நெமிலி

நெமிலி (ஆங்கிலம்:Nemili), இந்தியாவின் தமிழ்நாடு மாநிலத்தில் அமைந்துள்ள இராணிப்பேட்டை மாவட்டத்தின் நெமிலி வட்டத்தின் நிர்வாகத் தலைமையிடம் மற்றும் பேரூராட்சி ஆகும். நெமிலியில் நெமிலி ஊராட்சி ஒன்றியத்தின் வட்டார வளர்ச்சி அலுவலகம் செயல்படுகிறது.

நெமிலி
ஆள்கூறு
நாடு	இந்தியா
மாநிலம்	தமிழ்நாடு
மாவட்டம்	இராணிப்பேட்டை
வட்டம்	நெமிலி
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	ஜெ. யூ. சந்திரகலா, இ. ஆ. ப
மக்கள் தொகை • அடர்த்தி	9,382 (2001[update]) • 1,104/km2 (2,859/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	8.5 சதுர கிலோமீட்டர்கள் (3.3 sq mi)
இணையதளம்	www.townpanchayat.in/nemili

அமைவிடம்

நெமிலி, மாவட்டத் தலைமையிடமான வேலூரிலிருந்து 64 கி.மீ. தொலைவில் உள்ளது. இதனருகே அமைந்த தொடருந்து நிலையம் 16 கி.மீ. தொலைவில் உள்ள அரக்கோணத்தில் உள்ளது.

இதனருகே அமைந்த நகரங்கள், கிழக்கில் காஞ்சிபுரம் 28கி.மீ.; மேற்கில் அரக்கோணம் 16 கி.மீ.; வடக்கில் வாலாசாபேட்டை 32 கி.மீ. மற்றும் தெற்கில் ஆற்காடு 36 கி.மீ. தொலைவில் உள்ளது.

பேரூராட்சியின் அமைப்பு

8.50 ச.கி.மீ. பரப்பும், 15 பேரூராட்சி மன்ற உறுப்பினர்களையும், 34 தெருக்களையும் கொண்ட இப்பேரூராட்சி சோளிங்கர் (சட்டமன்றத் தொகுதி) மற்றும் அரக்கோணம் மக்களவைத் தொகுதிக்குட்பட்டதாகும்.^[3]

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 2,620 வீடுகளும், 10,806 மக்கள்தொகையும், கொண்டது. இப்பேரூராட்சியின் எழுத்தறிவு மற்றும் பாலின விகிதம் 84.68% ஆயிரம் ஆண்களுக்கு, 993 பெண்கள் வீதம் உள்ளனர்.^[4]