தாமான் இக்குயின் எம்ஆர்டி நிலையம்

தாமான் இக்குயின் எம்ஆர்டி நிலையம் (ஆங்கிலம்: Taman Equine MRT Station; மலாய்: Stesen MRT Taman Equine) என்பது மலேசியா, சிலாங்கூர், உலு லங்காட் மாவட்டம், செரி கெம்பாங்கான் புறநகர்ப்பகுதியில் உள்ள ஒரு விரைவுப் போக்குவரத்து (MRT) தொடருந்து நிலையம் ஆகும். தாமான் இக்குயின்; தாமான் பிங்கிரான் புத்ரா நகர்ப் பகுதிகளுக்குச் சேவை செய்யும் இந்த நிலையம், புத்ராஜெயா வழித்தடத்தின் 2-ஆவது கட்டத் திறப்பின் ஒரு பகுதியாக, சனவரி 2023-இல் திறக்கப்பட்டது.

PY36  தாமான் இக்குயின்
| எம்ஆர்டி
தாமான் இக்குயின் எம்ஆர்டி நிலையம்
பொது தகவல்கள்
வேறு பெயர்கள்	மலாய்: Stesen MRT Taman Equine சீனம்: 怡观园站
அமைவிடம்	பண்டார் புத்ரா பெர்மாய், 43300 செரி கெம்பாங்கான் சிலாங்கூர்  மலேசியா
ஆள்கூறுகள்	2°59′21″N 101°40′21″E
உரிமம்	எம்ஆர்டி நிறுவனம் பிரசரானா
இயக்குபவர்	ரேபிட் கேஎல்
தடங்கள்	12  புத்ராஜெயா
நடைமேடை	1 தீவு நடைமேடை
இருப்புப் பாதைகள்	2
இணைப்புக்கள்	T542  T543  540  SJ05  ரேபிட் பேருந்து
கட்டமைப்பு
கட்டமைப்பு வகை	உயர்த்தப்பட்ட நிலை
தரிப்பிடம்	உண்டு[1]
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலை	செயல்பாட்டில்
நிலையக் குறியீடு	PY36
வரலாறு
திறக்கப்பட்டது	புத்ராஜெயா வழித்தடம் 16.03.2023
சேவைகள்
முந்தைய நிலையம்   ரேபிட் கேஎல்   அடுத்த நிலையம்     யூபிஎம் எம்ஆர்டி குவாசா   புத்ராஜெயா வழித்தடம்   புத்ரா பெர்மாய் புத்ராஜெயா
அமைவிடம்

 PY34  யூபிஎம் எம்ஆர்டி நிலையத்திற்கும்  PY37  புத்ரா பெர்மாய் எம்ஆர்டி நிலையத்திற்கும் இடையில் அமைந்துள்ள இந்த நிலையம்  PY36  எனும் நிலையக் குறியீட்டைக் கொண்டுள்ளது.^[2] இந்த நிலையத்திற்கு முன்னதாக உள்ள நிலையமான  PY35  தாமான் யுனிவர்சிட்டி எம்ஆர்டி நிலையம் (Taman Universiti MRT station) கட்டுமானத் திட்டத்தில் உள்ளது. கிள்ளான் பள்ளத்தாக்கு பகுதியில் உள்ள பெரும்பாலான எம்ஆர்டி நிலையங்களைப் போலவே, இந்த தாமான் இக்குயின் எம்ஆர்டி நிலையமும் அடுக்கு மாடி அமைப்பைக் கொண்டுள்ளது.

வரலாறு

"இக்குயின் பூங்கா" எனும் நிலையத்தின் பெயர் எம்ஆர்டி நிறுவனத்தால் யூடியூப் வலையொளியில் வெளியிடப்பட்ட ஒரு காணொளியில், "எம்ஆர்டி சுங்கை பூலோ-செர்டாங்-புத்ராஜெயா (SSP) வழித்தட சீரமைப்புக் காணொளி" என்ற தலைப்பில் செப்டம்பர் 15, 2016 அன்று முதன்முதலில் குறிப்பிடப்பட்டது.^[3]

அந்தக் காணொளியில், இக்குயின் பூங்கா எம்ஆர்டி நிலையத்திற்கான தற்காலிக நிலையக் குறியீடு  S31  என அறிவிக்கப்பட்டது.^[2] அதன் பின்னர் சில ஆண்டுகளுக்குப் பின்னர், இந்த நிலையத்தின் பெயர் தாமான் இக்குயின் (Taman Equine) என மாற்றம் செய்யப்பட்டது.^[4][5]

