Радово (Демирхисарско)

Радово — село во Општина Демир Хисар, во областа Железник, во околината на градот Демир Хисар.

Радово
Радово Местоположба на Радово во Македонија Радово на карта
Координати 41°19′19″N 21°10′6″E
Општина	Демир Хисар
Население	13 жит. (поп. 2021)[1]
Шифра на КО	10026
Слава	Арангел[2]
Радово на општинската карта Атарот на Радово во рамките на општината
Радово на Ризницата

Географија и местоположба

Селото се наоѓа во областа Железник, на падините на планината Лубен. Оддалечено е 13 километри северно од Демир Хисар. Околни села се: Брезово и Кочиште од северозапад и север, Растојца и Ракитница од исток, и Суво грло и Сопотница од југ.

Историја

Само 1 жител на оваа населба е заведен како жртва во Втората светска војна.^[3]

Стопанство

Население

Население во минатото

Година Нас. ±% 1948 218 —     1953 222 +1.8% 1961 179 −19.4% 1971 141 −21.2% 1981 98 −30.5%	Година Нас. ±% 1991 26 −73.5% 1994 28 +7.7% 2002 13 −53.6% 2021 13 +0.0%

Според статистиката на Васил К’нчов („Македонија, Етнографија и статистика“) од 1900 година, во Радово живееле 250 жители, сите Македонци.^[4] Според егзархискиот секретар Димитар Мишев, („La Macédoine et sa Population Chrétienne“) во 1905 година во Радово имало 216 Македонци, под врховенството на Бугарската егзархија.^[5]

На Етнографската карта на Битолскиот Вилает од 1901 г. Радово се води како чисто македонско село во Битолската каза на Битолскиот санџак со 51 куќа.^[6]

Според германска карта издадена во 1941 година, а заснована на пописот на Кралството Југославија од 1931 година, селото имало 200 Македонци.^[7]

Според пописот од 2002 година, во селото Радово живеат 13 жители, сите Македонци.^[8]

Според последниот попис од 2021 година, во селото живееле 13 жители, од кои 12 Македонци и 1 лице без податоци.^[9]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	250	216	218	222	179	141	98	26	28	13	13

Извор за 1900 г.: Македонија. Етнографија и статистика.^[10]; за 1905 г.: La Macédoine et sa Population Chrétienne.^[11]; за 1948-2002 г.: Државен завод за статистика на РМ.^[12]; за 2021 г.: Државен завод за статистика на РМ.^[13]

Родови

Радово е македонско село.

Според истражувањата на Бранислав Русиќ во 1951 година родови во селото:^[14]

• Староседелци: Ѓоревци (4 к.), Велевци (4 к.), Петревци (2 к.), Цветановци (4 к.), Митановци (5 к.), Дупчевци (3 к.) од овој род потекнува Алексо Стефанов, и Анѓелевци (6 к.).
• Доселеници: Мијаковци (4 к.) основачот на родот дошол како домазет од некое село во мијачкиот крај, го знаат следното родословие: Толе (жив на 65 г. во 1951 година) Блаже-Јанкула, дошол некој дедо негов.

Општествени установи

Самоуправа и политика

Избирачко место

Во селото постои избирачкото место бр. 653 според Државната изборна комисија, сместени во просториите на основното училиште.^[15]

На претседателските избори во 2019 година, на ова избирачко место биле запишани вкупно 8 гласачи.^[16]

Културни и природни знаменитости

Археолошки наоѓалишта^[17]

• Грамаѓе — населба, некропола и рудник од римско време;
• Клаинец — некропола од средниот век;
• Краста — некропола од средниот век;
• Манастириште — црква од средниот век;

Редовни настани

Личности

• Алексо Стефанов - Војвода
• Наумче Стојков Велевски — македонски револуционер од ВМОРО.^[18]
• Алексо Настов Наумоски — македонски револуционер од ВМОРО.^[19]
• Ристе Неделков Илијоски — македонски револуционер од ВМОРО.^[20]
• Ѓурѓа Трајан Илковска — учесник во НОВ на Македонија

Култура и спорт

Иселеништво

Постари иселеници до 1951 година има во Србија (4 семејства, Крагуевац, Јабука, Парачин, Качарево), Бугарија (2 семејства), Романија (1 семејство), САД (2 семејства), Битола (7 семејства).^[14]