាកលលើកដំបូងនៅកម្ពុជាជ្រើសតាំង សមាជិកសភាធម្មនុញ្ញ ៦៧ រូប មានបេសកកម្មតាក់តែងរដ្ឋធម្មនុញ្ញទី ១ នៃព្រះរាជាណាចក្រកម្ពុជា ដែលត្រូវបានប្រកាសឱ្យប្រើនៅថ្ងៃទី ៦ ខែ ឧសភា ឆ្នាំ ១៩៤៧ ។

ខាងក្រោមនេះ គឺជាតារាងស្តីពីប្រវត្តិរបស់រដ្ឋសភាកម្ពុជា ពីការកកើតមកដល់បច្ចុប្បន្ន ៖

ល.រ	រដ្ឋសភា រយៈកាល	ចំនួនគណបក្ស	ចំនួនអាសនៈ	កាលបរិច្ឆេទបោះឆ្នោត
១	សភាធម្មនុញ្ញ ឆ្នាំ១៩៤៦-១៩៤៧	ពហុបក្ស	៦៧	០១/០៩/៤៦
២	រដ្ឋសភា ឆ្នាំ១៩៤៧-១៩៥១	ពហុបក្ស	៧៥	២១-១២-១៩៤៧
៣	រដ្ឋសភា ឆ្នាំ១៩៥១-១៩៥៣	ពហុបក្ស	៧៨	០៩/០៩/៥១
៤	រដ្ឋសភា ១៩៥៥-១៩៥៨	បក្សតែមួយ	៩១	១១/០៩/៥៥
៥	រដ្ឋសភា ១៩៥៨-១៩៦២ (១ )	បក្សតែមួយ	៦១	២៣-០៩-១៩៥៨
៦	រដ្ឋសភា ១៩៦២-១៩៦៦	បក្សតែមួយ	៧៧	១០/០៦/៦២
៧	រដ្ឋសភា ១៩៦៦-១៩៧២	បក្សតែមួយ	៨២	១១/០៩/៦៦
៨	សភាជាតិនៃសាធារណរដ្ឋខ្មែរ ឆ្នាំ១៩៧២-១៩៧៥	បក្សតែមួយ	១២៦	០៣/០៩/៧២
៩	សភាតំណាងប្រជាជននៃរបបកម្ពុជាប្រជាធិបតេយ្យ (២ )	បក្សតែមួយ	២៥០	២០-០៣-១៩៧៦
១០	រដ្ឋសភា សាធារណរដ្ឋប្រជាមានិតកម្ពុជា-រដ្ឋកម្ពុជា ឆ្នាំ១៩៨១-១៩៩៣	បក្សតែមួយ	១១៧	០១/០៥/៨១
១១	សភាធម្មនុញ្ញ ១៩៩៣	ពហុបក្ស	១២០	២៣ . ២៨-០៥-១៩៩៣
១២	រដ្ឋសភានីតិកាលទី ១ ១៩៩៣-១៩៩៨	ពហុបក្ស	១២០	២៣ . ២៨-០៥-១៩៩៣
១៣	រដ្ឋសភានីតិកាលទី ២ ១៩៩៨-២០០៣	ពហុបក្ស	១២២	២៦-០៧-១៩៩៨
១៤	រដ្ឋសភានីតិកាលទី ៣ ២០០៣-២០០៨	ពហុបក្ស	១២៣	២៧-០៧-២០០៣
១៥	រដ្ឋសភានីតិកាលទី ៤ ១៩៩៨-២០០៣	ពហុបក្ស	១២៣	២៦-០៧-២០០៨
១៦	រដ្ឋសភានីតិកាលទី ៥ ២០១៣-២០១៨	ពហុបក្ស	១២៣	២៨-០៧-២០១៣

កំណត់សំគាល់

(១) ជាលើកដំបូងដែលស្ត្រីខ្មែរមានសិទ្ធិសេរីភាព ទៅបោះឆ្នោត និងឈរឈ្មោះឱ្យគេបោះឆ្នោត ។

(២) ជាសម័យកម្ពុជាប្រជាធិបតេយ្យ លទ្ធផលស្រាវជ្រាវរកឃើញត្រឹមសមាសភាព គណៈកម្មាធិការ អចិន្ត្រៃយ៍ ប៉ុណ្ណោះ ។

ប្រព័ន្ធបោះឆ្នោត

រដ្ឋធម្មនុញ្ញនៃព្រះរាជាណាចក្រកម្ពុជាបានចែងថា រដ្ឋសភាត្រូវបានបោះឆ្នោតជ្រើសរើសរយៈពេល ៥ ឆ្នាំម្ដង ពីមណ្ឌលបោះឆ្នោតចំនួន ២៥ ខេត្តក្រុង មានដូចខាងក្រោម៖

