တိုင်းရင်းသားစည်းလုံးညီညွတ်ရေးပါတီ

တိုင်းရင်းသားစည်းလုံးညီညွတ်ရေးပါတီ (အင်္ဂလိပ်: National Unity Party; အတိုကောက် တစည) ဆိုသည်မှာ ပြည်ထောင်စုမြန်မာနိုင်ငံတော်၏ နိုင်ငံရေးပါတီ တစ်ခု ဖြစ်သည်။ မြန်မာ့ဆိုရှယ်လစ်လမ်းစဉ်ပါတီမှ ၁၉၈၈ခုနှစ် စက်တင်ဘာလ ၂၄ရက်နေ့တွင် အမည်‌ပြောင်းခဲ့ခြင်းဖြစ်ပြီး^[၃][၄] လမ်းစဉ်ပါတီ၏ အမွေကိုဆက်ခံယူထားသော ပါတီဖြစ်သည်။ ပါတီ၏ နိုင်ငံရေး သဘောတရားမှာ ဆိုရှယ်လစ်ဝါဒ (ခေါ်) လူအများကောင်းစားရေး ဝါဒဖြစ်သည်။ ပါတီ၏ နိုင်ငံရေးရပ်တည်ချက်မှာ အလယ်-လက်ဝဲ ဖြစ်သည်။^[၇] တစညပါတီအနေနဲ့ တနိုင်ငံလုံးမှာ ပါတီရုံးရှိတဲ့ မြို့နယ်ပေါင်း ၂၉၀ ရှိသည်။ ၂၀၁ဝမှာပါတီဝင်အင်အား ၇ သိန်းကျော် ရှိသည်။^[၈] ပထမဦးဆုံးသော ပါတီဥက္ကဋ္ဌမှာ သာကျော်၊ ဦး နိုင်ငံတော်ကောင်စီဝင်(ငြိမ်း) ဖြစ်သည်။ လက်ရှိတွင် ပါတီဥက္ကဋ္ဌမှာ ဦးဟန်ရွှေဖြစ်သည်။^[၁]

တိုင်းရင်းသားစည်းလုံးညီညွတ်ရေးပါတီ
အင်္ဂလိပ် အမည်	National Unity Party
နာယက	ဦးဟန်ရွှေ[၁][၂]
အထွေထွေ အတွင်းရေးမှူး	ဦးထွန်းရီ[၁]
ဒုတိယဥက္ကဋ္ဌ	ဦးသိန်းထွန်း[၁]
တွဲဖက်အတွင်းရေးမှူးများ	ဦးနေဝင်း နှင့် ဦးညွန့်တင်[၁]
တည်ထောင်ခြင်း	၂၄ စက်တင်ဘာ ၁၉၈၈ (၂၄ စက်တင်ဘာ ၁၉၈၈)[၃][၄]
ယခင်	မြန်မာ့ဆိုရှယ်လစ်လမ်းစဉ်ပါတီ
ဌာနချုပ်	အမှတ်၂၄၊ ရွှေတောင်ကြား(၁)ရပ်ကွက်၊ အောင်ဇေယျလမ်း၊ ဗဟန်းမြို့နယ်၊ ရန်ကုန်မြို့
သတင်းစာ	တိုင်းရင်းသား သတင်းဂျာနယ်
အဖွဲ့ဝင်	၅၀၀,၀၀၀[၅]
နိုင်ငံရေး သဘောတရား	ဆိုရှယ်လစ်ဝါဒ
ရပ်တည်ချက်	အလယ်-လက်ဝဲ
အရောင်	မိုးပြာရောင်[၆]
အမျိုးသားလွှတ်တော် အမတ်နေရာ	၁ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
ပြည်နယ်နှင့် တိုင်းဒေသကြီး လွှတ်တော်များ	၀ / ၈၈၀
ပါတီအလံ
မြန်မာနိုင်ငံ၏ နိုင်ငံရေး နိုင်ငံရေးပါတီများ

