Општина Старавина

Општина Старавина — поранешна општина во Македонија, која постоела во периодот 1913-1941, 1945-1955, и 1996-2005 година. Седиште на општината било селото Витолиште.^[1]

Општина Старавина (1913-1941, 1952-1955, 1996-2004) Месен народен одбор Старавина (1945-1952)
Општина на Кралство Србија / Царство Бугарија / Кралство СХС/Југославија / ДФ/НР Македонија, ДФЈ/ФНРЈ / Македонија
1913–2004 / април 2005 1955|→   2004|→
Местоположба на Општина Старавина Границите на Општина Старавина во периодот 1952-1955 година
Главен град/седиште		Старавина
Составни делови		Бешиште (1913-1941), Брник (1945-1947, 1996-2004), Будимирци (1915-1918, ок. 1930-1941, 1950-1955, 1996-2004), Градешница (1913-1941, 1950-1955, 1996-2004), Груништа (1915-1918, ок. 1930-1941, 1950-1955, 1996-2004), Зовиќ (1915-1918, ок. 1930-1941, 1945-1955, 1996-2004), Ивени (1996-2004), Маково (1996-2004), Орле (1996-2004), Петалино (1915-1918, ок. 1930-1941, 1996-2004), Рапеш (1996-2004) и Старавина (1913-1941, 1945-1955, 1996-2004)
Историја
-	Основање на Општина Старавина	1913
-	Основање на МНО Старавина	1945
-	Укинување на Општина Старавина	1955
-	Основање на Општина Старавина	1996
-	Укинување на Општина Старавина (со закон) / последно заседавање на општинскиот совет	2004 / април 2005
Население
-	1913	2,555 жит.
-	1921	1,905
-	1931	3,391
-	1948	1,004
-	1953 2002	2,966 316
Управни единици		Држава: Кралство Србија (1913-1915), Царство Бугарија (1915-1918), Кралство Југославија (1918-1941), ДФЈ/ФНРЈ (1945-1955), Македонија (1996-2004) Република: ДФ/НР Македонија (1945-1955) Бановина: Вардарска (1929-1941) Покраина: Јужна Србија (1918-1922) Округ: Битолски (1913-1922, 1945-1947) Област: Битолска (1922-1929) Срез: Мариовски (1913-1915, 1918-1941) Околија: Битолска Селска (1915-1918), Мариовска (1945-1947), Битолска (1947-1955)
Денес во		Општина Новаци, Општина Прилеп

Историја

1913-1915

Општина Витолиште за прв пат била основана во 1913 година, за време на Кралството Србија. Населени места во општината биле Бешиште, Градешница и Старавина. Општината била дел од Мариовскиот Срез, Битолски Округ.^[2]

1915-1918

Општина Витолиште продолжила да постои за време на Царството Бугарија, односно окупацијата во Првата светска војна. Општината била проширена со селата Будимирци, Груништа, Зовиќ и Петалино, на сметка на укинатата Општина Будимирци, и била дел од Битолската Селска Околија, Битолски Округ.^{[3][б 1]}

Кралство СХС/Југославија

За време на новата држава Кралство СХС (подоцна под името Кралство Југославија), Општина Витолиште продолжила да постои во рамки на Прилепскиот Срез, и почнувајќи од 1929 година, во Вардарската Бановина. Околу 1930 година, Општина Старавина била проширена, повторно на сметка на укинатата Општина Будинарци. По проширувањето, Општина Старавина се состоела од населените места: Будимирци, Бешиште, Градешница, Груништа, Зовиќ, Петалино и Старавина.^[4][5][6]

