ကာကွယ်ရေးဦးစီးချုပ် (ကြည်း)

ကာကွယ်ရေးဦးစီးချုပ် (ကြည်း) (အင်္ဂလိပ်: Commander-in-Chief (Army)) သည် တပ်မတော် (ကြည်း)၏ အကြီးအကဲဖြစ်ပြီး အစဉ်အလာအားဖြင့် ဒုတိယတပ်မတော်ကာကွယ်ရေးဦးစီးချုပ်ရာထူးနှင့် ထမ်းဆောင်ရသော ရာထူးတာဝန်ဖြစ်သည်။ ထို့ကြောင့် တပ်မတော် (ကြည်း)၏ ပြန်တမ်းဝင်အရာရှိများကို ခန့်အပ်သော ရာထူးများထဲ၌ “ဒုတိယ အဆင့်အမြင့်ဆုံး” ဖြစ်ပြီး တပ်မတော်တစ်ရပ်လုံးတွင် ၎င်း၏အထက်၌ တပ်မတော်ကာကွယ်ရေးဦးစီးချုပ် ရာထူးသာရှိသည်။ အဆင့်သတ်မှတ်ချက်မှာ “ဒုတိယဗိုလ်ချုပ်မှူးကြီး” ဖြစ်သည်။ လက်ရှိ ကာကွယ်ရေးဦးစီးချုပ်(ကြည်း) ရာထူးတာဝန်ထမ်းဆောင်နေသူမှာ ဒုတိယဗိုလ်ချုပ်မှူးကြီး စိုးဝင်း ဖြစ်သည်။^[၁]

တပ်မတော် (ကြည်း) ၏ ကာကွယ်ရေးဦးစီးချုပ်
ကာကွယ်ရေးဦးစီးချုပ်(ကြည်း)၏ အလံတော်
တာဝန်ထမ်းဆောင်ဆဲပုဂ္ဂိုလ် ဒုတိယဗိုလ်ချုပ်မှူးကြီး စိုးဝင်း မတ် ၃၀၊ ၂၀၁၁ (၂၀၁၁-၀၃-၃၀) မှစ၍
တပ်မတော် (ကြည်း)
အမျိုးအစား	စစ်ဘက်ဆိုင်ရာ ရာထူး
အဖွဲ့ဝင်	ကာကွယ်ရေးဌာနကောင်စီ
အစီရင်ခံရသူ	တပ်မတော်ကာကွယ်ရေးဦးစီးချုပ်
စံအိမ်	စစ်ရုံး၊ နေပြည်တော်
ရုံးတည်နေရာ	ဒုတိယတပ်မတော်ကာကွယ်ရေးဦးစီးချုပ်ရုံး/ ကာကွယ်ရေးဦးစီးချုပ်ရုံး (ကြည်း)၊ စစ်ရုံး၊ နေပြည်တော်
ယခင်လူ	ဒုတိယကာကွယ်ရေးဦးစီးချုပ် (ကြည်းတပ်)
ဖွဲ့စည်းခြင်း	၄ ဇန်နဝါရီ ၁၉၄၈ (၇၇ နှစ် အကြာက) (၁၉၄၈-၀၁-04)
ပထမဆုံး ထမ်းဆောင်သူ	ဗိုလ်မှူးချုပ် စောကြာဒိုး
လက်ထောက်	စစ်ဦးစီးအရာရှိချုပ်(ကြည်း)
အဆင့်/တံဆိပ် အဆောင်အယောင်များ
ဒုတိယဗိုလ်ချုပ်မှူးကြီး

ကာကွယ်ရေးဦးစီးချုပ် (ကြည်း) များစာရင်း

ဒုတိယတပ်မတော်ကာကွယ်ရေးဦးစီးချုပ်များသည် ကာကွယ်ရေးဦးစီးချုပ် (ကြည်း) များဖြစ်ကြသည်။^[၂]

