Maneno saba

Maneno saba katika Ukristo ni yale ambayo Yesu aliyatamka akiwa msalabani na yamerekodiwa katika Injili nne.^[1][2]

Alichokuwa anaona Yesu msalabani, mchoro wa James Tissot, 1890 hivi.

Mfululizo wa kurasa juu ya Yesu
Yesu Kristo na Ukristo Umwilisho  • Utoto wa Yesu  • Ubatizo Arusi ya Kana • Utume wa Yesu • Mifano ya Yesu  • Miujiza ya Yesu Kugeuka sura • Karamu ya mwisho • Msalaba wa Yesu  • Maneno saba Kifo cha Yesu  • Ufufuko wa Yesu Kupaa mbinguni  • Ujio wa pili Injili  • Majina ya Yesu katika Agano Jipya  • Yesu kadiri ya historia  • Tarehe za maisha ya Yesu • Kristolojia
Mazingira ya Yesu Wayahudi • Kiaramu • Bikira Maria • Yosefu (mume wa Maria) • Familia takatifu • Ukoo wa Yesu • Ndugu wa Yesu • Yohane Mbatizaji
Mitazamo juu ya Yesu Mitazamo katika Agano Jipya · Mitazamo ya Kikristo • Mitazamo ya Kiyahudi • Mitazamo ya Kiislamu • Yesu katika sanaa This box: onyesha majadiliano hariri

Kati yake, matatu yanapatikana katika Injili ya Luka tu, mawili katika Injili ya Yohane tu. Lingine linapatikana katika Injili ya Mathayo na Injili ya Marko vilevile. Lingine tena limerekodiwa na Yohane lakini Mathayo na Marko wamelidokeza.^[3]

Katika Mathayo na Marko, Yesu Kristo anamlilia Mungu. Katika Luka, yeye anawasamehe wauaji wake, anamfariki mhalifu aliyetubu, na kumkabidhi Baba roho yake. Katika Yohane, Yesu anasema na mama yake na mwanafunzi mpendwa, anatokeza kiu yake, na kutangaza utimilifu wa kazi na maisha yake yote kadiri ya mpango wa Mungu^[4].

Maneno ya buriani ya mtu yeyote yanatiwa maanani sana. Yanaweza kusaidia kuelewa nini ilikuwa muhimu kwake. Ilikuwa hivyo hasa kwa Yesu^[5] aliyeweza kusema machache tu kutokana na hali yake.^[6]

Tangu karne ya 16 maneno hayo yametumika sana katika mahubiri ya madhehebu mbalimbali siku ya Ijumaa kuu^[7][8], na vitabu vingi vimetungwa kuyafafanua.^[9][10]

Watunzi mbalimbali waliyatia katika muziki.

Mpangilio wa kawaida ni huu:^[11]

1. Lk 23:34
2. Lk 23:43
3. Yoh 19:26–27
4. Math 27:46 na Mk 15:34
5. Yoh 19:28
6. Yoh 19:30
7. Lk 23:46