கட்டுமானங்கள்

தாமான் இக்குயின் எம்ஆர்டி நிலையத்தின் கட்டுமானம் S208 (Package S208) உடன்படிக்கையின் கீழ் செயல் படுத்தப்பட்டது. S208 உடன்படிக்கை என்பது அப்போதைய கட்டுமானத்தில் இருந்த  PY37  புத்ரா பெர்மாய் எம்ஆர்டி நிலையத்தின் இணைப்புவழிகள், நடைமேடைகள், நிலையக் கதவுகள் உள்ளிட்ட பல்வேறு கட்டமைப்புக் கட்டுமானப் பணிகளையும் உள்ளடக்கியது. நிலையங்களின் கட்டமைப்பு பணிகளுக்கான தொகை மொத்தம் RM 219.7 மில்லியன் அக்குமிடா நிறுவனத்திடம் (S.N. Akmida Holdings Sdn Bhd) வழங்கப்பட்டது.^[4]

செயல்பாடு

S208 உடன்படிக்கை, நிலையங்களின் கட்டமைப்புகள் மற்றும் அவை தொடர்பான வேலைகளை உள்ளடக்கியது. அவற்றுள் செரி கெம்பாங்கான் நகர்ப்புறத்தில் உள்ள  PY37  புத்ரா பெர்மாய் எம்ஆர்டி நிலையத்தின் கட்டுமான வேலைகளும் அடங்கும்.^[6][4][7]

 PY36  தாமான் இக்குயின் எம்ஆர்டி நிலையம் பொதுமக்களின் பயன்பாட்டிற்காக 2023 மார்ச் 16-ஆம் திகதி திறக்கப்பட்டது.  KC03   PY14  பத்து கன்டோன்மன் கொமுட்டர் நிலையம் தொடங்கி  PY41  புத்ராஜெயா சென்ட்ரல் வரையிலான பிற புத்ராஜெயா வழித்தட நிலையங்களுடன் இணைந்து இந்த நிலையமும் செயல்படத் தொடங்கியது.

அமைவு

தாமான் இக்குயின் எம்ஆர்டி நிலையம்; சிலாங்கூர் மாவட்டங்களில் ஒன்றான பெட்டாலிங் மாவட்டத்தில் செரி கெம்பாங்கான் நகரத்தில் பெட்டாலிங் ஜெயா மாநகராட்சி நிர்வாகப் பகுதியில் உள்ள பண்டார் புத்ரா பெர்மாய் நகரத்தில் (Bandar Putra Bermai) அமைந்துள்ளது.

தாமான் இக்குயின் எம்ஆர்டி நிலையத்தைச் சுற்றியுள்ள குடியிருப்புப் பகுதிகளான தாமான் இக்குயின் (Taman Equine), தாமான் பிங்கிரான் (Taman Pinggiran Putra), தாமான் டத்தோ டெமாங் (Taman Dato Demang), தாமான் லெசுதாரி பெர்மாய் (Taman Lestari Permai), தாமான் புத்ரா பெர்மாய் (Taman Putra Permai), தாமான் லெசுதாரி பெர்தானா (Taman Lestari Perdana), தாமான் தேசாமினியம் (Taman Desaminium) ஆகிய பகுதிகளில் வசிப்பவர்களுக்கு இந்த நிலையம் போக்குவரத்து வசதிகளை வழங்குகிறது.^[8][9]

கட்டமைப்பு

ரேபிட் கேஎல் வெளியிட்ட கிள்ளான் பள்ளத்தாக்கு பெரும் விரைவு போக்குவரத்து வரைபடத்தின் அடிப்படையில்,  PY36  தாமான் இக்குயின் எம்ஆர்டி நிலையம் தெரு மட்டத்தில், வாகன நிறுத்துமிட வசதிகளுடன் கட்டமைக்கப்பட்டுள்ளது.^[9]

மாற்றுத் திறனாளிகளுக்கான அனைத்து வசதிகளையும் இந்த  PY36  தாமான் இக்குயின் எம்ஆர்டி நிலையம் கொண்டுள்ளது.^[5]; அதாவது மாற்றுத் திறனாளிகளுக்கான சாய்வுப் பாதைகள்; நிலையத்தைச் சுற்றியுள்ள தரை மேற்பரப்பில் மாற்றுத் திறனாளிகளுக்கான தொடு தொகுதிகள்; அவர்களுக்கு ஏற்ற வகையில் கழிவறைகள்; சக்கர நாற்காலி பயனர்களுக்கான தாழ்நிலை மின்தூக்கி பொத்தான்கள்; மின்தூக்கி பொத்தான்களில் பிரெய்லி எழுத்துப் பதிவுகள்; மற்றும் சக்கர நாற்காலி பயனர்களுக்கான தாழ்நிலைச் சேவை மையங்கள்^[9] போன்றவை அடங்கும்.

