Modesti wa Yerusalemu

Modesti wa Yerusalemu (Sivas, Kapadokia, leo nchini Uturuki, karne ya 6 – 17 Desemba 630^[1]) alikuwa askofu wa mji huo nchini Israeli.

Masalia ya Mt. Modesti wa Yerusalemu panapotunzwa.

Kabla ya hapo aliuzwa kama mtumwa kwenda Misri. Huko alimuongoa bwana wake ambaye alimuacha huru. Hapo alijiunga na umonaki kwenye mlima Sinai. Baadaye akafanywa abati wa monasteri huko Palestina.

Mwaka 614 Kosroe II wa Persia aliteketeza Yerusalemu akiua Wakristo 66,509. Modesti alichaguliwa kushika nafasi ya askofu Zakaria aliyetekwa, na huyo alipofariki Modesti akawa askofu. Alijitahidi sana kujenga upya monasteri kadhaa hata zikajaa wamonaki na makanisa yaliyoteketezwa kwa moto ^[2][3].

Tangu kale ametambuliwa na Wakatoliki na Waorthodoksi kuwa mtakatifu.

Sikukuu yake inaadhimishwa kila mwaka tarehe 17 Desemba^[4] na nyinginezo.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko