Asien

Asien ass den ëstlechen Deel vum Duebelkontinent Eurasien. Et ass dee gréissten a bevëlkerungsräichste Kontinent vun der Äerd a läit op der ëstlecher Hemisphär. Asie bedeckt eng Fläch vu 44.614.500 km² (33,06 % vun der Fläch vun der Welt).

Asien
Geographie
Geographesch Lag	Ëstlech Hemisphär
Besteet aus	Ostasien, Südostasien, Zentralasien, Südasien, Noen Osten, Nordasien, Westasien
Fläch	44.614.500 km²
Héchste Punkt	Mount Everest (8.848,86 m)
Déifste Punkt	Doudegt Mier (-440,61 m)
Demographie
Awunner	4.977.954.915 (2025)
Aner Informatiounen
Genannt no	Asia
Zäitzon	UTC+6
Länner an Asien

Seng Bevëlkerung huet sech am 20. Joerhonnert bal vervéierfacht a gëtt op 4.977.954.915 (2025)^[1] geschat. Iwwer d'Hallschent vun de Mënsche liewen um asiatesche Kontinent, mä a ganz ënnerschiddlecher Verdeelung. China an Indien zielen zu de bevëlkerungsräichste Staaten op der Äerd.

Geographie

Asien ass am Norde vum Arkteschen Ozean, am Oste vum Pazifeschen Ozean an am Süde vum Indeschen Ozean agegrenzt.

Am Weste gëtt et keng kloer geographesch oder geologesch Grenz mat Europa. Déi heefegst Definitioun fir d'Grenz ass (vun Norden no Süden): den Ural, den Ural-Floss, d'Kaspescht Mier, de Kaukasus bzw. de Manytschbaseng, d'Südküst vum Schwaarze Mier, grad ewéi de Bosporus, d'Marmaramier an d'Dardanellen. Vum Karamier bis op d'Schwaarzt Mier ass dës Grenz ongeféier 2.700 km laang.

Nërdlech vum Roude Mier ass Asien iwwer d'Sinai-Hallefinsel an den 120 Kilometer breede Suez-Isthmus mat Afrika verbonnen.

Am Nordoste leien d'Festlandmassen vun Asien an Nordamerika op der Beringstrooss just eppes méi wéi 80 km vuneneen ewech. De Malayseschen Archipel am Südoste verbënnt den asiatesche Kontinent mat Australien. De südlechste Punkt ass déi indoneesesch Insel Pamana.

Geschicht

Eng Rei Kulturen hunn hir Originnen an Asien, absënns a China, Japan, Indien, am Iran, a Babylonien an an Assyrien am Noen Osten. All d'Weltreliounen hunn hiren Urspronk an Asien.

Asien an Europa verbënnt eng laang Traditioun, sief et duerch Kricher (Alexander de Groussen, d'Perserkricher, d'Kräizzich, d'Invasioune vun den Hunnen an den Tierken, …), Entdeckungsreesen (z. B. Sven Hedin), awer och duerch wichteg Handelsverbindungen, wéi der Seidestrooss.

Asien hat vu jeehier ëmmer grouss Räicher an ass net sou fragmentéiert wéi Europa. Déi chineesesch Kultur huet hir Spueren an der Welt hannerlooss, besonnesch awer an Ostasien (Pabeier, Dréckerei, Kompass, Seid, Parzeläin a villes méi). De Buddhismus huet sech vun Indien aus verbreet. Nordasien (besonnesch Sibirien) war eng laang Zäit praktesch net bewunnt an eréischt wéi d'russescht Räich sech weider ausgedeent huet goufen do méi grouss Stied gegrënnt. Zentralasie war traditionell d'Heemecht vu Steppevëlker (z. B. d'Mongolen), déi fréier eng Bedroung fir Europa duergestallt hunn. Westasie gëtt zënter dem 7. Joerhonnert vum Islam dominéiert an hat e staarken Afloss op Nordafrika.

Bevëlkerung a Sproochen

An Asie ginn Honnerte Sprooche geschwat. Zu de wichtege Sproochefamilljen a Sproochegruppen gehéieren absënns:

• Slawesch Sproochen
• Kaukasesch Sproochen
• Semitesch Sproochen
• Iranesch Sproochen
• Oghuzesch Sproochen
• Kipchakesch Sproochen
• Uiguresch Sproochen
• Sibiresch-Türkesch Sproochen
• Sinitesch Sproochen
• Indo-Aresch Sproochen
• Dravidesch Sproochen
• Tibeto-Birmanesch Sproochen
• Tai-Kadai Sproochen
• Austroasiatesch Sproochen
• Koreanesch
• Japanesch-Ryukyu Sproochen
• Malayo-Polyneesesch Sproochen

Politik

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Wirtschaft

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Opdeelung

Geographesch Opdeelung

Et gëtt verschidden Approchë fir eng regional Opdeelung vun Asien. Déi Andeelung hei drënner gëtt ë. a. vun de Vereenten Natiounen (VN) fir statistesch Zwecker benotzt, ouni politesch oder aner Zougehéieregkeeten ze berécksiichtegen.

