யூபிஎம் எம்ஆர்டி நிலையம்

யூபிஎம் எம்ஆர்டி நிலையம் (ஆங்கிலம்: UPM MRT Station; மலாய்: Stesen MRT UPM) என்பது மலேசியா, சிலாங்கூர், உலு லங்காட் மாவட்டம், செரி கெம்பாங்கான், செர்டாங், மலேசிய புத்ரா பல்கலைக்கழகத்தில் உள்ள ஒரு விரைவுப் போக்குவரத்து (MRT) தொடருந்து நிலையம் ஆகும். புத்ரா பல்கலைக்கழகத்திற்கு சேவை செய்யும் இந்த நிலையம், புத்ராஜெயா வழித்தடத்தின் 2-ஆவது கட்டத் திறப்பின் ஒரு பகுதியாக, மார்ச் 16, 2023 அன்று முறைப்படி திறக்கப்பட்டது.

PY34  யூபிஎம் நிலையம்
| எம்ஆர்டி
யூபிஎம் எம்ஆர்டி நிலையம்
பொது தகவல்கள்
வேறு பெயர்கள்	மலாய்: Stesen MRT UPM சீனம்: 博特拉大学站
அமைவிடம்	புத்ரா பல்கலைக்கழகம், செர்டாங் சிலாங்கூர்  மலேசியா
ஆள்கூறுகள்	3°00′31″N 101°42′20″E
உரிமம்	எம்ஆர்டி நிறுவனம் பிரசரானா
இயக்குபவர்	ரேபிட் கேஎல்
தடங்கள்	12  புத்ராஜெயா
நடைமேடை	1 தீவு நடைமேடை
இருப்புப் பாதைகள்	2
இணைப்புக்கள்	T566  T567  T568  ரேபிட் பேருந்து
கட்டமைப்பு
கட்டமைப்பு வகை	உயர்த்தப்பட்ட நிலை
தரிப்பிடம்	இல்லை
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலை	செயல்பாட்டில்
நிலையக் குறியீடு	PY34
வரலாறு
திறக்கப்பட்டது	புத்ராஜெயா வழித்தடம் 16.03.2023
சேவைகள்
முந்தைய நிலையம்   ரேபிட் கேஎல்   அடுத்த நிலையம்     செர்டாங் ஜெயா குவாசா   புத்ராஜெயா வழித்தடம்   தாமான் இக்குயின் புத்ராஜெயா
அமைவிடம்

 PY33  செர்டாங் ஜெயா எம்ஆர்டி நிலையத்திற்கும்  PY36  தாமான் இக்குயின் எம்ஆர்டி நிலையத்திற்கும் இடையில் அமைந்துள்ள இந்த நிலையம்  PY34  எனும் நிலையக் குறியீட்டைக் கொண்டுள்ளது.^[1] யூபிஎம் எம்ஆர்டி நிலையத்திற்கு அடுத்த நிலையமான  PY35  தாமான் யுனிவர்சிட்டி எம்ஆர்டி நிலையம் (Taman Universiti MRT station) கட்டுமானத் திட்டத்தில் உள்ளது. கிள்ளான் பள்ளத்தாக்கு பகுதியில் உள்ள பெரும்பாலான எம்ஆர்டி நிலையங்களைப் போலவே, இந்த யூபிஎம் எம்ஆர்டி நிலையமும் அடுக்கு மாடி அமைப்பைக் கொண்டுள்ளது.

வரலாறு

இந்த நிலையம், கிள்ளான் பள்ளத்தாக்கு பெரும் விரைவு போக்குவரத்து (KVMRT); 12 புத்ராஜெயா எம்ஆர்டி வழித்தடத்தின் இரண்டாம் கட்ட கட்டுமானத்தின் கீழ் 2023 மார்ச் 16-ஆம் தேதி திறக்கப்பட்டது.^[1] இந்த நிலையம் கட்டப்படுவதற்கு முன்பு சுங்கை பூலோ-செர்டாங்-புத்ராஜெயா (SSP) வழித்தட அமைப்பில் யூபிஎம் எம்ஆர்டி நிலையமும் ஒரு பகுதியாக அமையும் என 2016 செப்டம்பர் 15-ஆம் தேதி எம்ஆர்டி நிறுவனம் அறிவித்தது.^[2]

இந்த நிலையத்தின் கட்டமைப்பிற்கான தொடக்கக் குறியீடு  S29  என வரையறுக்கப்பட்டது.^[3] முன்பு செயல்பாட்டில் இருந்த சுங்கை பூலோ-செர்டாங்-புத்ராஜெயா வழித்தட அமைப்பு தற்போது 12 புத்ராஜெயா வழித்தடம் என அழைக்கப்படுகிறது.^[1] இந்த  PY34  யூபிஎம் எம்ஆர்டி நிலையம்; புத்ராஜெயா வழித்தடத்தில் உயர்த்தப்பட்ட நிலையமாக உருவாக்கப்பட்டது.

