இந்தியாவின் உள்துறை அமைச்சர்

உள்துறை அமைச்சர் -(உள்விவகார அமைச்சர்) இந்தியாவின் உள்துறை அமைச்சகத்தின் அமைச்சராவார். பிரதமருக்கு அடுத்த நிலையில் அதிக முக்கியத்துவம் மற்றும் பொறுப்புகள் வாய்ந்த அமைச்சர் பொறுப்பாகும். மாநில அளவிலும் இவ்வமைச்சகங்கள் பொறுப்பு வாயந்தனவாக கருதப்படுகின்றன. உள்நாட்டு பாதுகாப்புக்கு இவ்வமைச்சகங்களே பொறுப்பு ஏற்கின்றன.

உள்துறை அமைச்சர் Minister of Home Affairs
இந்திய தேசிய இலச்சினை
இந்திய தேசியக் கொடி
தற்போது அமித் ஷா 30 மே 2019 முதல்
உள்துறை அமைச்சகம்
சுருக்கம்	HM
உறுப்பினர்	மத்திய அமைச்சரவை
அறிக்கைகள்	பிரதமர், இந்திய நாடாளுமன்றம்
அலுவலகம்	வடக்கு தொகுதி, குடியரசுத் தலைவர் இல்லம், புது தில்லி
நியமிப்பவர்	குடியரசுத் தலைவர் (ஆலோசனையின் பேரில் பிரதமர்)
பதவிக் காலம்	5 வருடம்
முதலாவதாக பதவியேற்றவர்	சர்தார் வல்லப்பாய் படேல்
உருவாக்கம்	15 ஆகத்து 1947
இணையதளம்	mha.gov.in

