Kugeuka sura

Yesu kugeuka sura ni sikukuu ya liturujia ya Ukristo inayoadhimisha fumbo la maisha ya Yesu linalosimuliwa katika Agano Jipya^[1], hususan katika Injili Ndugu (Math 17:1–9, Mk 9:2-8, Lk 9:28–36) na katika 2 Pet 1:16–18^[1].

Mozaiki ya Kugeuka sura, Monasteri ya Mt. Katerina, Mlima Sinai, Misri.

Mchoro mdogo wa Kugeuka sura katika Injili ya Marko, 1300.

Mchoro wa karne ya 12.

Kugeuka sura kadiri ya Lodovico Carracci, 1594: wanaoonekana pamoja na Yesu ni Eliya, Musa na Mitume wa Yesu watatu.

Mchoro wa Alexandr Ivanov, 1824.

Mfululizo wa kurasa juu ya Yesu
Yesu Kristo na Ukristo Umwilisho  • Utoto wa Yesu  • Ubatizo  • Arusi ya Kana  • Utume wa Yesu  • Mifano ya Yesu  • Miujiza ya Yesu  • Kugeuka sura  • Karamu ya mwisho  • Msalaba wa Yesu  • Maneno saba  • Kifo cha Yesu  • Ufufuko wa Yesu  • Kupaa mbinguni  • Ujio wa pili • Yesu na matabiri ya Agano la Kale  • Injili  • Majina ya Yesu katika Agano Jipya  • Yesu kadiri ya historia  • Tarehe za maisha ya Yesu  • Kristolojia
Mazingira ya Yesu Wayahudi  • Kiaramu  • Bikira Maria  • Yosefu (mume wa Maria)  • Familia takatifu  • Ukoo wa Yesu  • Ndugu wa Yesu  • Yohane Mbatizaji
Mitazamo juu ya Yesu Mitazamo katika Agano Jipya  · Mitazamo ya Kikristo  • Mitazamo ya Kiyahudi  • Mitazamo ya Kiislamu  • Yesu katika sanaa This box: onyesha majadiliano hariri

Kanisa la Kugeuka Sura juu ya Mlima Tabor, Israeli, unaohesabiwa na wengi kuwa mahali pa tukio.

Humo tunasoma kwamba Yesu Kristo aliongozana na wanafunzi wake watatu, Mtume Petro, Yakobo Mkubwa na mdogo wake Mtume Yohane, hadi mlima kwa lengo la kusali faraghani.

Huko usiku alianza kung'aa akatokewa na Musa na Eliya waliozungumza naye kuhusu kufariki kwake Yerusalemu.

Kubwa zaidi, Mungu Baba alimshuhudia kuwa Mwana wake mpenzi akawahimiza wanafunzi hao kumsikiliza.^[1]

Hivyo Wakristo wanaona tukio hilo kama dhihirisho la Mwana pekee wa Mungu, mpendwa wa Baba wa milele, lililokusudiwa kuonyesha hadi miisho ya dunia kwamba hali duni ya binadamu aliyoitwaa imekombolewa kwa neema na kwamba jinsi ilivyoumbwa kwa mfano wa Mungu, sasa imeumbwa upya katika Kristo baada ya uharibifu uliosababishwa na Adamu ^[2].

Tukio linaheshimiwa hasa na Ukristo wa Mashariki na wamonaki wanaoliona mwaliko wa kutazama utukufu wa Mungu uliofichama katika malimwengu, kumbe kwa sala unadhihirika kwa macho ya imani.

Fumbo hilo linaadhimishwa kila mwaka kama sikukuu tarehe 6 Agosti^[3]. Pia linazingatiwa katika Rozari kama tendo la nne la mwanga.

Picha

Ukristo wa Mashariki

• 
  Picha takatifu huko Yaroslavl, Russia, 1516
• 
  Shule ya Novgorod, karne ya 15
• 
  Theofane Mgiriki, karne ya 15
• 
  Picha takatifu iliyochorwa na Andrey Ivanov, 1807

Ukristo wa Magharibi

• 
  Giovanni Bellini, 1490 hivi
• 
  Pietro Perugino, 1500 hivi
• 
  Raphael, 1520 hivi
• 
  Cristofano Gherardi, 1555

Makanisa na monasteri

• 
  Mnara wa kengele wa monasteri ya Kiorthodoksi juu ya Mlima Tabor
• 
  Basilika la Kugeuka sura, Mlima Tabor
• 
  Basilika hiyohiyo tena
• 
  Shamba la Mungu la Wafransisko juu ya Mlima Tabor