Магла

Магла — облак во допир со земјата. Маглата се разликува од другите облаци само по тоа што маглата ја допира површината на Земјата. Истиот облак кој не претставува магла во понискa област може да биде магла онаму каде се допира со повисоки области како што се врвови на ридови или планински гребени. Маглата се разликува од замагленоста само според нејзината густина. Маглата се дефинира како облак кој ја намалува видливоста на помалку од 1 километар, додека замагленоста ја намалува видливоста на помалку од 2 км.

Дел од серијата статии за природата Време
Годишни времиња
Умерени Пролет · Лето Есен · Зима
Тропски Сува сезона Дождовна сезона
Бури
Тропска бура · Торнадо Ураган · Тајфун Песочна бура · Леден дожд
Врнежи
Магла · Роса · Дожд Град · Снег · Слана · Лапавица · Иње · Поледица · Суградица
Поврзани тематики
Метеорологија Временска прогноза Клима · Загаденост на воздухот
п р у

Магла над Скопје гледана од Водно

Маглата, всушност, претставува кондензирана (згусната) водна пареа во вид на микроскопски капки (а при температура под 0 °С ледени кристали) во приземниот воздушен слој (тропосферата). Според потеклото маглите се класифицираат во три основни групи: магли на оладување (радиациони), магли на испарување (морски, езерски, над влажни терени), и смог.

Најмагливото место на земјата се Големите Насипи (Grand Banks) околу Њуфаундленд, Канада. Маглата тука е честа бидејќи Големите Насипи е местото каде се сретнуваат ладната Лабрадорска струја од северот и многу потоплата Голфска струја од југот. Најзамаглени места на копно, пак, се Поинт Рејес, Калифорнија и Аргентина во канадската покраина Њуфаундленд и Лабрадор - и двете места се со над 200 магливи денови во годината.

Маглата како тема во уметноста и во популарната култура

Густа магла

• „Магла“ — кус расказ за деца на ангискиот писател Доналд Басет од 1967 година.^[1]
• „Магла во август“ (германски: Nebel im August ) - роман на Роберт Домес од 2008 година.
• „Магла“ - песна на српската поетеса Десанка Максимовиќ од 1979 година.^[2]
• „Итар Пејо, мариовците и маглата“ - расказ на македонскиот писател Стале Попов.^[3]
• „Во маглата“ (српски: У магли) - расказ на српскиот писател Петар Кочиќ.^[4]
• „Низ маглата“ (српски: Кроз маглу) - расказ на српскиот писател Петар Кочиќ.^[5]
• „Магла“ (шпански: Niebla) - роман на шпанскиот писател Мигел де Унамуно од 1914 година.^[6]
• „Магла“ - песна на македонската рок-група Мизар од 1988 година.^[7]
• „Магла на забуната“ (англиски јазик: Confusion Fog) — песна на американската рок-група Мит папетс (Meat Puppets) од 1987 година.^[8]