Comunautat d'Aglomeracion deu País Basco
From Wikipedia, the free encyclopedia
Remove ads
La Comunautat d'aglomeracion deu Bascoat (oficiaument, en basco, Euskal Hirigune Elkargoa - EHE, en francés, communauté d'agglomération du Pays Basque, CAPB, en occitan, Comunautat d'Aglomeracion País Basco) qu'ei ua estructura intercomunau de l'Estat francés, en lo departament deus Pirenèus Atlantics e la region de Navèra Aquitània.
Qu'ei la seishau comunautat d'aglomeracion la mei poblada de França e la prumèra en nombre de comunas (qu'ei tanben mei poblada que 25 departaments). Aqueth EPCI qu'ei lo dusau lo mei poblat de Novèla Aquitània après Bordèu Metropòli e lo prumèr deu departament deus Pirenèus Atlantics.
Lo 23 de junh de 2018, lo Conselh comunautari que vòta l'oficialitat deu basco e de l'occitan suu territòri sancèr de la Comunautat.[1]
Remove ads
Istòria
Antecedents
La creacion de la comunautat d'aglomeracion deu Bascoat qu'ei ligada a ua vielha reivindicacion d'ua administracion pròpia ad aqueth territòri. Aquera reivindicacion que vadó tanlèu suprimir las constitucions particularas bascas (Reiaume de Navarra, vescomtat de Labord e vescomtat de Sola). Après aver refusat la creacion d'un departament coma volèvan mantuns bascos, lo governament francés que perpausè l'union deu Bascoat mercés a la lei NOTRe promulgada en 2015 dab ua navèra grana intercomunalitat unica basca.
Creacion
La lei NOTRe que fixè un lindau minimum de 15 000 abitants per cad EPCI. 5 intercomunalitats deu País Basco interior ne pleèn pas aquera condicion e devón pensar a ua fusion. De cap ad aquera necessitat emergí l'idèa d'ua fusion generau permetent la creacion d'ua sola intercomunalitat per l'ensemble deu País Basco. L'associacion Batera qu'aderí ad aquera idèa e hasó campanha en favor de la Comunautat País Basco.
Un purmèr arrestat prefectorau deu 14 de març de 2016 que tractè deu proiècte de perimètre de la comunautat d'aglomeracion deu País Basco. Las 158 comunas deu País Basco qu'estón invitadas a posicionà's, en un limit de 75 dias a comptar de la notificacion de l'arrestat, sus aqueth projècte inscriut dens l'esquèma departamentau. Los conselhs municipaus qu'arribèn atau a ua decision deu 22 de març au 31 de mai 2016. Los resultats, unanimes, qu'anèn au delà deus critèris exigits per la prefectura.
Resultats deu vòte deus conselhs municipaus a prepaus de la CAPB
La comunautat d'aglomeracion unica qu'ei creada per un navèth arrestat prefectorau deu 13 de julhet de 2016 e efectiva despuish lo 1èr de genèr de 2017. En mei de las competéncias de las intercomunalitats que remplaça, la comunautat d'aglomeracion que beu tanben lo sindicat mixte Bizi Garbia, dissolvut per arrestat prefectorau deu 21 de deceme de 2016, efectiu lo 26 de deceme de 2016.
Remove ads
Territòri comunautari
Geografia
La comunautat d'aglomeracion que cobrís l'ensemble deu País Basco francés sonque las duas comunas soletinas de Gestars e d'Esquiula, mès qu'integra la comuna biarnesa de Lishòs. Gestars qu'aderí a la Comunautat de las comunas de Sauvatèrra-de-Biarn le 1èr de genèr de 2005, Esquiula a la Comunautat de las comunas deu Pemont Auloronés lo 4au de novembre de 2002 e Lishòs a la Comunautat de las comunas de Sola-Xiberoa desempuish lo 1èr de genèr de 2012.
