Драгош (Серско)

Драгош (грчки: Ζευγολατειό или Ζευγολατιό, Зевголатио; до 1927 г. Δραγόσι, Драгоси^[2]) — село во Серско, Егејска Македонија, денес во општината Долна Џумаја на Серскиот округ, Грција.

Драгош Ζευγολατειό
Драгош
Местоположба во областа Драгош Местоположба на Драгош во Серскиот округ и областа Централна Македонија
Координати: 41°5.8′N 23°16.58′E
Земја	Грција
Област	Централна Македонија
Округ	Серски
Општина	Долна Џумаја
Општ. единица	Орљак
Надм. вис.	&1000000000000003000000030 м
Население (2011)[1]
• Вкупно	450
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во североисточното подножје на Богданска Планина. Лежи блиу јужниот брег на реката Струма, на помалку од 3 км источно од Турица.^[3]

Историја

Во средниот век

Селото е спомнато во грамоти на царот Стефан Душан од 1349 г. како село Драгошта, и во 1349 г. како село Драгошт(у).

Во Отоманското Царство

Во XIX век Драгош било македонско село во Серската каза на Серскиот санџак. Во „Етнографија на вилаетите Адријанопол, Монастир и Салоника“ се вели дека во 1873 г. Драгош (Dragoch) било село во Серската каза со 70 домаќинства сочинети од 160 муслимани и 30 Македонци.^[4][5]

Во 1891 г. Георги Стрезов напишал за селото:

„

Драгош, чифлик близу до Струма. Од Турбеш на СЗ 1 час. Истата состојба; 25 македонски куќи.[6][7]

“

Според Васил К’нчов („Македонија. Етнографија и статистика“) во 1900 г. селото имало 460 жители, од кои 400 Македонци и 60 Роми.^[4][8]

Сите христијани во Драгош биле под врховенството на Цариградската патријаршија. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Драгош (Dragoche) живееле 320 Македонци под Патријаршијата.^[4][9]

Во Грција

За време на Првата балканска војна селото е окупирано од бугарска војска, а по Втората балканска војна во 1913 г. е припоено кон Грција согласно Букурешкиот договор. Таа година селото броело 494 жители.^[3] Во 1918 г. во селото се доселени грчки колонисти од селото Пелевун кај Ортаќој (денешен Ивајловград), Бугарија. На пописот од 1920 г. Драгош имал само 155 жители.^[3] Во 1920-тите Турците/муслиманите во селото се иселени во Турција по сила на Лозанскиот договор. Во 1922-1923 г. во селото се доселиле и неколку семејства од Епир.^[10] Во 1927 г. селото е преименувано во Зевголатио.^[11] Според пописот од 1928 г. селото било етнички мешано, од кои 407 жители (95 семејства) биле дојденци.^[12] Во 1932 г. во Драгош са доселиле и Каракачани од Епир.^[10]

Месности во Драгош преименувани со службен указ на 6 јули 1968 г.

Име	Грчки	Ново име	Грчки	Опис
Чал[13]	Τσάλ Λόφος	Перасма	Πέρασμα[14]	возвишение на Ј од Драгош и на СЗ од Орляк (141 м)[13]
Шејтан[13]	Σεϊτάν	Дјаволу Рема	Διαβόλου Ρέμα[14]	рекичка на Ј од Драгош, десна притока на Струма[13]
Дурпесина[13]	Ντουρπεσινέ	Дисватон Рема	Δύσβατον Ρέμα[14]	рекичка на Ј од Драгош, десна притока на Струма[13]
Адичка[13]	Άντιτσκα	Ризома	Ρίζωμα[14]	месност на ЈИ од Драгош, по десниот брег на Струма[13]
Иляз Мезари[13]	Ίλιάζ Μεζαρί	Мнимата	Μνήματα[14]	месност на ЈИ од Драгош, по десниот брег на Струма[13]
Гуру Чешме[13]	Γκουρού Τσεσμέ	Ксери Вриси	Ξερη Βρύση[14]	месност на ЈЈЗ од Драгош[13]
Деве Тепе[13]	Ντερέ Τεπέ	Камилокорифес	Καμηλοκορυφές[14]	возвишение на Карадаг на ЈЗ од Драгош (556 м)[13]

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	401	525	706	556	395	441	480	450

Извор за 1940-1991 г.: Т. Симовски, Населените места во Егејска Македонија