Runa Laila
From Wikipedia, the free encyclopedia
Remove ads
Runa Laila (fødd 17. november 1952) er ein bangladeshisk playback-songar og komponist.[1][2] Ho byrja karrieren i den pakistanske filmindustrien på slutten av 1960-talet. Songstilen hennar er inspirert av den pakistanske songaren Ahmed Rushdi, og ho danna òg eit par med han etter å ha erstatta ein annan songar, Mala.[3][4][5] Songane hennar i filmar som The Rain (1976), Jadur Banshi (1977), Accident (1989), Ontore Ontore (1994), Devdas (2013) og Priya Tumi Shukhi Hou (2014) - har vunne henne sju Bangladesh National Film-prisar for beste kvinnelege songar.[1] Ho vann prisen for beste musikkkomponist for filmmusikken til Ekti Cinemar Golpo (2018).[6]
_(cropped).jpg)
Remove ads
Bakgrunn
Laila blei fødd 17. november 1952 i Sylhet i Aust-Bengal i dåverande Dominion of Pakistan (i dag Bangladesh). Ho var dotter av Syed Mohammed Imdad Ali, ein embetsmann frå Rajshahi som var stasjonert i Karachi, og Amina Laila (fødd Anita Sen), ein musikar.[7][8][9] Morbroren hennar, Subir Sen, var ein kjend indisk playback-songar. Ho byrja ta leksjonar i dei klassiske dansane kathak og bharatanatyam. På denne tida var Ahmed Rushdi den leiande filmsongaren som introduserte rock and roll, disco og andre moderne sjangrar til sørasiatisk musikk. Etter suksessen til Rushdi byrja kristne musikkgrupper som spesialiserte seg innan jazz å opptre på ulike nattklubbar og hotell i Karachi, Hyderabad, Mumbai, Dhaka og Lahore.[10] Laila blei ein fan av Ahmed Rushdi, som ho rekna som guruen sin, og prøvde å etterlikna ikkje berre songstilen hans, men òg måten han pleidde opptre på scenen på.[2] Ho lærte så klassisk musikk saman med eldre systera si, Dina Laila (d. 1976).[2][11][12] Då ho var student ved Saint Lawrence Convent vann ho ein songkonkurranse mellom skular i Karachi i det dåverande Vest-Pakistan.[13] Saman med systera blei ho opplært av Ustad Abdul Kader Peyarang og Ustad Habibuddin Ahmed.[13] Kusina hennar, Anjumara Begum, var allereie ein kjend songar.[13] Då Laila var 12 år, opptredde ho playback-sanger for ein guteskodespelar i den urduspråklege filmen Jugnu.[13] Songen ho framførte heitte «Gudia Si Munni Meri».[14]
Remove ads
Karriere
I 1966 fekk Laila gjennombrotet sitt i den pakistanske filmindustrien med songen «Unki Nazron Sey Mohabbat Ka Jo Paigham Mila» til urdufilmen Hum Dono.[15][16] Ho brukte å opptre på den statlege fjernsynskanalen PTV.[17] I PTV hadde ho eit program som heitte Bazm E Laila.[13] Ho byrja å opptre på Zia Mohyuddin Show (1972-74), og song seinare songar til filmar på 1970-talet som Umrao Jaan Ada (1972) .
Laila flytta til Bangladesh i lag med familien i 1974.[13] Den fyrste bengalske songen hennar var «O Amar Jibon Shathi» til filmen Jibon Sathi (1976), komponert av Satya Saha.[13] Ei kort tid seinare hadde ho den fyrste konserten sin i India, i Mumbai i 1974.[18] Ho byrja i Bollywood med regissør Jaidev, som ho møtte i Delhi, og fekk høve til å opptre ved innviinga av kringkastaren Doordarshan. Ho arbeidde fyrst med musikkkomponist Kalyanji-Anandji på tittelsongen til filmen Ek Se Badhkar Ek (1976).[19] Ho fekk popularitet i India med songane «O Mera Babu Chail Chabila» og «Dama Dam Mast Qalandar».[20] I 1974 spelte ho inn «Shaadher Lau» i Kolkata.[21] Laila blei skriven inn i Guinness rekordbok for å ha spelt inn 30 songar på 3 dagar.[14] I 1982 vann ho Golden Disk-prisen då albumet Superuna, som var komponert av Bappi Lahiri selde over 1 lakh (100000) eksemplar den fyrste dagen det kom ut.[14]
I oktober 2009 gav Laila ut Kala Sha Kala, ei samling pandjabiske bryllaupssongar, i India.[22] I 2012 var Laila dommar på Sur Kshetra, eit indisk tv-konkurransshow for amatørsongarar.[23] Ho skildra sambandet sitt med dommarkollegaen Asha Bhosle som lik det systrer har.[24] I 2014 samarbeidde ho med Sabina Yasmin på ein song for eit TV-skodespel, «Dalchhut Projapoti», som det fyrste songsamarbeidet deira.[25][26] Laila har sunge på sytten språk, inkludert morsmålet sitt bengali. I tillegg har ho sunge på hindi, urdu, punjabi, sindhi, gujarati, pasjto, balutsji, arabisk, persisk, malayisk, nepalsk, japansk, italiensk, spansk, fransk og engelsk.[3]
Remove ads
Privatliv
Laila har vore gift tre gonger. Ho gifta seg fyrst med Khawaja Javed Kaiser, så med sveitsiske Ron Daniel og seinare med skodespelaren Alamgir. Ho har ei dotter, Tani. Barnebarna hennar Zain Islam og Aaron Islam kom inn på Arsenal sitt treningssenter.[27]
Veldedig arbeid
Etter at systera hennar døydde av kreft i 1976, heldt Laila fleire velgjerdskonsertar i Dhaka. Pengar som blei samla inn blei nytta til å byggja eit kreftsjukehus i Dhaka.[3] Laila blei utnemnd til SAARC sin goodwill-ambassadør for HIV/AIDS.[28] Ho var den fyrste bangladesharen i stillinga.[29] I 2013 drog ho til New Delhi på si fyrste vitjing som SAARC-ambassadør, og møtte utlendings- og helseministrane i India.[30]
Remove ads
Diskografi
- Sincerely Yours (1973)[14]
- Runa Laila Sings Songs Of Talib-Ul-Maulla (1974)
- Great Ghazals - Runa Laila (Style) (1981)
- Runa in Pakistan (Geet) and (Ghazals) (1980)
- Bappi Lahiri Presents Runa Laila - Superuna (1982)
- Runa Goes Disco (1982)
- Sings For Umrao Jaan Ada (Ghazals) (1985)
- Ganga Amar Ma Padma Amar Ma (1996)
- Bazm-E-Laila (2007)
- Runa Laila-Kala Siah Kala (2010)[14]
Prisar og utmerkingar
- Radio Mirchi Music Award gjeven av Radio Mirchi ved Nazrul Mancha i Kolkata (2015)[31]
- Sjølvstendedagsprisen i Bangladesh
- Bangladesh National Film Award for Best Female Playback Singer (1976, 1977, 1989, 1994, 2012, 2013 og 2014)[32]
- Sheltech-prisen, Bangladesh
- Lux-Channel I Lifetime Performance Award, Bangladesh
- Saigal-prisen, India
- Nigar-prisen, Pakistan (1968, 1970)
- Critics Award, Pakistan
- Graduate Award, Pakistan
- Firoza Begum Memorial Gold Medal, Bangladesh
- Bangladesh Music Journalists Association (BMJA) lifetime achievement award, 2020[33]
Remove ads
Kjelder
Wikiwand - on
Seamless Wikipedia browsing. On steroids.
Remove ads