Tango in the Night

Tango in the Night er det 14. studioalbumet til det britisk-amerikanske bandet Fleetwood Mac. Det kom ut i april 1987 og var det femte albumet med den mest suksessrike besetninga av bandet med Lindsey Buckingham, Stevie Nicks, Christine McVie, John McVie og Mick Fleetwood.^[1]

Tango in the Night Studioalbum av Fleetwood Mac
Språk	engelsk
Utgjeve	13. april 1987
Innspelt	November 1985 – mars 1987
Sjanger	Poprock Adult contemporary
Lengd	44:28
Selskap	Warner Bros.
Produsent	Lindsey Buckingham, Richard Dashut
Fleetwood Mac-kronologi
Mirage (1982)	Tango in the Night	Behind the Mask (1990)
Singlar frå Tango in the Night
«Big Love» Utgjeve: Mars 1987[1] «Seven Wonders» Utgjeve: Juni 1987[1] «Little Lies» Utgjeve: August 1987[1] «Everywhere» Utgjeve: November 1987 (USA) / February 1988 (UK)[1] «Family Man» Utgjeve: Desember 1987 (UK) / Mars 1988 (USA)[1] «Isn't It Midnight» Utgjeve: Juni 1988[1]

Meldingar
Karakter
Kjelde	Karakter
Allmusic	[2]
Robert Christgau	B+[3]

Albumet var produsert av Buckingham med Richard Dashut og Tango in the Night vart først starta som eit soloprosjekt for Buckingham, men i 1985 hadde prosjektet blitt til det neste albumet av Fleetwood Mac. Det inneheld fleire hitsinglar, som «Big Love», «Seven Wonders», «Everywhere» og «Little Lies». Albumet har selt over 15 millionar eksemplar verda over.

Historie

Tango in the Night er det nest mestseljande albumet til bandet^[4] etter den enorme suksessen til Rumours, som kom ut 10 år tidlegare. Albuma som kom i mellom, Tusk (1979) og Mirage (1982), hadde selt godt, men ikkje oppnådd same suksess som forgjengarane. Tango in the Night og singlane frå albumet vart hittar verda over. «Little Lies» og «Everywhere» vert særskild rekna som klassiske hittar frå slutten av 80-åra og finst på mange samlealbum for 1980-åra.^[5]

Albumet vart ein suksess i USA og debuterte på 43. plassen på Billboard Top 200 Album-lista, og klatra til slutt til ein sjuandeplass, der det låg i tre veker. Det låg meir enn sju månader inne på topp 20 og meir enn ti månader inne på topp 40, og selde til trippel platina for 3 000 000 selde eksemplar.^[6] Fire av singlane frå albumet nådde Billboard Top 20: «Big Love» (#5), «Little Lies» (#4), «Everywhere» (#14) og «Seven Wonders» (#19).^[1] Albumet vart særleg ein suksess i Storbritannia der det låg på toppen av albumlista tre gonger i 1987-1988 i totalt fem veker, og det låg meir enn åtte månader inne på topp 10. Det vart det sjuande mestseljande albumet i Storbritannia i 1980-åra, og selde til 8x platina (2,4 millionar eksemplar),^[7] og er framleis eit av dei 100 mestseljande albuma i Storbritannia gjennom tidende.^[4] Tre singlar frå albumet nådde topp 10 i Storbritannia: «Big Love» (#9), «Little Lies» (#5) og «Everywhere» (#4). I alt vart det gjeve ut seks singlar frå albumet over ein periode på 15 månader.^[1] Albumet låg i alt 115 veker inne på topp 75 på UK Album Chart.^[8]

Tango in the Night er så langt det siste studioalbumet med den «klassiske» besetninga av Fleetwood Mac, som bestod av Lindsey Buckingham, Stevie Nicks, Christine McVie, John McVie og Mick Fleetwood, før Buckingham slutta i bandet sommaren 1987. Denne besetninga har kome saman att i seinare tid for konsertar og turnear, som då dei framførte «Don't Stop» for den nyvalde amerikanske presidenten Bill Clinton i 1993 og konsertturneen The Dance i 1997 og verdsturneen deira i 2014-2015.

Då Buckingham slutta i bandet, kort tid før dei skulle ut på turne i 1987, vart to musikarar henta inn for å erstatte han: Rick Vito og Billy Burnette, som fullførte turneen i 1987-1988 med resten av bandet.

Plateomslaget til albumet var eit måleri av den australske kunstnaren Brett-Livingstone Strong, som hang i heimen til Buckingham. Det er ei hyllest til den franske målaren Henri Rousseau, og etterliknar det fargerike jungeltemaet hans. Det vart òg nytta som plateomslag for den første singelen deira «Big Love».

Innhald

Side ein

Nr.	Tittel	Låtskrivar(ar)	Lengd
1.	«Big Love»	Lindsey Buckingham	3:37
2.	«Seven Wonders»	Sandy Stewart, Stevie Nicks	3:38
3.	«Everywhere»	Christine McVie	3:41
4.	«Caroline»	Buckingham	3:50
5.	«Tango in the Night»	Buckingham	3:56
6.	«Mystified»	C. McVie, Buckingham	3:08

Side to

Nr.	Tittel	Låtskrivar(ar)	Lengd
1.	«Little Lies»	C. McVie, Eddy Quintela	3:38
2.	«Family Man»	Buckingham, Richard Dashut	4:01
3.	«Welcome to the Room... Sara»	Nicks	3:37
4.	«Isn't It Midnight»	C. McVie, Quintela, Buckingham	4:06
5.	«When I See You Again»	Nicks	3:47
6.	«You and I, Part II»	Buckingham, C. McVie	2:40

Medverkande

Fleetwood Mac

• Lindsey Buckingham – gitarar, vokal, synthesizerar, perkusjon og trommeprogrammering
• Stevie Nicks – vokal
• Christine McVie – klaverinstrument, synthesizerar, vokal
• John McVie – bassgitar
• Mick Fleetwood – trommer, perkusjon

Produksjon

• Produsentar: Lindsey Buckingham, Richard Dashut
• Arrangement: Lindsey Buckingham
• Lydteknikar: Greg Droman
• Plateomslag - konsept: Lindsey Buckingham, Richard Dashut
• Måleri: Brett-Livingstone Strong
• Fotografi: Greg Gorman
• Kunstnarisk leiar: Jeri Heiden

Lister

Listeplasseringar Liste (1987–88) Plassering Australian Kent Music Report[9] 5 Austerrike[10] 23 Canadian RPM Album Chart[11] 6 Nederland[12] 2 Frankrike[13] 25 Italia[14] 11 Japan[15] 14 New Zealand[16] 9 Noreg[17] 10 Spania[18] 34 Sverige[19] 1 Sveits[20] 7 UK Album Chart[21] 1 US Billboard 200[22] 7 Vest-Tyskland[23] 2

Årslister Lister (1987) Plassering Australia[9] 6 Canada[24] 10 Nederland[25] 11 Frankrike[26] 67 UK Album Chart[27] 5 US Billboard Pop Album[28] 40 Liste (1988) Plassering Nederland[29] 1 Italia[14] 53 UK Album Chart[27] 7 US Billboard Pop Album[30] 50 Tiårsliste Liste (1980-åra) Plassering Storbritannia[27] 7