Џонатан Кастровјехо

Џонатан Кастровјехо Николас (шпански: Jonathan Castroviejo Nicolás; р. 27 април 1987 во Гечо, Баскија) — шпански професионален друмски велосипедист, кој вози за UCI World Tour екипата Инеос Гренадиерс.^[1]

Џонатан Кастровјехо

Кастровјехо на подиум по победата на прологот на Тур де Романди 2011
Лични податоци
Цело име	Џонатан Кастровјехо Николас
Роден	27 април 1987(1987-04-27) (38 г.) Гечо,  Шпанија
Висина	1,71 м
Маса	62 кг
Податоци за клубот
Мом. клуб	Инеос Гренадиерс
Дисциплина	друмски велосипедизам
Улога	возач
Вид на возач	специјалист за хронометар
Аматерски клубови
2008–2009	Орбеја
Професионални клубови
2010–2011 2012–2017 2018-	Еускалтел-Еускади Мовистар Тим Тим Скај
Значајни победи
Еднодневни трки и класици Национален хронометарски првак (2013, 2015, 2017, 2018, 2019) Европски хронометарски првак (2016)
Освоени медали Натпреварувач за  Шпанија Светски првенства Доха 2016 хронометар Европски првенства Плимелек 2016 хронометар Глазгов 2016 хронометар Натпреварувач за Мовистар Тим Светски првенства Натпреварувач за Мовистар Тим Ричмонд 2015 екипен хронометар
Последна промена 29 јуни 2019

Кариера

Откако возел две сезони за послабата екипа на де факто националниот баскиски состав, тој му се придружил на Еускалтел-Еускади во 2010. Првата победа како професионалец ја остварил на Тур де Романди 2011, забележувајќи најбрзо време на прологот од 3,5 километри, победувајќи го светскиот првак под 23 години Тејлор Фини за 0,27 секунди. Резултатот стигнал само еден ден по 24. роденден на Кастровјехо.^[2] Неговата вештина за хронометри била релативно необична за возач од Еускалтел-Еускади, бидејќи екипата е позната за лесни возачи со мали способности на хронометрите. Меѓутоа, победата на етапата на Тур де Романди, не била целосен шок - порано во сезоната, Кастровјехо завршил осми на завршниот хронометар на Тирено-Адријатико, надминувајќи ги времињата на Густав Ларсон, Кедел Еванс и Дејвид Забриски, сите познати специјалисти за хронометри.^[3] Подоцна, Кастровјехо се покажал солидно и на вториот хронометар на Тур де Романди, завршувајќи деветти на патеката од 20,1 километар, подобар од Марко Пиноти и Жан Кристоф Перо (помеѓу другите), обајцата поранешни прваци во хронометар во своите земји.^[4]

Кастровјехо преминал во Мовистар Тим за сезоната 2012.^[5] Ја носел водечката маичка на Вуелта а Еспања на две етапи, откако неговата екипа победила на воведниот екипен хронометар и прв поминал низ целта, но изгубил два дена подоцна од колегата Алехандро Валверде. Кастровјехо не можел да го следи пеколното темпо поставено од Алберто Контадор (Тим Саксо Банк-Тинкоф Банк) на последното искачување на третата етапа.^[6]

Во 2015 година, Кастровјехо по вторпат во својата кариера го освоил националното друмско првенство.^[7]

На 17 август 2017 година било објавено дека Кастровјехо ќе се приклучи на Тим Скај од сезоната 2018.^[1]

Достигнувања

2009

1. Етапа 3 Тур ду Хаут Анжу

1. Пролог Ронд де л’Изар д’Ариеж

1. Етапа 5 Тур де л’Авенир

2010

1. Спринтерски пласман Волта а Каталуња

2011

1. Пролог Тур де Романди

1. Етапа 1 (ITT) Вуелта а ла Комунидад де Мадрид

2. Шпанско хронометарско првенство

2012

Вуелта а ла Комунидад де Мадрид

1. Етапа 1 (ITT)

1. Спринтерски пласман

1. Етапа 1 (TTT) Вуелта а Еспања

1. Бодовен пласман Вуелта а Мурсија

6. Краен пласман Енеко Тур

2013

1. Национално хронометарско првенство

8. Краен пласман Волта ао Алгарве

2014

1. Етапа 1 (ТТТ) Вуелта а Еспања

2015

1. Национално хронометарско првенство

3. Светско првенство во екипен хронометар

3. Краен пласман Тур ди Поату-Шарант

4. Светско хронометарско првенство

1. Екипен пласман Тур де Франс

2016

1. Европско хронометарско првенство

2. Национално хронометарско првенство

2. Хроно де Насионс

Светски првенства

3. Поединечен хронометар

6. Екипен хронометар

4. Олимписки хронометар

2017

1. Национално хронометарско првенство

2. Краен пласман Тур ди Поату-Шарант

3. Хроно де Насионс

7. Краен пласман Тирено-Адријатико

7. Краен пласман Волта ао Алгарве

1. Етапа 3 (ITT)

10. Краен пласман Волта а ла Комунитат Валенсијана

2018

1. Национално хронометарско првенство

1. Етапа 3 (ТТТ) Критериум ди Дофине

2. Европско хронометарско првенство

6. Светско хронометарско првенство

Награда за борбеност на етапа 19 на Вуелта а Еспања

2019

1. Национално хронометарско првенство

Распоред на резултатите на големите трки

Голема трка	2012	2013	2014	2015	2016	2017	2018
Џиро	—	—	57	—	—	—	—
Тур	—	97	—	24	—	60	70
Вуелта	148	—	65	—	36	—	100

СО = се откажал; — = не учествувал