அமைச்சர்கள்

இதுவரை இந்தியாவின் உள்துறை அமைச்சர்களாக இருந்தவர்கள் பட்டியல்

№	பெயர்	புகைப்படம்	பொறுப்பு வகித்த வருடம்		கட்சி (கூட்டணி)		பிரதமர்கள்
1	சர்தார் வல்லப்பாய் படேல்		15 ஆகத்து 1947	12 திசம்பர் 1950	இந்திய தேசிய காங்கிரசு		ஜவகர்லால் நேரு
2	ஜவகர்லால் நேரு		12 திசம்பர் 1950	26 திசம்பர் 1950
3	சக்ரவர்த்தி இராசகோபாலாச்சாரி		26 திசம்பர் 1950	5 November 1951
4	கைலாசு நாத் கட்சு		5 நவம்பர் 1951	10 சனவரி 1955
5	கோவிந்த் வல்லப் பந்த்		10 சனவரி 1955	25 பெப்ரவரி 1961
6	லால் பகதூர் சாஸ்திரி		25 பெப்ரவரி 1961	1 செப்டம்பர் 1963
7	குல்சாரிலால் நந்தா		1 செப்டம்பர் 1963	9 நவம்பர் 1966			ஜவகர்லால் நேரு லால் பகதூர் சாஸ்திரி இந்திரா காந்தி
8	இந்திரா காந்தி		9 நவம்பர் 1966	13 நவம்பர் 1966			இந்திரா காந்தி
9	ஒய். பி. சவாண்		13 நவம்பர் 1966	27 June 1970
(8)	இந்திரா காந்தி		27 சூன் 1970	5 பெப்ரவரி 1973
10	உமா சங்கர் தீட்சித்		5 பெப்ரவரி 1973	10 அக்டோபர் 1974
11	காசு பிரம்மானந்த ரெட்டி		10 அக்டோபர் 1974	24 மார்ச் 1977
12	சரண் சிங்		24 மார்ச் 1977	1 சூலை 1978	ஜனதா கட்சி		மொரார்ஜி தேசாய்
13	மொரார்ஜி தேசாய்		1 சூலை 1978	24 சனவரி 1979
14	கிருபாய் எம். படேல்		24 சனவரி 1979	28 சூலை 1979
(9)	ஒய். பி. சவாண்		28 சூலை 1979	14 சனவரி 1980	மதச்சார்பற்ற ஜனதா கட்சி		சரண் சிங்
15	ஜெயில் சிங்		14 சனவரி 1980	22 சூன் 1982	இந்திய தேசிய காங்கிரசு		இந்திரா காந்தி
16	ரா. வெங்கட்ராமன்		22 சூன் 1982	2 செப்டம்பர் 1982
17	பிரகாஷ் சந்திர சேத்தி		2 செப்டம்பர் 1982	19 சூலை 1984
18	பி. வி. நரசிம்ம ராவ்		19 சூலை 1984	31 திசம்பர் 1984			இந்திரா காந்தி ராஜீவ் காந்தி
19	எசு. பி. சவாண்		31 திசம்பர் 1984	12 மார்ச் 1986			ராஜீவ் காந்தி
(18)	பி. வி. நரசிம்ம ராவ்		12 மார்ச் 1986	12 மே 1986
20	பூட்டா சிங்		12 மே 1986	2 திசம்பர் 1989
21	முப்தி முகமது சயீத்		2 திசம்பர் 1989	10 நவம்பர் 1990	ஜனதா தளம் (தேசிய முன்னணி)		வி. பி. சிங்
22	சந்திரசேகர்		10 நவம்பர் 1990	21 சூன் 1991	சமாஜ்வாடி ஜனதா கட்சி (ராஷ்டிரிய) (தேசிய முன்னணி)		சந்திரசேகர்
(19)	எசு. பி. சவாண்		21 சூன் 1991	16 மே 1996	இந்திய தேசிய காங்கிரசு		பி. வி. நரசிம்ம ராவ்
23	முரளி மனோகர் ஜோஷி		16 மே 1996	1 சூன் 1996	பாரதிய ஜனதா கட்சி		அடல் பிகாரி வாச்பாய்
25	தேவ கௌடா		1 சூன் 1996	29 சூன் 1996	ஜனதா தளம் (ஐக்கிய முன்னணி)		தேவ கௌடா
25	இந்திரஜித் குப்தா		29 சூன் 1996	19 மார்ச் 1998	இந்தியப் பொதுவுடைமைக் கட்சி (ஐக்கிய முன்னணி)		தேவ கௌடா ஐ. கே. குஜரால்
26	லால் கிருஷ்ண அத்வானி		19 மார்ச் 1998	22 மே 2004	பாரதிய ஜனதா கட்சி (தேசிய ஜனநாயகக் கூட்டணி)		அடல் பிகாரி வாச்பாய்
27	சிவ்ராஜ் பாட்டீல்		22 மே 2004	30 நவம்பர் 2008	இந்திய தேசிய காங்கிரசு (ஐக்கிய முற்போக்குக் கூட்டணி)		மன்மோகன் சிங்
28	ப. சிதம்பரம்		30 நவம்பர் 2008	31 ஜூலை 2012
29	சுசில்குமார் சிண்டே		31 சூலை 2012	26 மே 2014
30	ராஜ்நாத் சிங்		26 மே 2014	30 மே 2019	பாரதிய ஜனதா கட்சி (தேசிய ஜனநாயகக் கூட்டணி)		நரேந்திர மோதி
31	அமித் ஷா		30 மே 2019	பதவியில்

பணி

உள்துறை அமைச்சரின் முக்கிய பொறுப்புகளாவன;

• மாநில மற்றும் மத்திய அரசின் உள்நிர்வாகம் சார்ந்த விவகாரங்களை கவனித்தல்.
• அனைத்து உள்நாட்டு பாதுகாப்பு விவகாரங்களை கவனித்தல்.
• நாட்டின் அனைத்து சட்ட ஒழுங்கு நிலைமைகளை கண்காணித்தல்.
• அனைத்து குடியுரிமை மற்றும் இயற்கை பண்புகளை கொண்ட மக்கள்தொகை கணக்கெடுத்தல், தேசிய கீதம், தேசியக் கொடி, மொழிகள் இவைகளை காத்தல்.
• அரசியலமைப்பின் படி இதன் அடிப்படை செயல்பாடுகளான குடியரசுத்தலைவர், குடியரசுத் துணைத் தலைவர், பிரதமர், மற்றும் ஏனைய அமைச்சர்களின் சுற்றறிக்கைகள், நியமனங்கள், பொறுப்பு விலகல்கள் அல்லது விலக்கல்கள், ஆளுநர் மற்றும் துணை ஆளுநர்களின் நியமனம் மற்றும் விலக்கல்கள் போன்ற செயல்பாடுகள் இத்துறை அமைச்சரால் அல்லது அமைச்சகத்தால் கவனிக்கப்படுகின்றன.