கட்டுமானங்கள்

யூபிஎம் எம்ஆர்டி நிலையத்தின் கட்டுமானம் S206 உடன்படிக்கையின் கீழ் செயல் படுத்தப்பட்டது. S206 உடன்படிக்கை என்பது அப்போதைய கட்டுமானத்தில் இருந்த தொடருந்து நிலையங்களின் இணைப்புவழிகள், நடைமேடைகள், நிலையக் கதவுகள் உள்ளிட்ட பல்வேறு கட்டமைப்புக் கட்டுமானப் பணிகளை உள்ளடக்கியது. நிலையங்களின் கட்டமைப்பு பணிகளுக்கான தொகை மொத்தம் RM 32.14 பில்லியன் அகமத் சாக்கி நிறுவனத்திடம் (Ahmad Zaki Sdn. Bhd) வழங்கப்பட்டது.

S206 உடன்படிக்கை, நிலையங்களின் கட்டமைப்புகள் மற்றும் அவை தொடர்பான வேலைகளை உள்ளடக்கியது. அவற்றுள் செர்டாங் ராயா நகர்ப்புறத்தில் உள்ள  PY34  செர்டாங் ராயா செலாத்தான் எம்ஆர்டி நிலையம்; மற்றும் செரி கெம்பாங்கான், செர்டாங், மலேசிய புத்ரா பல்கலைக்கழகத்தில் உள்ள  PY33  யூபிஎம் எம்ஆர்டி நிலையம் ஆகியவற்றின் கட்டுமான வேலைகளும் அடங்கும்.^[4][5]

காடாங் பொறியியல் நிறுவனம்

இதற்கிடையில், புத்ராஜெயா வழித்தடத்தின் உயர்த்தப்பட்ட தொடருந்து பாலங்களின் கட்டுமானம் V206 உடன்படிக்கையின் கீழ் கட்டப்பட்டன. இந்தக் கட்டுமானம்  PY32  செர்டாங் ராயா செலாத்தான் எம்ஆர்டி நிலையம் வழியாக மலேசிய புத்ரா பல்கலைக்கழகத்தின் (UPM)  PY34  யூபிஎம் எம்ஆர்டி நிலையம் வரை நீடிக்கிறது. இந்த உடன்படிக்கை மார்ச் 2017-இல் காடாங் பொறியியல் நிறுவனத்துடன் (Gadang Engineering (M) Sdn. Bhd) செய்துகொள்ளப்பட்டது. அதன் மொத்தச் செலவு RM 952.09 மில்லியன் ஆகும்.^[3][6] இந்த நிலையத்தின் கட்டுமானம் கிள்ளான் பள்ளத்தாக்கு பெரும் விரைவு போக்குவரத்து (KVMRT) திட்டத்தின் கீழ் உள்ளது.^[4]

செயல்பாடு

 PY34  யூபிஎம் எம்ஆர்டி நிலையம் பொதுமக்களின் பயன்பாட்டிற்காக 2023 மார்ச் 16-ஆம் திகதி திறக்கப்பட்டது.  KC03   PY14  பத்து கன்டோன்மன் கொமுட்டர் நிலையம் தொடங்கி  PY41  புத்ராஜெயா சென்ட்ரல் வரையிலான பிற புத்ராஜெயா வழித்தட நிலையங்களுடன் இணைந்து இந்த நிலையமும் செயல்படத் தொடங்கியது.

அமைவு

யூபிஎம் எம்ஆர்டி நிலையம் சிலாங்கூர் மாவட்டங்களில் ஒன்றான பெட்டாலிங் மாவட்டத்தில் (முக்கிம்) செர்டாங் நகரத்தில் பெட்டாலிங் நிர்வாகப் பகுதியில் உள்ள யூபிஎம் சாலையில் (Jalan UPM) அமைந்துள்ளது.

இந்த யூபிஎம் எம்ஆர்டி நிலையத்தைச் சுற்றியுள்ள பகுதிகளான தாமான் புக்கிட் செர்டாங் (Taman Bukit Serdang), தாமான் செரி செர்டாங் (Taman Seri Serdang), தாமான் செர்டாங் ஜெயா (Taman Serdang Jaya) பகுதிகளில் வசிப்பவர்களுக்கும்; மற்றும் மலேசிய புத்ரா பல்கலைக்கழகத்தில் பயிலும் மாணவர்களுக்கும் போக்குவரத்து வசதிகளை வழங்குகிறது.