Que comprend 158 comunas per ua superficia de 2 968 km2 e regropa las dètz intercomunalitats preexistentas seguentas :
- l'aglomeracion Còsta Basca-Ador (5 comunas) ;
- l'aglomeracion Sud País Basco (12 comunas) ;
- la comunautat de las comunas Errobi (11 comunas) ;
- la comunautat de las comunas d'Amikuze (27 comunas) ;
- la comunautat de las comunas deu país de Bidàishen (7 comunas) ;
- la comunautat de las comunas de Garazi-Baigorri (30 comunas) ;
- la comunautat de las comunas deu país de Haspar (11 comunas) ;
- la comunautat de las comunas d'Iholdi-Oztibarre (13 comunas) ;
- la comunautat de las comunas de Niva-Ador (6 comunas) ;
- la comunautat de las comunas de Sola-Xiberoa (36 comunas).
La talha de la comunautat que provoca quauquas incoheréncias administratius. Las 158 comunas que son repartidas entre l'arrondiment de Baiona (122 comunas) e lo d'Auloron-Senta-Maria (36 comunas). Pr'aquò, lo prefècte deus Pirenèus-Atlantics n'a pas pensat bon de regropar aqueras comunas en un sol arrondiment, coma lo preconiza l'Estat. La medisha estructura qu'ei la dependéncia de dus sosprefèctes e deu prefècte. Aqueras 158 comunas que corresponen tanben au territòri de 12 cantons e de tres circonscripcions legislatius (4au, 5au, 6au).
Composicion
Remove ads
Administracion
Sèti
Lo sèti de la comunautat d'aglomeracion deu Bascoat qu'ei situat, a l'estona de la soa creacion, au 15, avienguda Foch, a Baiona (64100), dinc alavetz sèti de l'aglomeracion Còsta Basca-Ador.
Las purmèras acampadas qu'an estat celebradas dens l'"amphi 400" deu campus universitari de la Niva a Baiona.
Conselh executiu
Lo conselh executiu de la comunautat d'aglomeracion deu Bascoat qu'ei compausat de 25 sòcis : un president, 15 vide-presidents e 9 conselhèrs delegats.
President
Lo president de la comunautat d'aglomeracion deu País Basco qu'ei elegit peu conselh comunautari. Despuish la creacion de la comunautat d'aglomeracion, un sol president qu'estó elegit:
Vice-presidents
Los 15 vice-presidents que son elegits peu conselh comunautari. Au temps de la lor prumèra eleccion, los presidents sortents de las 2 comunautats d'aglomeracion e de las 8 comunautats de las comunas preexistentas qu'estón nomats tad aqueths emplecs. Los 5 vice-presidents sobrants qu'estón causits au demiei deus conselhèrs comunautaris.
Lista deus vice-presidents
Conselh permanent
Lo conselh permanent qu'ei compausat de 53 sòcis, elegits au moment deu conselh comunautari deu 4 de heurèr de 2017. Au demiei de eths, 9 que son designats coma conselhèrs delegats deu conselh executiu (lista per ordi d'importància de las comunas) :
|
|
Conselh comunautari
Lo conselh comunautari de la comunautat d'aglomeracion deu Bascoat qu'ei compausat de 233 siètis municipaus :
Baiona qu'a 22 siètis, Anglet 18, Biàrritz 11, Hendaye 7, Saint-Jean-de-Luz 6, Urrugne 4, Lo Bocau, Ciboure, Cambo e Bidart 3 ; Ustaritz, Hasparren, Saint-Pée-sur-Nivelle, Moguerre e Saint-Pierre-d'Irube 2. Las 143 autas comunas qu'an un sièti.
Au demièi deus que sietan, que trobam 1 deputat, 4 conselhèrs regionaus e 13 conselhèrs departamentaus. N'i a pas nat senator o deputat europèu.
.
Direccion generau deus servicis
Lo director generau deus servicis (DGS) qu'ei lo mei haut foncionari au perhons de l'aglomeracion. Qu'ei encargat de cap a 1150 agents. La comunautat d'aglomeracion deu País Basco que compta un sol director generau deus servicis desempuish la soa creacion :
Competéncias
Regime fiscau e budgèt
Remove ads
Projèctes e realizacions
Nòtas e referéncias
Véder tanben
Wikiwand - on
Seamless Wikipedia browsing. On steroids.
Remove ads