Кутлина (Велмеј)

Кутлина — археолошко наоѓалиште во селото Велмеј во областа Дебрца. Претставува населба од неолитското, бакарното, бронзеното и железното време, и раносредновековна некропола. Се наоѓа на 1 км југоисточно (повеќе јужно) од селото, десно од меѓуселскиот пат Велмеј - Брежани (40 км северно од Охрид). Претставува елипсовидна височинка — тумба, со правец на протегање исток-запад и е една од неколкуте тумби што се простирааат југоисточно од селото. Околу нив има мочуриштен терен со слаби извори на кисела вода, а јужно паралелно со нивното протегање тече Велмешко-средоречка Река. Тумбата Кутлина е речиси целосно раскопана заради експлоатација на травертин со кој обилува целиот терен, и покрај тоа што уште во 1953 година е ставена под Законот за заштита на спомениците на културата. Со теренска проспекција, рекогносцирање и микроистражувачки археолошки зафати е заклучено дека се работи за комплексно наоѓалиште каде што се живеело и погребувало во времето на праисторијата и раниот среден век. Наодите се чуваат во Завод и Музеј во Охрид.^[1]

„Кутлина“
Местоположба	41°17′53″N 20°54′5″E
Основни податоци
Место	Велмеј
Општина	Дебрца
Тип	населба  некропола
Период	праисторија
	ран среден век
Портал „Археологија“

Поврзано

• Бучишта — населба со некропола од доцноантичкото време и старохристијанска базилика;
• Велмешко Градиште — утврдена населба од бронзеното време;
• Вишин Дол — утврдена населба и топилница од доцноантичкото време;
• Гладница — населба од доцноантичкото време;
• Горица — населба од развиеното средновековие;
• Горни Јаворец — топилница од доцноантичкото време;
• Горнополско Градиште — утврдена населба од раниот Среден век;
• Грамаѓе — некропола од железното време;
• Иванова Ливада - Икона — раносредновековна црква и некропола;
• Калуѓерица — раносредновековна некропола;
• Икона - Блато — раносредновековна некропола;
• Манастириште — средновековен сакрален комплекс;
• Оџа Бавча — раносредновековна некропола;
• Пашина Горица — некропола од доцноантичкото време;
• Петте Дабје — некропола од доцноантичкото и римското време;
• Пештера Јаорец — Засолниште од палеолитското време;
• Писан Камен — некропола од железното време;
• Попов Дол — некропола од доцноантичкото време и раниот Среден век;
• Селиште Јаорец — населба од развиениот и доцниот среден век;
• Селце — населба од развиеното средновековие;
• Скала — раносредновековна населба и некропола;
• Скала — топилница од доцноантичкото време;
• Средна Горица — ранословенска некропола;
• Црквиште — раносредновековна црква и некропола;
• Шивлица — раносредновековна црква;
• Велмеј;
• Список на археолошки наоѓалишта во Дебрца;
• Список на средновековни некрополи во Македонија.