பயனர்களின் அடிப்படைத் தேவைகளை நிறைவு செய்வதற்காக; பொது கழிவறை வசதிகள், ஆண்கள் பெண்களுக்கான வழிபாட்டு அறைகள் (Surau), வாடிக்கையாளர் சேவை மையங்கள், படிக்கட்டுகள் மற்றும் நகரும் படிக்கட்டுகள் ஆகியவை அமைக்கப்பட்டு உள்ளன. நிலையத்தின் நுழைவாயில் மட்டத்தில் உள்ள தற்சேவை பயணச் சீட்டு இயந்திரங்கள் மூலம் பயனர்கள் தங்களின் பயணச் சீட்டுகளை வாங்கிக் கொள்ளலாம்.^[9]

வெளியேறும் வழிகள் - நுழைவாயில்கள்

இந்த நிலையத்தில் இரண்டு நுழைவாயில்கள் உள்ளன.^[9]

புத்ராஜெயா  — தாமான் இக்குயின் எம்ஆர்டி நிலையம்
நுழைவாயில்	அமைவிடம்	இலக்கு	தோற்றம்
A	நிலையத்தின் தென்கிழக்கு	நகரப் பேருந்துகள் நிறுத்தம்; வாடகை வாகனங்கள் நிறுத்தம்; தனியார் வாகனங்கள் நிறுத்தம்; வாடகை வாகன சவாரி அழைப்பு; மாற்றுத் திறனாளிகளுக்கான அணுகல் வசதிகள் (→) எம்பிஎஸ்ஆர் தாமான் இக்குயின் (→) தாமான் பெங்கிரான் புத்ரா
B	நிலையத்தின் வடமேற்கு	நகரப் பேருந்துகள் நிறுத்தம்; வாடகை வாகனங்கள் நிறுத்தம்; தனியார் வாகனங்கள் நிறுத்தம்; வாடகை வாகன சவாரி அழைப்பு; மாற்றுத் திறனாளிகளுக்கான அணுகல் வசதிகள் (→) தாமான் டத்தோ டெமாங் (→) தாமான் இக்குயின்

பேருந்து சேவைகள்

தாமான் இக்குயின் எம்ஆர்டி நிலையத்தின் பேருந்து சேவைகள்

பேருந்து	தொடக்கம்	இலக்கு
T542	PY36  தாமான் இக்குயின் எம்ஆர்டி நிலைய நுழைவாயில் A	தாமான் பெங்கிரான் புதரா (→) 540  SJ05  ↺
T543	PY36  தாமான் இக்குயின் எம்ஆர்டி நிலைய நுழைவாயில் B	தாமான் லெசுதாரி பெர்தானா (→) புஞ்சாக் ஜாலில் (→) 540  541  SJ05  ↺
540	KB05  செர்டாங் தொடருந்து நிலையம் (→) புத்ரா பெர்மாய் (→) தாமான் இக்குயின் (→)  PY33  செர்டாங் ஜெயா எம்ஆர்டி நிலையம்(→)  PY36  தாமான் இக்குயின் எம்ஆர்டி நிலையம்	541  SJ05  T565  T571  ↺
SJ05	PY37  புத்ரா பெர்மாய் எம்ஆர்டி நிலையம் (→) புத்ரா பெர்மாய் (→) தாமான் இக்குயின்	புக்கிட் செர்டாங் (→)  PY33  செர்டாங் ஜெயா எம்ஆர்டி நிலையம் (→) 541  T561  ↺

காட்சியகம்

தாமான் இக்குயின் எம்ஆர்டி நிலையக் காட்சிப் படங்கள் (ஏப்ரல் 2023)

• 
• 
• 
• 
• 
• 
• 

• பொதுவகத்தில் தாமான் இக்குயின் எம்ஆர்டி நிலைய தொடர்பாக ஊடகக் கோப்புகள் உள்ளன.

மேலும் காண்க

•  PY31  செர்டாங் ராயா உத்தாரா எம்ஆர்டி நிலையம்
•  PY32  செர்டாங் ராயா செலாத்தான் எம்ஆர்டி நிலையம்
•  PY33  செர்டாங் ஜெயா எம்ஆர்டி நிலையம்
•  PY34  யூபிஎம் எம்ஆர்டி நிலையம்