ယခင်အလံ(၁၉၈၈-၂၀၁၆)

၁၉၉၀ ပြည်လုံးကျွတ် ပါတီစုံအထွေထွေ ရွေးကောက်ပွဲတွင် စုစုပေါင်းမဲပေးသူ အရေအတွက် ၁၃,၂၅၃,၆၀၆ မဲ တွင် မဲအရေတွက် ၂,၈၀၅,၅၅၉ မဲနှင့် မဲပေးသူ၏ (၂၁.၂%) မဲဆန္ဒနယ် (၄၉၂) ခုရှိရာတွင် မဲဆန္ဒနယ်(၁၀)နေရာ၌ အနိုင်ရရှိခဲ့သည်။ ၁၉၉၀ ရွေးကောက်ပွဲ ကာလက မြန်မာ့နိုင်ငံရေးပါတီများထဲတွင် ဒုတိယ အင်အားအကြီးမားဆုံး နိုင်ငံရေးပါတီဖြစ်သည်။ တိုင်းရင်းသား စည်းလုံးညီညွတ်ရေးပါတီ၏ မဟာမိတ်ပါတီများမှာ -

1. တောင်သူလယ်သမားစည်းလုံးညီညွတ်ရေးပါတီ
2. အလုပ်သမားစည်းလုံးညီညွတ်ရေးပါတီ
3. လူငယ်စည်းလုံးညီညွတ်ရေးပါတီတို့ဖြစ်ကြသည်။

၂၀၁၅ ရွေးကောက်ပွဲတုန်းကတော့ မဲဆန္ဒနယ်တိုင်းလိုလိုမှာ ဝင်ရောက်အရွေးခံခဲ့သည်။ ဒါပေမဲ့ ကချင်ပြည်နယ်က အမျိုးသားလွှတ်တော်တနေရာမှာပဲ အနိုင်ရခဲ့သည်။^[၉]

၂၀၂၀ ပါတီစုံ အထွေထွေရွေးကောက်ပွဲမှာ တိုင်းရင်းသားစည်းလုံးညီညွတ်ရေး (တစည) ပါတီက ကိုယ်စားလှယ်လောင်း ၄၀၀‌ကျော် ဝင်ရောက်ယှဉ်ပြိုင်သွားမယ်လို့  တိုင်းရင်းသားစည်းလုံးညီညွတ်ပါတီ တာဝန်ရှိသူတွေက ပြောသည်။ ၂၀၂၀ ရွေးကောက်ပွဲတွင် မြို့နယ် ၁၇၇ မြို့နယ်၌ ဝင်ရောက်ယှဉ်ပြိုင်မည်ဖြစ်ပြီး ရခိုင်ပြည်နယ်တွင် ယှဉ်ပြိုင်မည်မဟုတ်ဟု ပါတီဒုတိယဥက္ကဋ္ဌ ပြောကြားသည်။^{[၁၀][၁၁]}

ရွေးကောက်ပွဲ ရလဒ်များ

အမျိုးသားလွှတ်တော်

ရွေးကောက်ပွဲ	အနိုင်ရနေရာ စုစုပေါင်း	မဲစုစုပေါင်း	Share of votes	ရွေးကောက်ပွဲ ရလဒ်	ခေါင်းဆောင်သူ
၂၀၁၀	၅ / ၂၂၄	၄,၃၀၂,၀၈၂		၅; Opposition	ဦးထွန်းရီ
၂၀၁၂ (ပြီးနောက်)	၅ / ၂၂၄			; Opposition	ဦးထွန်းရီ
၂၀၁၅	၁ / ၂၂၄			၄; Opposition	ဦးသန်းတင်

