Соња Каранџулоска

Соња Каранџулоска (Прилеп, 25 септември 1948 — Скопје, 25 мај 2025 ) — македонска театарска, филмска и телевизиска глумица. Во 1971 година, таа дипломирала на Факултетот за драмски уметности во Скопје, во првата генерација дипломирани глумци во класата на професорот Илија Милчин. Целиот свој работен век го минала во Македонскиот народен театар во Скопје.^[1][2]

Соња Каранџулоска
Роден	25 септември 1948 Прилеп, НР Македонија, ФНРЈ
Починал	25 мај 2025(2025-05-25) (возр. 76) Скопје, Македонија
Националност	Македонка
Народност	Македонка
Познат	по улогите во: Македонски народни приказни Преспав Трето доба Денес, утре
Занимање	глумица

Животопис

Соња Каранџуловска дипломира на Факултетот за драмски уметности во Скопје во 1971 година, во првата генерација на дипломирани актери, во класата на проф. Илија Милчин, заедно со: Петре Арсовски, Мајда Тушар, Ѓорѓи Колозов, Снежана Киселичка, Гоце Влахов, Кирил Псалтиров, Лилјана Велјанова, Ацо Дуковски и Љупчо Петрушевски. Во Македонски народен театар работи од 1974 до 2014 година.

На сцената на МНТ, игра уште пред вработувањето. Прва улога и е Авдотја во претставата „Децата на сонцето“ (1973), во режија на Илија Милчин. Следуваат, меѓу останатите, Ангелина во „Потоп“ (1974), Лиза Дроздова во „Бесови“ (1978), Малтескињата Лезли во „Кенгурски скок“ (1979), Валерија во „Лов на диви пајки“ (1979), Паулина во „Череп“ (1980), Рената во „Војна и мир во Груда“ (1981), Нора во „Габи“ (1982), Анка во „Госпоѓа министерка“ (1983), Доли, пудлата, во „Воена тајна“ (1984), Мараја во „Слободни врски“ (1984), Клара во „Големиот брилјантен валцер“ (1986), Марија Луиса Балванера во „Еригон“ (1999), Третата госпоѓа во "Жени во народно собрание" (2004), Болничарка во „Мара/Сад“ (2008), а последна и е улогата во „Троил и Кресида“ (2010).

Особено значајна и карактеристична и е монодрамата „Клитемнестра“, во продукција на Македонски народен театар, Скопје, а чија премиера е на 9 октомври 2002 година,. Истата година со оваа претстава настапува на Фестивал на монодрама во Битола, фестивалот на монодрама во Земун и на „Барско лето“, Бар, во 2003 година. „Клитемнестра“ е разултат на она што ја карактеризираше Каранџуловска – желбата да се биде на сцена.

Филмографија

Каранџулоска ги остварила филмските улоги:^[3]

Година	Филм	Улога
1973	Новогодишен карусел ТВ-филм
1979	Томе од бензинската пумпа ТВ-филм
1980	Време, води ТВ-филм	Параскева
1985	На наш начин ТВ-серија
1985	Легенди и преданија ТВ-серија
1987	Хај-фај ТВ-филм
1987	Пикасо ТВ-филм	Продавачка
1987	Трето доба ТВ-серија
1988	Марија лета со авион ТВ-филм
1992	Време, живот ТВ-филм
1994-1997	Македонски народни приказни ТВ-серија
1998	Денес, утре ТВ-филм	Службеничка
2000	Погрешно време ТВ-серија	Госпоѓа со куче
2005	Обични луѓе ТВ-серија	Параскева
2010-2011	Од денес за утре ТВ-серија	Затвореничка 2
2010-2012	Македонски стари приказни ТВ-серија
2011	Турни ме да кинисам ТВ-серија	Снеже
2014	Приказни од животот ТВ-серија	Вера
2015	Македонски народни приказни ТВ-серија	Селанка
2016	Преспав ТВ-серија	Прва гостинка
2017	Македонски приказни ТВ-серија	Бабата
2018	Година на мајмунот ТВ-филм	Келнерка
2021-2022	Преспав ТВ-серија	Свештеничката