முக்கிய இடங்கள்

• யூபிஎம் பால் பண்ணை (Farm Fresh @ UPM)
• செர்டாங் மருத்துவமனை
• மலேசிய வேளாண் ஆய்வு மேம்பாட்டு நிறுவனம் (MARDI)
• மலேசிய செர்டாங் வேளாண் கண்காட்சிப் பூங்கா (MAEPS)
• ஐஓஐ சிட்டி பேரங்காடி (IOI City Mall)

கட்டமைப்பு

ரேபிட் கேஎல் வெளியிட்ட கிள்ளான் பள்ளத்தாக்கு பெரும் விரைவு போக்குவரத்து வரைபடத்தின் அடிப்படையில்,  PY34  யூபிஎம் எம்ஆர்டி நிலையம் தெரு மட்டத்தில், வாகன நிறுத்துமிட வசதிகளுடன் கட்டமைக்கப்பட்டுள்ளது.^[7]

மாற்றுத் திறனாளிகளுக்கான வசதிகளைக் கொண்டுள்ள இந்த  PY34  யூபிஎம் எம்ஆர்டி நிலையம் ^[3]; அதாவது மாற்றுத் திறனாளிகளுக்கான சாய்வுப் பாதைகள்; நிலையத்தைச் சுற்றியுள்ள தரை மேற்பரப்பில் மாற்றுத் திறனாளிகளுக்கான தொடு தொகுதிகள்; அவர்களுக்கு ஏற்ற வகையில் கழிவறைகள்; சக்கர நாற்காலி பயனர்களுக்கான தாழ்நிலை மின்தூக்கி பொத்தான்கள்; மின்தூக்கி பொத்தான்களில் பிரெய்லி எழுத்துப் பதிவுகள்; மற்றும் சக்கர நாற்காலி பயனர்களுக்கான தாழ்நிலைச் சேவை மையங்கள்^[7] போன்றவை அடங்கும்.

பயனர்களின் அடிப்படைத் தேவைகளை நிறைவு செய்வதற்காக; பொது கழிவறை வசதிகள், ஆண்கள் பெண்களுக்கான வழிபாட்டு அறைகள் (Surau), வாடிக்கையாளர் சேவை மையங்கள், படிக்கட்டுகள் மற்றும் நகரும் படிக்கட்டுகள் ஆகியவை அமைக்கப்பட்டு உள்ளன. நிலையத்தின் நுழைவாயில் மட்டத்தில் உள்ள தற்சேவை பயணச் சீட்டு இயந்திரங்கள் மூலம் பயனர்கள் பயணச் சீட்டுகளை வாங்கிக் கொள்ளலாம்.^[7]

வெளியேறும் வழிகள் - நுழைவாயில்கள்

இந்த நிலையத்தில் ஒரே ஒரு நுழைவாயில் மட்டுமே உள்ளது.^[7]

புத்ராஜெயா  — யூபிஎம் எம்ஆர்டி நிலையம்
நுழைவாயில்	அமைவிடம்	இலக்கு	தோற்றம்
A	யூபிஎம் சாலை	நகரப் பேருந்துகள் நிறுத்தம்; வாடகை வாகனங்கள் நிறுத்தம்; தனியார் வாகனங்கள் நிறுத்தம்; வாடகை வாகன சவாரி அழைப்பு; மாற்றுத் திறனாளிகளுக்கான அணுகல் வசதிகள் (→) யூபிஎம் குடும்பம், இளைஞர், சிறார்கள் ஆய்வு மையம் (→) யூபிஎம் உயிரி தொழில்நுட்பம் மற்றும் உயிர் மூலக்கூறு அறிவியல் துறை (→) யூபிஎம் கடல் விலங்கு சுகாதார பிரிவு (→) யூபிஎம் உணவு அறிவியல் தொழில்நுட்ப துறை

பேருந்து சேவைகள்

யூபிஎம் எம்ஆர்டி நிலையத்தின் பேருந்து சேவைகள்

பேருந்து	தொடக்கம்	இலக்கு
T566	PY34  யூபிஎம் எம்ஆர்டி நிலைய நுழைவாயில் A	தாமான் புக்கிட் செர்டாங் (→) தாமான் யுனிவர்சிட்டி இண்டா ↺
T567	PY34  யூபிஎம் எம்ஆர்டி நிலைய நுழைவாயில் A	தாமான் செரி செர்டாங் (→) புத்ரா பல்கலைக்கழக பொறியியல் துறை வளாகம் ↺
T568	PY34  யூபிஎம் எம்ஆர்டி நிலைய நுழைவாயில் A	புத்ரா பல்கலைக்கழக வேளாண் துறை வளாகம் ↺

காட்சியகம்

யூபிஎம் எம்ஆர்டி நிலையக் காட்சிப் படங்கள் (ஏப்ரல் 2023)

• 
• 
• 
• 
• 

மேலும் காண்க

•  KJ19  யுனிவர்சிட்டி எல்ஆர்டி நிலையம் - மலாயா பல்கலைக்கழகம்
•  KB07  யூகேஎம் கொமுட்டர் நிலையம் - மலேசிய தேசிய பல்கலைக்கழகம்
•  SA14  யூஐடிஎம் எல்ஆர்டி நிலையம் (திட்டத்தில்) - மாரா தொழில்நுட்ப பல்கலைக்கழகம்