Papa Boniface I

Papa Boniface I alikuwa Papa kuanzia tarehe 28/29 Desemba 418 hadi kifo chake tarehe 4 Septemba 422^[1]. Alitokea Roma, Italia, alipopewa ushemasi na Papa Damaso I.

Mt. Bonifas I.

Alimfuata Papa Zosimus^[2] akafuatwa na Papa Selestino I.

Kabla ya kuchaguliwa Papa alikuwa balozi wa Papa Inosenti I huko Konstantinopoli^[3].

Kama Papa alijitahidi kurudisha uelewano na kudumisha nidhamu ndani ya Kanisa^[4][5] na kutetea mamlaka ya Kanisa la Roma katika Iliriko^[6].

Alimuunga mkono Agostino wa Hippo dhidi ya uzushi wa Upelaji^[7]

Tangu kale anaheshimiwa kama mtakatifu.

Sikukuu yake ni tarehe 4 Septemba^[8].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa
• Mababu wa Kanisa

Maandishi yake

• Opera Omnia katika Patrologia Latina ya Migne