စဉ်	ဓာတ်ပုံ	ပြန်တမ်းဝင်အမှတ်	ရာထူးအဆင့်နှင့်အမည်	တာဝန်သက်တမ်း	မှတ်ချက်
ကြည်းတပ်ဦးစီးချုပ်
၁။		ကြည်း ၅၁၀၇	ဗိုလ်မှူးချုပ် စောကြာဒိုး	၄ ဇန်နဝါရီ ၁၉၄၈ – ၁ ဩဂုတ် ၁၉၄၈	ကရင်လူမျိုးဖြစ်ပြီး ကရင်ပြည်တွင်းစစ်ကြောင့် အငြိမ်းစားပေးခံခဲ့ရသည်။
၂။		ကြည်း ၃၅၀၂	ဗိုလ်မှူးချုပ် နေဝင်း	၁ ဩဂုတ် ၁၉၄၈ – ၁ ဖေဖော်ဝါရီ ၁၉၄၉	နောင်တွင်ကာကွယ်ရေးဦးစီးချုပ်ဖြစ်လာသည်။
၃။		ကြည်း ၃၄၅၈	ဗိုလ်မှူးချုပ် အောင်ကြီး	၁ ဖေဖော်ဝါရီ ၁၉၄၉ – ၂၈ စက်တင်ဘာ ၁၉၅၅[၃]
ဒုတိယကာကွယ်ရေးဦးစီးချုပ် (ကြည်းတပ်)
(၃)		ကြည်း ၃၄၅၈	ဗိုလ်မှူးချုပ် အောင်ကြီး	၂၈ စက်တင်ဘာ ၁၉၅၅ – ၁၅ ဖေဖော်ဝါရီ ၁၉၆၃
၄။		ကြည်း ၃၅၆၇	ဗိုလ်ချုပ် စန်းယု	၁၅ ဖေဖော်ဝါရီ ၁၉၆၃ – ၂၀ ဧပြီ ၁၉၇၂	နောင်တွင်ကာကွယ်ရေးဦးစီးချုပ်ဖြစ်လာသည်။
၅။		ကြည်း ၃၅၆၁	ဒုတိယဗိုလ်ချုပ်ကြီး သူရ တင်ဦး	၂၀ ဧပြီ ၁၉၇၂ – ၈ မတ် ၁၉၇၄	နောင်တွင်ကာကွယ်ရေးဦးစီးချုပ်ဖြစ်လာသည်။
၆။		ကြည်း ၅၃၂၂	ဒုတိယဗိုလ်ချုပ်ကြီး သူရကျော်ထင်	၈ မတ် ၁၉၇၄ – ၆ မတ် ၁၉၇၆	နောင်တွင်ကာကွယ်ရေးဦးစီးချုပ်ဖြစ်လာသည်။
၇။		ကြည်း ၆၁၃၃	ဒုတိယဗိုလ်ချုပ်ကြီး အေးကို	၆ မတ် ၁၉၇၆ – ၁၃ မတ် ၁၉၈၁
၈။		ကြည်း ၅၈၉၆	ဒုတိယဗိုလ်ချုပ်ကြီး ထွန်းရီ	၁၃ မတ် ၁၉၈၁ – ၁၉၈၃
၉။		ကြည်း ၆၁၈၇	ဒုတိယဗိုလ်ချုပ်ကြီး စောမောင်	၁၉၈၃ – ၄ နိုဝင်ဘာ ၁၉၈၅	နောင်တွင်ကာကွယ်ရေးဦးစီးချုပ်ဖြစ်လာသည်။
၁၀။		ကြည်း ၆၇၁၀	ဒုတိယဗိုလ်ချုပ်ကြီး သန်းရွှေ	၄ နိုဝင်ဘာ ၁၉၈၅ – ၁၀ မေ ၁၉၈၉
ကာကွယ်ရေးဦးစီးချုပ် (ကြည်း)
(၁၀)		ကြည်း ၆၇၁၀	ဗိုလ်ချုပ်ကြီး သန်းရွှေ	၁၀ မေ ၁၉၈၉ – ၂၃ ဧပြီ ၁၉၉၂	၁၉၉၀ တွင် ဗိုလ်ချုပ်ကြီး ဖြစ်လာခဲ့သည်။ နောင်တွင်ကာကွယ်ရေးဦးစီးချုပ်ဖြစ်လာသည်။
၁၁။		ကြည်း ၇၈၇၅	ဒုတိယဗိုလ်ချုပ်မှူးကြီး မောင်အေး	၂၃ ဧပြီ ၁၉၉၂ – ၃၀ မတ် ၂၀၁၁
၁၂။		ကြည်း ၁၆၄၈၉	ဒုတိယဗိုလ်ချုပ်မှူးကြီး စိုးဝင်း	၃၀ မတ် ၂၀၁၁ – လက်ရှိ

ဆက်စပ်

• တပ်မတော်ကာကွယ်ရေးဦးစီးချုပ်
• ဒုတိယတပ်မတော်ကာကွယ်ရေးဦးစီးချုပ်
• ကာကွယ်ရေးဦးစီးချုပ်(ရေ)
• ကာကွယ်ရေးဦးစီးချုပ်(လေ)