အောင်လင်းဒွေး
အမျိုးသား ကာကွယ်ရေးနှင့် လုံခြုံရေးကောင်စီရုံး အမှုဆောင်ချုပ် From Wikipedia, the free encyclopedia
Remove ads
ဦးအောင်လင်းဒွေး (၃၁ မေ ၁၉၆၂ မွေးဖွား)သည် နိုင်ငံတော်လုံခြုံရေး နှင့် အေးချမ်းသာယာရေးကော်မရှင် ၏ အဖွဲ့ဝင် နှင့် အမျိုးသားကာကွယ်ရေးနှင့်လုံခြုံရေးကောင်စီရုံး အမှုဆောင်ချုပ် ဖြစ်သည်။[၁] [၂] ယင်းမတိုင်မီက သူသည် မြန်မာ့တပ်မတော် ဗိုလ်ချုပ်ကြီး နှင့် ၂၀၂၁ စစ်အာဏာသိမ်းမှုဖြစ်ပွားခဲ့ပြီးနောက် ဖွဲ့စည်းခဲ့သော နိုင်ငံတော်စီမံအုပ်ချုပ်ရေးကောင်စီတွင် အတွင်းရေးမှူး အဖြစ် တာဝန်ယူခဲ့သူ ဖြစ်သည်။[၃]
Remove ads
ငယ်ဘဝ
၁၉၆၂ ခု၊ မေလ ၃၁ ရက်တွင် မွေးသည်။ မွေးချင်းညီမ စုစုဒွေးမှာ ကျန်းမာရေးဝန်ကြီးဌာန တိုင်းရင်းဆေးပညာဦးစီးဌာန ညွန်ကြားရေးမှူးချုပ် ဖြစ်သည်။
စစ်မှုထမ်းဘဝ
စစ်တက္ကသိုလ် ဗိုလ်လောင်းသင်တန်း အပတ်စဉ် ၂၅ နှင့် ကျောင်းဆင်းသည်။ပြန်တမ်းဝင်အမှတ် ကြည်း ၁၈၂၆၃ ဖြင့် စစ်မှုထမ်းသည်။ ဗိုလ်ချုပ်မှူးကြီး မင်းအောင်လှိုင် နှင့် နီးကပ်သည့် ဆက်ဆံရေးရှိသည်။သစ္စာရှိသော လက်ရုံးအဖြစ် သတ်မှတ်ခံရသည်။[၄]
သူသည် ဗိုလ်မှူးကြီးအဆင့်ဖြင့် ဒကစမှူး(စစ်တွေ) မှသည် စစ်တက္ကသိုလ် အောင်ဇေယျဗိုလ်လောင်းတပ်ရင်း တပ်ရင်းမှူးအဖြစ် တာဝန်ထမ်းသည်။ ဗိုလ်မှူးချုပ်အဆင့်ဖြင့် ၂၀၁၁ မေ ၉ - ၂၀၁၁ အောက်တိုဘာ ၃ ကာလကို တပ်မတော်နည်းပညာတက္ကသိုလ် ကျောင်းအုပ်အဖြစ် တာဝန်ယူသည်။ နောက် ဗိုလ်ချုပ်အဆင့်ဖြင့် အနောက်ပိုင်းတိုင်းစစ်ဌာနချုပ် တိုင်းမှူး[၅] ၊ တပ်မတော်မှတ်တမ်းရုံး ညွှန်ကြားရေးမှူးချုပ်တို့သို့ ပြောင်းလဲထမ်းဆောင်သည်။
၂၀၁၆ ခုနှစ် ဩဂုတ်လတွင် ဒုတိယဗိုလ်ချုပ်ကြီးအဆင့်ဖြင့် စစ်ဥပဒေချုပ် ဖြစ်လာသည်။ ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီတွင် ပါဝင်ခဲ့သည်။
၂၀၂၁ခုနှစ် ဖေဖော်ဝါရီ ၁ ရက်နေ့ တွင် နိုင်ငံတော်စီမံအုပ်ချုပ်ရေးကောင်စီအတွင်းရေးမှူး အဖြစ်ခန့်အပ်ခံရသည်။အစိုးရ၏ အမိန့်ကြော်ငြာစာ များအား ပုံ ကောင်စီအတွင်းရေးမှူး ဖြင့် လက်မှတ်ရေးထိုး ထုတ်ပြန်ခဲ့ရသူ လည်းဖြစ်၍ လူသိများသည်။