De VN no ass Asien a sechs Regiounen opgedeelt^[2]:

• Nordasien
• Zentralasien
• Westasien
• Südasien
• Ostasien
• Südostasien

Länner

Zum asiatesche Kontinent gehéieren:

• 49 Memberstaate vun de Vereenten Natiounen,
• 1 net-Member (Palestina) deen awer de Statut vun engem Observateur vun de VN (United Nations General Assembly observer) huet,
• 1 Land (Taiwan), deem seng Eegenschaft als Staat ëmstridden ass.

Lëscht vun de Staaten an Asien (Stand: Juli 2025)

Nr	Staat oder Territoire	Offizielle Staatsnumm	Regioun	Haaptstad	Fläch [km²][3]	Awunner[4]	Bemierkung
1	Afghanistan	Islamescht Emirat Afghanistan	Südasien	Kabul	652.230	42.647.492
2	Armenien	Republik Armenien	Westasien	Jerewan	29.743	2.973.840	VN-Member, limitéiert Unerkennung (Pakistan) gëtt politesch a kulturell zu Europa gezielt
3	Aserbaidjan	Republik Aserbaidjan	Westasien	Baku	86.600	10.336.577
4	Bahrain	Kinnekräich Bahrain	Westasien	Manama	760	1.607.049
5	Bangladesch	Volleksrepublik Bangladesch	Südasien	Dhaka	148.460	173.562.364
6	Bhutan	Kinnekräich Bhutan	Südasien	Thimphu	38.394	791.524
7	Brunei	Brunei Darussalam	Südostasien	Bandar Seri Begawan	5.765	462.721
8	China	Volleksrepublik China	Ostasien	Peking	9.596.960	1.419.321.278	VN-Member, limitéiert Unerkennung (vun 11 Staaten net unerkannt: Belize, Eswatini, Guatemala, Haiti, Marshallinseln, Palau, Paraguay, St. Kitts an Nevis, St. Lucia, St. Vincent an d'Grenadinnen, Tuvalu)
9	Egypten	Arabesch Republik Egypten	Westasien	Kairo	1.001.450	116.538.258	nëmmen d'Sinai-Hallefinsel
10	Georgien	Georgien	Westasien	Tiflis	69.700	3.807.670	inklusiv Abchasien a Südossetien gëtt politesch a kulturell zu Europa gezielt
11	Indien	Republik Indien	Südasien	Nei-Delhi	3.287.263	1.450.935.791	inklusiv Kaschmir
12	Indonesien	Republik Indonesien	Südostasien	Nusantara	1.904.569	283.487.931
13	Irak	Republik Irak	Westasien	Bagdad	438.317	46.042.015
14	Iran	Islamesch Republik Iran	Westasien	Teheran	1.648.195	91.567.738
15	Israel	Staat Israel	Westasien	Jerusalem (de facto)	21.937	9.387.021	inklusiv de Golanhéichten, Ostjerusalem – ouni d'Gazasträif, Westjordanland VN-Member, limitéiert Unerkennung (vun 30 Staaten net unerkannt: Afghanistan, Algerien, Bangladesch, Bolivien, Brunei, Dschibuti, Indonesien, Irak, Iran, Jemen, Katar, Komoren, Kuba, Kuwait, Libanon, Libyen, Malaysia, Malediven, Mali, Mauretanien, Niger, Nordkorea, Oman, Pakistan, Saudi-Arabien, Somalia, Syrien, Tunesien, Venezuela)
16	Japan	Japan	Ostasien	Tokio	377.915	123.753.041
17	Jemen	Republik Jemen	Westasien	Sanaa (de jure) Aden (de facto)	527.968	40.583.164
18	Jordanien	Haschimitescht Kinnekräich Jordanien	Westasien	Amman	89.342	11.552.876
19	Kambodja	Kinnekräich Kambodja	Südostasien	Phnom Penh	181.035	17.638.801
20	Kasachstan	Republik Kasachstan	Zentralasien	Astana	2.724.900	20.592.571	ouni den europäeschen Deel
21	Katar	Staat Katar	Westasien	Doha	11.586	3.048.423
22	Kirgisistan	Kirgisesch Republik	Zentralasien	Bischkek	199.951	7.186.009
23	Kuwait	Staat Kuwait	Westasien	Kuwait	17.818	4.934.507