1945-1955

Месниот народен одбор Старавина бил основан во 1945 година. Тој бил дел од Мариовската Околија, Битолски Округ, и негови составни населени места биле Брник и Старавина.^{[7][б 2]} Во 1947 година, според новата административна поделба, Месниот народен одбор Старавина го загубил селото Брник, на сметка на новиот МНО Брник. МНО Старавина тогаш припаѓал во Битолската Околија.^[8] Во 1950 година, според новата административна поделба, Месниот народен одбор Старавина бил проширен со селата Будимирци и Груништа, на сметка на укинатиот МНО Будимирци, како и проширен со селото Градешница, на сметка на укинатиот МНО Градешница.^[9] Согласно административната поделба од 1952 година, сега со називот, Општина Старавина останала територијално иста.^[10] Согласно административната поделба од 1955 година, Општина Старавина била укината и нејзината општинска територија припаднала на новата Општина Мариово.^[11]

1996-2004

Согласно општинската поделба од 1996 година, Општина Старавина била обновена на сметка на намалената Општина Битола. Нејзини населени места биле Брник, Будимирци, Градешница, Груништа, Зовиќ I, Зовиќ II, Ивени, Маково, Орле, Петалино, Рапеш и Старавина.^[12] Според административната поделба од 2004 година, Општина Старавина била повторно укината на сметка на проширената Општина Новаци.^[13]

Население

Според пописот од 1913 година, Општина Старавина имала 2,555 жители, односно вкупното население на Бешиште, Градешница и Старавина.^[2]

Според пописот од 1921 година, Општина Старавина имала 1,905 жители. Според верската припадност, сите биле православни. Според јазичната припадност, сите биле Срби/Хрвати.^{[14][б 3]}

Според пописот од 1931 година, Општина Старавина имала 3,391 жители, од кои 1,801 биле мажи, а 1,590 биле жени. Општината се состоела од 655 куќи и 652 домаќинства.^[15]

Според пописот од 1948 година, Месен народен одбор Старавина имал 1,004 жители, односно вкупното население на Зовиќ и Старавина. Од таа бројка, 988 биле Македонци, 9 биле Срби, 3 биле Црногорци, 3 биле Бугари, додека 1 бил неопределен муслиман.^[16]

Според пописот од 1953 година, Општина Старавина имала 2,966 жители, односно вкупното население на Будимирци, Градешница, Груништа, Зовиќ и Старавина.

Следува табела според народностите во пописот од 1953 година:^[17][18]

Народност	Вкупно
Македонци	2,933
Срби	13
Турци	15
Хрвати	1
Црногорци	4

Население и домаќинства по населено место во 1953 година^[19]

Населено место	Домаќинства	Жители
Будимирци	93	520
Градешница	174	1.085
Груништа	50	264
Зовиќ	70	356
Старавина	147	741
Вкупно	534	2.966

Пол	Вкупно	Вкупно население по возраст во 1953 година[20]
		0-4	5-9	10-14	15-19	20-24	25-29	30-34	35-39	40-44	45-49	50-54	55-59	60-64	над 65	непознато
вк.	2.966	407	288	270	357	286	261	182	86	160	157	136	127	61	188	-
м.	1.569	216	150	134	187	149	132	88	42	91	86	70	63	32	129	-
ж.	1.397	191	138	136	170	137	129	94	44	69	71	66	64	29	59	-

Според пописот од 2002 година, Општина Старавина имала 316 жители, односно вкупното население на Брник, Будимирци, Градешница, Груништа, Зовиќ 1, Зовиќ 2, Ивени, Маково, Орле, Петалино, Рапеш и Старавина. Општината имала 1,728 мажи и 1,698 жени кои живееле во 153 домаќинства и 424 станови.

Следува табела според народностите во пописот од 2002 година:^[21]

Народност	Вкупно
Македонци	314
Срби	1
Турци	1

Поврзано

• Портал: Република Македонија

• Список на населени места во Вардарска Македонија по општина (1913-1915)
• Список на општини во Вардарска Бановина по население (1931)
• Список на општини во Македонија по население (1948)
• Список на општини во Македонија по население (1953)
• Список на општини во Македонија по население (2002)

Забелешки

1. Селото Бешиште не е споменато во изворот, но неговиот атар припаѓал во Општина Старавина.
2. Селото Зовиќ не е споменато во изворот, но неговиот атар припаѓал во Општина Старавина.
3. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.