Milton Obote

Apollo Milton Obote (28 Desemba 1925 - 10 Oktoba 2005) alikuwa mwanasiasa wa Uganda aliyepigania uhuru wa nchi yake uliofikiwa mwaka 1962.^[1][2]

Apollo Milton Obote
Rais wa Uganda
Muda wa Utawala 15 Aprili 1966 – 25 Januari 1971
mtangulizi	Mutesa II wa Buganda
aliyemfuata	Idi Amin
Muda wa Utawala 17 Disemba 1980 – 27 Julai 1985
mtangulizi	Tume la Kiraisi la Uganda
aliyemfuata	Bazilio Olara-Okello
Waziri Mkuu wa Pili wa Uganda
Muda wa Utawala 30 Aprili 1962 – 15 Aprili 1966
mtangulizi	Benedicto Kiwanuka
tarehe ya kuzaliwa	(1925-12-28)28 Desemba 1925 Apac District, Uganda
tarehe ya kufa	10 Oktoba 2005 (umri 79) Johannesburg, Afrika Kusini
chama	Uganda People's Congress
ndoa	Miria Obote
watoto	5

Kati ya miaka 1962 na 1966 Obote alikuwa waziri mkuu wa Uganda. Aliendelea kutawala kama rais wa Jamhuri ya Uganda tangu 1966 hadi 1971 akarudia baadaye, tangu mwaka 1980 hadi 1985.^[3]

Obote alipinduliwa na Idi Amin mwaka 1971 lakini alirudishwa baada ya Amin kufukuzwa na jeshi la Tanzania mwaka 1979. Uchaguzi wa kirais wa 1980 haukukubaliwa na vyama vya upinzani na hapo Yoweri Museveni alianza harakati za National Resistance Army (NRA) na vita ya msituni dhidi ya Obote. Katika vita hii serikali na jeshi la Obote vilishtakiwa kwa makosa ya jinai dhidi ya haki za kibinadamu zilizogharamu uhai wa watu elfu kadhaa. ^[4] Vita ya msituni wa Uganda ilisababisha vifo vya watu 100,000 hadi 500,000.^[5][6][7]

Tarehe 27 Julai 1985 Obote alipinduliwa tena na wakuu wa jeshi chini ya jenerali Tito Okello. Obote alikimbilia Tanzania na baadaye Zambia.

Tarehe 10 Oktoba 2005 Obote aliaga dunia kwenye hospitali moja mjini Johannesburg, Afrika Kusini kwenye umri wa miaka 79.^[8]