Балканска Федерација (весник)

„Балканска федерација“ (француски: La Fédération balkanique) бил весник на комунистичките партии од балканските земји (Албанија, Бугарија, Грција, Македонија, Србија и Хрватска). Излегувал од 15 јули 1924 до февруари 1932 година. Прво излегувал во Виена, а потоа од мај 1931 до февруари 1932 година - во Франкфурт.^[1] Излегувал двапати месечно. Го редактирале Димитар Влахов, Георги Димитров, Никола Харлаков и други емигранти комунисти од балканските земји.

Балканска Федерација

Број 117-118 на "Балканска Федерација".
Уредник	Димитар Влахов, Никола Харлаков
Основан	15 јули 1924
Јазик	француски, бугарски, хрватски, српски, албански, грчки, романски, турски, подоцна и германски
Престанал	февруари 1932
Седиште	Франкфурт

Според уводникот во првиот број, имал задача „да пропагира ослободување и самоопределување на балканските народи и нивно федерирање“. Авторите се застапувале главно за Балканска федерација. Имал особено значење за популаризирањето на македонското прашање во светот.

Покрај уредниците, автори на текстовите се и др. Филип Атанасов, Петар Чаулев, Павел Шатев и др.