சாவகச்சேரி பிரதேச சபை
From Wikipedia, the free encyclopedia
Remove ads
சாவகச்சேரி பிரதேச சபை (Chavakachcheri Divisional Council) இலங்கையின் யாழ்ப்பாண மாவட்டத்தில் அமைந்துள்ள உள்ளூராட்சி அமைப்புக்களுள் ஒன்று ஆகும். சாவகச்சேரி நகரசபைக்குள் அடங்கும் பகுதி தவிர்ந்த சாவகச்சேரி பிரதேச செயலாளர் பிரிவில் அடங்கும் பகுதிகள் இப்பிரதேச சபைக்குள் அடங்குகின்றன. இதன் மொத்தப் பரப்பளவு 200.90 சதுர மைல்கள். இதன் வடமராட்சி தென்மேற்கு பிரதேச சபையும்; கிழக்கில் பருத்தித்துறை பிரதேச சபை, கிளிநொச்சி மாவட்டம் என்பனவும்; தெற்கில் யாழ்ப்பாண நீரேரியும்; மேற்கில் நல்லூர் பிரதேச சபை, வலிகாமம் கிழக்கு பிரதேச சபை என்பனவும் எல்லைகளாக உள்ளன. இச்சபைக்கான உறுப்பினர்கள் நேரடியாக மக்களால் தெரிவுசெய்யப்படுகின்றனர். 2018 ஆம் ஆண்டு முதல் கலப்பு முறைத் தேர்தல் அறிமுகப்படுத்தப்பட்டது. இம்முறைப்படி, சாவகச்சேரி பிரதேச சபைக்கு 17 உறுப்பினர்கள் வட்டாரங்களில் இருந்து நேரடியாகவும், 11 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும், மொத்தம் 28 உறுப்பினர்கள் தேர்ந்தெடுக்கப்படுகின்றனர்.[1][2]
Remove ads
வட்டாரங்கள்
26ம் இலக்க 2015 ஆகத்து 21 அதிவிசேட வர்த்தமானி அறிவித்தலின் மூலம் உள்ளுராட்சி அதிகார சபைகள் தேர்தல் கட்டளை சட்டத்தின் 3ஆவது பிரிவின் கீழ் உள்ளுராட்சி அதிகார சபையின் ஆளுகைப் பிரதேசத்தின் எல்லைகள் வரையறை செய்யப்பட்டுள்ளன. இவ்வாறு வரையறை செய்யப்பட்டுள்ள சாவகச்சேரி பிரதேச சபையின் ஆளுகைப் பிரதேசம் 17 வட்டாரங்களாகப் பிரிக்கப்பட்டுள்ளது. சாவகச்சேரி பிரதேச சபையின் கீழ் சாவகச்சேரி பிரதேச செயலாளர் பிரிவின் நிருவாக எல்லைகள் உள்ளடங்குகின்றன.[3]
Remove ads
தேர்தல் முடிவுகள்
1998 உள்ளாட்சித் தேர்தல்
29 சனவரி 1998 இல் இடம்பெற்ற உள்ளாட்சித் தேர்தல் முடிவு:[4][5]
2011 உள்ளாட்சித் தேர்தல்
23 யூலை 2011 இல் இடம்பெற்ற உள்ளாட்சித் தேர்தல் முடிவுகள்:[6]
2018 உள்ளாட்சித் தேர்தல்
2018 பெப்ரவரி 10 இல் நடைபெற்ற உள்ளூராட்சித் தேர்தல்களில் முதல் தடவையாகக் கலப்பு முறைத் தேர்தல் அறிமுகப்படுத்தப்பட்டது. இம்முறைப்படி, 17 உறுப்பினர்கள் வட்டாரங்களில் இருந்து நேரடியாகவும், 17 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும் மொத்தம் 31 உறுப்பினர்கள் தேர்ந்தெடுக்கப்பட்டனர்.[1][2] தேர்தல் முடிவுகள் வருமாறு:[3]
2018 தேர்தலில் சாவகச்சேரி பிரதேச சபையின் தலைவராக கந்தையா வாமதேவன் (மட்டுவில் சந்திரபுரம், இலங்கைத் தமிழரசுக் கட்சி), துணைத் தலைவராக செல்வரத்தினம் மயூரன் (விடத்தல்பளை-பாலாவி, இலங்கைத் தமிழரசுக் கட்சி) ஆகியோர் தெரிவு செய்யப்பட்டனர்.[3]
2025 உள்ளாட்சித் தேர்தல்
2025 மே 6 இல் நடைபெற்ற உள்ளூராட்சித் தேர்தல் முடிவுகள்:[8] 17 உறுப்பினர்கள் வட்டாரங்களில் இருந்து நேரடியாகவும், 11 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும் மொத்தம் 28 உறுப்பினர்கள் தேர்ந்தெடுக்கப்பட்டனர்.
2025 தேர்தலில் சாவகச்சேரி பிரதேச சபையின் தலைவராக பொன்னையா குகதாசன் (இலங்கைத் தமிழரசுக் கட்சி), துணைத் தலைவராக இராமநாதன் யோகேசுவரன், அகில இலங்கைத் தமிழ்க் காங்கிரசு ஆகியோர் தெரிவு செய்யப்பட்டனர்.[9]
Remove ads
மேற்கோள்கள்
Wikiwand - on
Seamless Wikipedia browsing. On steroids.
Remove ads