24	Laos	Demokratesch Volleksrepublik Laos	Südostasien	Vientiane	236.800	7.769.819
25	Liberia	Republik Liberia	Westasien	Monrovia	111.369	5.612.817
26	Malaysia	Malaysia	Südostasien	Kuala Lumpur (de jure) Putrajaya (de facto)	329.847	35.557.673
27	Malediven	Republik Malediven	Südasien	Malé	298	527.799
28	Mongolei	Mongolei	Ostasien	Ulaanbaatar	1.564.116	3.475.540
29	Myanmar	Unioun Myanmar	Südostasien	Naypyidaw	676.578	54.500.091
30	Nepal	Demokratesch Bundesrepublik Nepal	Südasien	Kathmandu	147.181	29.651.054
31	Nordkorea	Demokratesch Volleksrepublik Korea	Ostasien	Pjöngjang	120.538	26.498.823	VN-Member, limitéiert Unerkennung (Südkorea)
32	Oman	Sultanat Oman	Westasien	Maskat	309.500	5.281.538
33	Pakistan	Islamesch Republik Pakistan	Südasien	Islamabad	796.095	251.269.164	ouni Asad Kaschmir a Gilgit-Baltistan
–	Palestina	Staat Palestina	Westasien	Ostjerusalem (de jure) Ramallah (de facto)	5.860	5.495.443	kee Member vun de VN; vëlkerrechtlech Staatsqualitéit gëtt unerkannt begräift Gazasträif, Westjordanland
34	Philippinnen	Republik vun de Philippinnen	Südostasien	Manila	300.000	115.843.670
35	Russland	Russesch Federatioun	Nordasien	Moskau	17.098.242	144.820.423	ouni den europäeschen Deel
36	Saudi-Arabien	Kinnekräich Saudi-Arabien	Westasien	Riad	2.149.690	33.962.757
37	Singapur	Republik Singapur	Südostasien	Singapur	719	5.832.387
38	Sri Lanka	Demokratesch Sozialistesch Republik Sri Lanka	Südasien	Sri Jayawardenepura (de jure) Colombo (de facto)	65.610	23.103.565
39	Südkorea	Republik Korea	Ostasien	Seoul	99.720	51.717.590	VN-Member, limitéiert Unerkennung (Nordkorea)
40	Syrien	Arabesch Republik Syrien	Westasien	Damaskus	187.437	24.174.628	inklusiv de Golanhéichten
41	Tadjikistan	Republik Tadjikistan	Zentralasien	Duschanbe	141.100	10.590.927
–	Taiwan	Republik China	Ostasien	Taipeh	35.980	23.213.962	kee Member vun de VN begräift Taiwan, Penghu, Lan Yu, Lü Dao, Kinmen, Matsu, Taiping Dao an Dongsha
42	Thailand	Kinnekräich Thailand	Südostasien	Bangkok	513.120	71.668.011
43	Tierkei	Republik Tierkei	Westasien	Ankara	783.562	87.473.805	ouni den europäeschen Deel
44	Timor-Leste	Demokratesch Republik Timor-Leste	Südostasien	Dili	14.874	1.400.638
45	Turkmenistan	Turkmenistan	Zentralasien	Aşgabat	488.100	7.494.498
46	Usbekistan	Republik Usbekistan	Zentralasien	Taschkent	447.400	36.361.859
47	Vereenegt Arabesch Emirater	Vereenegt Arabesch Emirater	Westasien	Abu Dhabi	83.600	11.027.129
48	Vietnam	Sozialistesch Republik Vietnam	Südostasien	Hanoi	331.070	100.987.686
49	Zypern	Republik Zypern	Westasien	Nikosia	5.896	1.358.282	VN-Member, limitéiert Unerkennung (Tierkei) inklusiv Nordzypern gëtt politesch a kulturell zu Europa gezielt

Um Spaweck

Commons: Asien – Biller, Videoen oder Audiodateien

Referenzen an Notten

1. (en) Asia Population 2025. Gekuckt de 5. August 2025.
2. UNSD — Methodology. unstats.un.org (Op der lénker Säit: "Geographic Regions" uklicken). Gekuckt de 05.08.2025.
3. Area - The World Factbook. www.cia.gov. Gekuckt de 06.07.2025.
4. (en) World Population Prospects. population.un.org. Gekuckt den 21.07.2025. „Stand: Mëtt 2024“