Adama Barrow

Adama Barrow (*16 Februari 1965) ni rais wa Gambia na mwanasiasa wa chama cha United Democratic Party.^[1]

Adama Barrow

binadamu

Jinsia	mume
Nchi ya uraia	Gambia
Jina katika lugha mama	Adama Barrow
Jina halisi	Adama
Jina la familia	Barrow
Tarehe ya kuzaliwa	15 Februari 1965
Mahali alipozaliwa	Mansajang Kunda
Mwenzi	Fatoumatta Bah-Barrow
Lugha zinazozungumzwa, zilizoandikwa au zilizotiwa sahihi	Kifulfulde-Borgu, Kiingereza, Kimandinka, Kiwolofu
Kazi	politician, businessperson
Nafasi ilioshikiliwa	President of the Gambia
Mwanachama wa chama cha siasa	United Democratic Party, National Reconciliation Party, National People's Party
Candidacy in election	2016 Gambian presidential election
Dini	Uislamu
Tuzo iliyopokelewa	Order of the Republic of The Gambia

Adama Barrow (2016)

Utoto na shule

Barrow alizaliwa katika kijiji cha Mankamang Kunda karibu na Basse. Alisoma shule ya msingi Koba Kunda na shule ya sekondari Crab Island mjini Banjul. Baadaye alipata nafasi kwenye Muslim High School ya Banjul.

Kazi

Baada ya kufaulu aliajiriwa na kampuni ya Alhagie Musa & Sons na akapandishwa cheo hadi kuwa muuzaji mkuu.^[2]

Baada ya mwaka 2000 Barrow alihamia London aliposoma uchumi. Wakati huu alifanya kazi ya usiku kama mlinzi wa nyumba kwa kujipatia riziki. ^[3]

Baada ya kurudi Gambia mwaka 2006 alianzisha kampuni ya Majum Real Estate akawa meneja mkuu hadi sasa.^[2]

Siasa

Mwaka 2016 Barrow alichaguliwa kuwa mgombea wa urais katika mkutano wa vyama 7 vya upinzani. ^[4][5]

Tarehe 2 Desemba 2016 Barrow alishtusha taifa kwa kumshinda Yammeh katika uchaguzi wa urais ^[6][7] kwa kupata kura 263,000 au asilimia 45 za kura zote dhidi ya kura 212,000 au asilimia 36 kwa rais Yahya Jammeh. Mgombea wa tatu Mama Kandeh alipata asilimia 17.

Kwanza Rais Yahya Jammeh alikubali kushindwa hata kabla ya tangazo rasmi la matokeo^[8][9], lakini siku nane baadaye alianza kung'ang'ania madaraka.

Kufuatana na katiba rais Adama Barrows alitakiwa kuapishwa takribani siku 60 baada ya uchaguzi.^[10], lakini tarehe 9 Disemba 2016 rais Jammeh alitangaza ya kwamba hakubali matokeo akitaka uchaguzi mpya.^[11]

Tarehe 19 Januari 2017, rais mteule aliapishwa katika ubalozi wa Gambia huko Dakar, halafu wanajeshi wa Senegal, Nigeria na Ghana walivamia nchi ili kumuondoa madarakani kwa idhini ya Umoja wa Mataifa.

Mnamo Novemba 2021, Adama Barrow alitangaza kugombea tena nafasi ya uraisi mwaka 2024.