Габалавци
село во Општина Битола From Wikipedia, the free encyclopedia
село во Општина Битола From Wikipedia, the free encyclopedia
Габалавци (на некои места се среќава и како Габалевци) — село во Општина Битола, во околината на градот Битола.
Габалавци | |
Координати 41°8′3″N 21°14′27″E | |
Општина | Битола |
Население | 69 жит. (поп. 2021)[1] |
Шифра на КО | 02021 |
Надм. вис. | 660 м |
Габалавци на општинската карта Атарот на Габалавци во рамките на општината | |
Габалавци на Ризницата |
Габалавци — село во северниот дел на Општина Битола (до 2004 беше во составот Општина Кукуречани). Од градот Битола е оддалечено 19 километри, а од спомнатиот пат 3,3 километри. Селото се наоѓа лево од патот Битола - Демир Хисар, а на десната страна на реката Шемница. Се работи за ридско село кое се наоѓа на надморска височина од 660 метри. Атарот на селото е мал — само 5,7 км2.
Во XIX век селото било дел од Битолската каза на Отоманското Царство.
Во периодот од 16 до 19 ноември 1912 година, Габалавци било зафатено од воените дејства за време на Битолската битка за време на Првата балканска војна. Во селото била стационирана турска артилерија која успешно била неутрализирана од српската војска.
Само 1 жител на оваа населба е заведен како жртва во Втората светска војна.[2]
Населението се занимава најмногу со полјоделство (одгледување жито и познатата кукуречанска пиперка). Обработливото земјиште зафаќа 349,3 хектари, пасиштата зафаќаат 291,3 хектари, додека само 8,7 хектари се шуми.
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Кобалевци живееле 1.200 жители, сите Македонци.[3]
На Етнографската карта на Битолскиот Вилает од 1901 г. Габаловци се води како чисто македонско село во Битолската каза на Битолскиот санџак со 15 куќи.[4]
Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.[5]
Габалавци е мало село и во 1961 година бројот на жители изнесувал 286. Во 1994 година бројот се намалил на 146, сите Македонци.
Според пописот од 2002 година, во селото Габалавци живеат 114 жители, сите Македонци.[6]
Според последниот попис од 2021 година, во селото живееле 69 жители, од кои 60 Македонци и 9 лица без податоци.[7]
Во табелата во продолжение е направен преглед на населението во сите пописни години:
Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
---|---|---|---|---|---|---|---|---|---|---|---|
Население | 1.200 | — | 228 | 258 | 286 | 277 | 301 | 214 | 146 | 114 | 69 |
Габаловци е македонско православно село, во селото има еден староседелски род, а сите останати родови во селото се доселенички.
Родови во Габаловци се:
Во селото постои избирачкото место бр. 202 според Државната изборна комисија, сместени во просториите на основното училиште. Во ова избирачко место е опфатено и селото Облаково.[13]
На претседателските избори во 2019 година, на ова избирачко место биле запишани вкупно 114 гласачи.[14]
Во селото работи основно училиште до IV одделение и има продавница.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.