၂၀၂၂ ခုနှစ် ဇန်နဝါရီ လထဲတွင် စစ်ကောင်စီအတွင်းရေးမှူး နေရာကိုသာပေးပြီး တပ်မတော် စစ်ဥပဒေချုပ် ရာထူးမှ အနားပေးခံရသည်။ တပ်မတော်အရန်အင်အား သို့ ရောက်ရှိသွားသည်။[၆] သူ့၏ တပ်မတော်ရာထူးနေရာအား တပ်မတော်အင်အားဖြည့်တင်းရေး ညွှန်ကြားရေးမှူးရုံး (ကကအင်) မှ ညွှန်ကြားရေးမှူး ဗိုလ်ချုပ် မျိုးသန့်နိုင်က ဒုတိယဗိုလ်ချုပ်ကြီးရာထူးတိုးကာ ဆက်ခံသည်။
ယင်းနောက် ၂၀၂၄ ခုနှစ်၊ ဩဂုတ်လအတွင်း စစ်ကောင်စီခေါင်းဆောင် ဗိုလ်ချုပ်မှူးကြီး မင်းအောင်လှိုင်၏ ယုံကြည်စိတ်ချရသူများဖြစ်သည့် ဒုတိယဗိုလ်ချုပ်ကြီး ရဲဝင်းဦးနှင့် ဒုတိယဗိုလ်ချုပ်ကြီး ညိုစောတို့နှင့်အတူ ဗိုလ်ချုပ်ကြီးရာထူးသို့ တိုးမြှင့်ခံခဲ့ရသည်။။[၇]
၂၀၂၅ ခုနှစ် ဇူလိုင် ၃၁ ရက် တွင် နိုင်ငံတော်လုံခြုံရေး နှင့် အေးချမ်းသာယာရေးကော်မရှင် ၏ အဖွဲ့ဝင် နှင့် အမျိုးသားကာကွယ်ရေးနှင့်လုံခြုံရေးကောင်စီရုံး အမှုဆောင်ချုပ် အဖြစ် တာဝန်ပေးခံရသည်။ ထိုရက်မှာပင် သူသည် ဗိုလ်ချုပ်ကြီး ရာထူးအားလည်း စွန့်လွှတ်လိုက်ရပြီး ဦးအောင်လင်းဒွေး အမည်ဖြင့် အထက်ပါရာထူးများကို ပေးအပ်ခံရခြင်းဖြစ်သည်။[၈][၉]
Remove ads
မိသားစုဘဝ
ဇနီးဖြစ်သူမှာ ဒေါ်ဥမ္မာမြင့် ဖြစ်ပြီး သားသမီးများမှာ
- ရွှေရည်ဖြိုးပြည့် ဆောက်လုပ်ရေးနှင့် အင်ဂျင်နီယာလုပ်ငန်းများ ကုမ္ပဏီပိုင်ရှင် ရွှေရည်ဖူးအောင်
- မင်္ဂလာအောင်မြေဆောက်လုပ်ရေးကုမ္ပဏီပိုင်ရှင် လှိုင်ဘွားအောင် (မိခင်နှင့်အတူပိုင်)
- အောင်မြင့်မိုရ်လင်းဆောက်လုပ်ရေးကုမ္ပဏီပိုင်ရှင် ဖြိုးအာကာအောင် တို့ ဖြစ်သည်။
ချီးမြှင့်ခံရသည့် ဆုများ
နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ က ၂၀၂၂ ခုနှစ်၊ နိုဝင်ဘာလ ၁၇ ရက် နေ့တွင် အမိန့်ကြော်ငြာစာအမှတ် ၂၁၁/၂၀၂၂ ဖြင့် ပြည်ထောင်စုစည်သူသင်္ဂဟဘွဲ့ဖြစ်သော စည်သူဘွဲ့ ချီးမြှင့်အပ်နှင်းထားသည်။[၁၀]
ကိုးကား
Wikiwand - on
Seamless Wikipedia browsing. On steroids.
Remove ads