Russesch

Russesch (russ.: русский язык) ass déi meeschtgeschwat vun de slawesche Sproochen.

Russesch русский язык
Gëtt geschwat an:	Russland, Ukrain, Wäissrussland, Kasachstan, Lettland, Estland, Moldawien, Georgien, Kirgisistan, a vun Emigranten an den USA, Israel, Däitschland an anere westeuropäesche Länner
Regioun:	Osteuropa an Nordasien
Gëtt geschwat vun:	180 Millioune Mammesproochler, an 110 Milliounen Zweetsproochler
Klassement:	7
Klassifikatioun no Famill:	Indoeuropäesch Slawesch Ost-Slawesch Russesch
Offizielle Status
Offiziell Sprooch vun:	Russland, Wäissrussland, Kasachstan, Kirgisistan, Vereent Natiounen
Reglementéiert vun:	Russesch Akademie vun de Wëssenschaften (Российская Академия Наук)
Sproochcoden
ISO 639-1	ru
ISO 639-2	rus
ISO 639-3	rus

Si gehéiert zur Famill vun den indoeuropäesche Sproochen, grad wéi Sanskrit, Griichesch a Latäin an all déi modern germanesch, romanesch a keltesch Sproochen. Schrëftlech Beispiller vum Russesche sinn zanter dem 10. Joerhonnert beluecht.

Russesch ass offiziell Landessprooch net nëmmen a Russland, mä och a villen anere Staaten déi aus der fréierer Sowjetunioun ervirgaange sinn. Als Weltsprooch vu grousser politescher Bedeitung ass Russesch eng vun de sechs Sprooche vun der UNO.

D'Schrëft baséiert um kyrilleschen Alphabet. D'Transkriptioun an dat laténgescht Alphabet kann op sëllegen Aart a Weise geschéien - zu Lëtzebuerg gëtt sech meeschtens un d'Transkriptiounsreegele vum Duden gehalen.

Russescht Alphabet

Russescht Alphabet

Russescht Alphabet Аа Бб Вв Гг Дд Ее Ёё Жж Зз Ии Йй Кк Лл Мм Нн Оо Пп Рр Сс Тт Уу Фф Хх Цц Чч Шш Щщ Ъъ Ыы Ьь Ээ Юю Яя

Russesch gëtt mam russeschen Alphabet geschriwwen (russ.: русский алфавит oder русская азбука), wat dem kyrilleschen Alphabet (russ.: кириллический алфавит oder кириллица) entstaamt.

Russesch Grammaire

 Méi Informatioun doriwwer am Artikel: Russesch Grammaire.

Um Spaweck

Wikipedia op Russesch

Commons: Russesch – Biller, Videoen oder Audiodateien