ខេត្ត/ក្រុង	អាសនៈ
ភ្នំពេញ	១២
បន្ទាយមានជ័យ	៦
បាត់ដំបង	៨
កំពង់ចាម	១០
កំពង់ឆ្នាំង	៤
កំពង់ស្ពឺ	៦
កំពង់ធំ	៦
កំពត	៦
កណ្ដាល	១១
កោះកុង	១
កែប	១
ក្រចេះ	៣
មណ្ឌលគីរី	១
ឧត្ដរមានជ័យ	១
ប៉ៃលិន	១
ព្រះសីហនុ	៣
ព្រះវិហារ	១
ពោធិ៍សាត់	៤
ព្រៃវែង	១១
រតនគីរី	១
សៀមរាប	៦
ស្ទឹងត្រែង	១
ស្វាយរៀង	៥
តាកែវ	៩
ត្បូងឃ្មុំ	៨
សរុប	១២៥

ការបោះឆ្នោត នីតិកាលទី ៥

	គណបក្សប្រជាជនកម្ពុជា	៣,២៣៥,៩៦៩	៤៨,៨៣	៦៨	−២២
	គណបក្សសង្គ្រោះជាតិ	២ ៩៤១ ១៣៣	៤៤,៤៥	៥៥	+២៦
	គណបក្សហ៊្វុនស៊ិនប៉ិច	២៤១ ៨៦៦	៣,៦៦	០	−២
	គណបក្សសម្ព័ន្ធដើម្បីប្រជាធិបតេយ្យ	៦៩ ៦៦៧	១,០៥	០	០
	គណបក្សសញ្ជាតិកម្ពុជា	៣៧ ៩៦៣	០,៥៧	០	ថ្មី
	គណបក្សខ្មែរឈប់ក្រ	៤៣ ៣១២	០,៦៥	០	០
	គណបក្សខ្មែរអភិវឌ្ឍន៍សេដ្ឋកិច្ច	៣៤ ៥៦៩	០,៥២	០	ថ្មី
	គណបក្សសាធារណរដ្ឋប្រជាធិបតេយ្យ	១៩ ៨៧១	០,៣០	០	ថ្មី
អសុពលភាព/សំឡេងឆ្នោតទទេ			–	–	–
សរុប		៦ ៦១៦ ១១០		១២៣	០
អ្នកបោះឆ្នោតចុះបញ្ជី/អ្នកមិនបានបោះឆ្នោត				–	–
ប្រភព: គណៈកម្មាការជាតិរៀបចំការបោះឆ្នោត Archived 2014-02-02 at the វេយប៊ែខ ម៉ាស៊ីន.

រដ្ឋសភានីតិកាលទី ៥

រដ្ឋសភានីតិកាលទី៥ កើតចេញពីការបោះឆ្នោតសកល កាលពីថ្ងៃទី២៨ ខែកក្កដា ឆ្នាំ២០១៣ តាមប្រព័ន្ធសមាមាត្រ មាន២៤​មណ្ឌល រាជធានី-ខេត្ត មានគណបក្សនយោបាយចំនួន៨ចូលរួម។ ប្រជាពលរដ្ឋបានចុះឈ្មោះបោះឆ្នោតចំនួន ៩.៦៧៥.៤៥៣នាក់ ប្រជាជនបានទៅ​បោះឆ្នោតចំនួន ៦.៧៣៥.២៤៤នាក់ ស្មើនឹង ៦៩,៦១%។ អាសនៈដែលទទួលបាន: គណបក្សប្រជាជនកម្ពុជា ៦៨ អាសនៈ ស្មើនឹង៥៥,២៨% គណបក្សសង្គ្រោះជាតិ ៥៥ អាសនៈ ស្មើនឹង៤៤,៧១%។ តំណាងរាស្រ្តសរុបចំនួន១២៣រូប ក្នុងនោះ​តំណាងរាស្ត្រស្ត្រី២៥រូប ស្មើនឹង ២០,៣២% តំណាងរាស្រ្តជនជាតិភាគតិចចំនួន ២រូប ក្រុមស្រ្តីសមាជិករដ្ឋសភាត្រូវបានបង្កើត។

ឯកសារយោង

• ដកស្រង់ចេញពីគេហទំព័ររដ្ឋសភាកម្ពុជា Archived 2012-03-30 at the វេយប៊ែខ ម៉ាស៊ីន.

ចំណាំ

1. គណបក្ស​ហ្វ៊ុនស៊ិនប៉ិច​បាន​បញ្ជាក់​ពី​ការ​គាំទ្រ​របស់​ពួកគេ​ចំពោះ​រដ្ឋាភិបាល