Средно Коњари

Средно Коњари — село во Општина Петровец, во областа Блатија, во околината на град Скопје.

Средно Коњари
Средно Коњари Местоположба на Средно Коњари во Македонија Средно Коњари на карта
Координати 41°57′28″N 21°42′53″E
Општина	Петровец
Население	1.211 жит. (поп. 2021)[1]
Шифра на КО	25122
Надм. вис.	250 м
Средно Коњари на општинската карта Атарот на Средно Коњари во рамките на општината
Средно Коњари на Ризницата

Географија и местоположба

Селото се наоѓа во областа Блатија, на левиот брег на реката Пчиња, на околу петнаесет километри југоисточно од општинскиот центар Петровец и на 30 километри југоисточно од градот Скопје.

Историја

Подрачјето на селото е населено уште од римско време, за што сведочи наоѓалиштето Пржали сместено на 5 км источно од него.^[2]

Во XIX век селото било дел од Скопската каза во Отоманското Царство.

Стопанство

Население

Население во минатото

Година Нас. ±% 1948 1.218 —     1953 1.267 +4.0% 1961 874 −31.0% 1971 842 −3.7% 1981 1.089 +29.3%	Година Нас. ±% 1991 818 −24.9% 1994 1.102 +34.7% 2002 1.140 +3.4% 2021 1.211 +6.2%

Според статистиката на бугарскиот етнограф Васил К’нчов (Македонија. Етнографија и статистика) од 1900 година, во Средно Коњари живееле 855 жители, од кои 820 Турци и 35 Македонци.^[3]

Според германска карта издадена во 1941 година, а заснована на пописот на Кралството Југославија во 1931 година, селото имало 850 Турци.^[4]

Во 1991 година во Средно Коњари живееле 818 жители, од кои 599 Албанци, 90 Турци, 3 Роми и 410 останати.

Според пописот на населението на Македонија од 2002 година, селото има 1.140 жители, од кои 668 Албанци, 61 Турчин, 402 Бошњаци и 9 останати.^[5]

Според последниот попис од 2021 година, во селото живееле 1.211 жители, од кои 7 Македонци, 608 Албанци, 89 Турци, 2 Роми, 462 Бошњаци, 2 останати и 41 лице без податоци.^[6]

На табелата е прикажан националниот состав на населението низ сите пописни години:^[7]

Година	Македонци	Албанци	Турци	Роми	Власи	Срби	Бошњаци	Ост.	Лица без под.	Вкупно
1948	—	—	—	—	—	—	—	—	—	1.218
1953	—	—	1.260	7	—	—	...	—	—	1.267
1961	1	87	694	...	...	—	...	84	—	874
1971	—	389	311	—	...	—	...	142	—	842
1981	2	478	176	—	—	—	...	433	—	1.089
1991	—	304	75	1	—	—	—	438	—	818
1994	—	599	90	3	—	—	—	410	—	1.102
2002	—	668	61	—	—	—	402	9	—	1.140
2021	7	608	89	2	—	—	462	2	41	1.211

Во пописните години од 1961 - 1994, најголем дел од жители, кои се запишани под останати, всушност претставуваат Бошњаци, кои во соодветните пописи немало можност за декларирање на бошњачки народ.

Родови

Средно Коњари порано било турско село. Но денес преовладуваат Албанците и бошњаците во селото:

Според истражувањата од 1953 година, родови во селото биле:^[8]

• Доселеници: Еселер (27 к.), Агушлар (45 к.), Гунгалар (20 к.), Исеинлер (25 к.), Јонузлар (36 к.), Бичкалари (30 к.), Турколар (18 к.) Ќеримлери (18 к.) и Каранџалар (13 к.) првиот род е најстар во селото. Сите турски родови се доселени кон крајот на XVIII век од Мала Азија. Во последниот род се знае следното родословие: Рамадан (жив на 65 г. во 1953 година) Дурмиш-Демир-Шериф-Таир, кој се доселил од Мала Азија.

Општествени установи

Самоуправа и политика

Културни и природни знаменитости

Археолошки наоѓалишта^[2]

• Пржали — населба од римско време
• Средно Коњари — осамени наоди од римско време

Редовни настани

Личности

Култура и спорт

Иселеништв

Од 1912 до 1953 година од селото се иселиле околу 100 турски семејства, и тоа во. Скопје (50 семејства), Велес (6 семејства) и во Турција (45 семејства). Иселувањето на турското население продолжило и после 1953 година и водело исклучиво кон Турција.^[8]