ပြည်သူ့လွှတ်တော်

ရွေးကောက်ပွဲ	အနိုင်ရနေရာ စုစုပေါင်း	မဲစုစုပေါင်း	Share of votes	ရွေးကောက်ပွဲ ရလဒ်	ခေါင်းဆောင်သူ
၁၉၉၀	၁၀ / ၄၉၂	၂,၈၀၅,၅	၂၁.၂%	၁၀; not recognised	ဦးသာကျော်
၂၀၁၀	၁၂ / ၄၄၀	၄,၀၆၀,၈၀၂	၁၉.၄၄%	၂; Opposition	ဦးထွန်းရီ
၂၀၁၂ (ပြီးနောက်)	၁၂ / ၄၄၀			; Opposition	ဦးထွန်းရီ
၂၀၁၅	၀ / ၄၄၀			၁၂; Extra-parliamentary Opposition	ဦးသန်းတင်

ကြားဖြတ်ရွေးကောက်ပွဲ

ရွေးကောက်ပွဲ	Seats up for election	Seats contested by party	Contested seats won	Contested seats lost	မဲစုစုပေါင်း	Share of votes	ရွေးကောက်ပွဲ ရလဒ်
၂၀၁၂	၃၇ (ပြည်သူ့) / ၅ (အမျိုးသား)	၂၈ (ပြည်သူ့) / ၄ (အမျိုးသား)	၀ (ပြည်သူ့) / ၀ (အမျိုးသား)	၃၇ (ပြည်သူ့) / ၄ (အမျိုးသား)			no seat gain or lost

ပါတီမူဝါဒ

လူအများကောင်းစားရေး ဝါဒ၊ ပြည်သူ့အကျိုးပြု လမ်းစဉ်၊ မဇ္ဈိမ ပဋိပဋာ ဆိုတဲ့ အခြေခံအချက်ကို မပြောင်းလဲဘဲ နိုင်ငံရေးမှာ အရေးကြီးဆုံး ရိုးသားမူကို အခြေခံပြီး ပြည်သူရဲ့ ထောက်ခံမူရအောင် ကြိုးစားသွားမယ်။ တိုင်းရင်းသား စည်းလုံးညီညွတ်ရေးနဲ့ အမျိုးသား အကျိုးစီးပွားကို အခြေခံပြီး ဒီမိုကရေစီစနစ်ကို ကျင့်သုံးရေး။^[၈]

ဖွဲ့စည်းပုံ

• ဥက္ကဋ္ဌ - ဦးဟန်ရွှေ‌^[၁]
• ဒုတိယဥက္ကဋ္ဌ - ဦးသိန်းထွန်း^[၁]
• အထွေထွေအတွင်းရေးမှူး - ဦးထွန်းရီ^[၁]
• တွဲဖက်အတွင်းရေးမှူးများ - ဦးနေဝင်း နှင့် ဦးညွန့်တင် ^[၁]
• ဗဟိုအလုပ်အမှူဆောင်အဖွဲ့ဝင်များ
• ဌာနကြီးမှူးများ
• ဖွဲ့စည်းပုံအဆင့်ဆင့်
• ဝင်ရောက်ယှဉ်ပြိုင်မည့် လွှတ်တော်အဆင့်ဆင့်

1. အမျိုးသားလွှတ်တော်
2. ပြည့်သူ့လွှတ်တော်
3. ပြည်နယ်(သို့မဟုတ်)တိုင်းဒေသကြီးလွှတ်တော်

• ပါတီတည်ထောင်ခွင့်လျှောက်ထားရက် - ၂၄-၉-၈၈
• ပါတီအဖြစ်ဆက်လက်မှတ်ပုံတင် - ၂၅-၃-၂၀၁၀
• ပါတီမှတ်ပုံတင်ခွင့်ရရက် - ၂၉-၄-၂၀၁၀
• ၁၉၉ဝ ရွေးကောက်ပွဲဝင်ပါတီ

ဆက်လေ့လာရန်

• အမျိုးသား ဒီမိုကရေစီ အဖွဲ့ချုပ်
• ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
• ဒီမိုကရက်တစ်ပါတီ (မြန်မာ)